مريض تعدى عليا بشتايم بشعة وانا ضعيفة

Question

انا بشتغل زفت دكتورة و بالمناسبة محدش يدخل طب .. اتعرضت النهاردة لأبشع موقف مرافق مريض تعدى عليا باقذر الشتايم واتهجم عليا كان هيضربني .. طبعا بدون الدخول ف احداثيات الموقف  وأنه مينفعش يهزقنى أو يعمل كدة ف مكان عملي 
انا فضلت اعيط كتير جدا مقدرتش ارد ع وابل الشتايم البشعة دى و افتكرت خطيبي قولت يمكن ربنا عرضنى للموقف ده انتقام منى انى سيبت خطيبي و أنه اكيد اتعذب بسببي كمان هو كان أعمامه ف الشرطة و كدة قولت لو كنت لسة خطيبته كان جابهم من قفاهم مذلولين .. أنا حاسة انى ضعيفة

Apple_69016 🇪🇬 · Accepted Answer

لا انتي مش ضعيفه انتي قويه بس انتي اتربتي انك مترديش الشايمه وخطيي ده نصيب

Olive_66804 🇪🇬 · Answer

لى ربطتى الحدث دا بخطيبك الدكاتره كل يوم معرضين للمواقف دى وطبيعى تنهارى وطبيعى تبقى عاوزه حد يجبلك حقك

Potato_67436 🇪🇬 · Answer

مش يمكن المرافق كان مهندس (كليات قمه و كده ) 
خيو خيو خيو

Strawberry_65724 🇪🇬 · Answer

ربطت الأحداث ببعضها لانى للاسف لسة متأثرة بفسخ الخطوبة فاى موقف بيحصللي بيحسسنى اد ايه انى لوحدى و ضعيفة وأنه لو كان معايا مكنش سكت كان جابلي حقي 
انا خايفة جدا و مش عارفة انام

Strawberry_65724 🇪🇬 · Answer

قال ف وسط الخناقة أنه مهندس فعلا

Potato_67436 🇪🇬 · Answer

مكشوف عني الحجاب خوبالك

Olive_66804 🇪🇬 · Answer

انتى قلتى حاسه انه ربنا بيعاقبنى انى سبته كنت اقصد لى ربطتيها بالطريقه دى ايا كان اسبابك اللى سبتيها عشانه فدا من حقك مافيش عقاب ولا حاجه
احساس بقا انك فقدتى حد كان ممكن يسندك دا طبيعى لاننا كلنا محتاجين حد معانا

Coffee_67813 🇪🇬 · Answer

طب ينفع تشرحي سبب المشكلة ايه يا فندم

Strawberry_65724 🇪🇬 · Answer

هتفرق في ايه

Coffee_67813 🇪🇬 · Answer

بحاول افهم وجهة نظر الطرف التاني لأن والله يا فندم ساعات سبب المشاكل دي بتكون اننا مش فاهمين اللي قدامنا

Ice Cream_63106 🇪🇬 · Answer

طب ايه علاقة طب بالموضوع يعني اي واحده معرضة للموقف ده مش شرط الدكتوره

Strawberry_65724 🇪🇬 · Answer

اى وحدة ازاى .. ما لازم تكون ف استقبال مستشفي عام و هى المسئولة

Ice Cream_63106 🇪🇬 · Answer

معلش مش فاهمه ايه المشكله عشان انتي خوفتيني انا لسه في تانيه🥲

Strawberry_65724 🇪🇬 · Answer

تمام المشكلة باختصار أن الأستاذ كان جاى يستظرف و بهزر الساعة وحدة ونص الصبح والمفروض أنا لسة هكشف ع ابنه اللى بالمناسبة مش حالة طوارئ اصلا كمان بس من باب الرحمة نزلت ابص عليه بعد اللى قاله بقوله حضرتك ممكن تنتظر برة لأن بردو المفروض المرافقين برة مرضاش يطلع قلتله حضرتك جاى تهزر بقي قالي لا انتى اللي بتدلعي فسيبت الطوارئ ومشيت المهم كلمه منه ع كلمنى منى الأمن جه و الخناقة بقت كبيرة و قال ألفاظ

Coffee_67813 🇪🇬 · Answer

وصلت يا فندم ... اولا كويس انك نزلتي من باب الرحمة لأن ده اساس شغلكم .. تاني حاجه هو غلطان طبعاً بس مع الأيام عودي نفسك تكوني قوية ومش اي حد متدني في اسلوب كلامع يقدر يهزك او يزعلك ... وبالتوفيق ان شاء الله

Coffee_67813 🇪🇬 · Answer

صحيح حاجة كمان .. حتى لو كان خطيبك معاكي اوعي تستغلي سلطته عشان تجيبي حقك بالشكل ده ... لأن هي حاجة مش كويسة .. واعرفي ان قيمتك في شخصيتك وعلمك مش قرايب خطيبك

Peanut_69041 🇪🇬 · Answer

وانا فى رابعه واترعبت 🥲

Ice Cream_63106 🇪🇬 · Answer

انا اول ما لقيت ضرب حسيت اني عايزه اسيب الكليه لاني علطول بسمع لكن مش بصدق هو بعد المذاكره دي كلها كمان هضرب😂😭

Sugar_68848 🇪🇬 · Answer

الله معك أنا حضرت فى تامين الصحى موقف مشابه واحد شتم دكتورة بنت صغيرة كنت عاوز اشتمه وبجد البنت كانت صعبان عليها نفسها ، المفروض تاخدى حقك بالقانون واعتمدى على نفسك وليس اى شخص 
ربنا يوفقك