من التهميش للتفوق.. كيف غيرت صداقتي مع الله حياتي؟

Question

كنت في ابتدائي حد مهمل جدا دراسيا بس انا مكنتش عارف يعني ايه مذاكرة .. شوفت زميل معايا في الفصل مجتهد جدا كانت نظرة المدرسين له بتبقى مختلفة تماما عن نظرتهم عني كانت بتبقى انبهار و فخر بانجازاته وانا حد يعتبر مجهول الكينونة في المدرسة وفي الفصل وحاجة اخر تهميش ... فكرت ساعتها انه ابدأ اقرأ المنهج فبدأت شيئا فشيئا اتحسن والدرب على المذاكرة لغاية ما طلعت كمركز تاني على مدرستي سنة التخرج وتصورت مع مدير المدرسة بعد ما كان بالنسبة ليا مستحيل حتى اسمي يتذكر جنب اللائحة مش فيها حتى و دلوقتي انا على مشارف التخرج من المهنة اللي عانيت منها وانا صغير وهبقى مدرس بيحب طلابه اللي مش مدرك زي المدرك بدون تفرقة ... حابب اقول ان العامل الرئيسي في اني اتنقل النقلة دي هي نشأة علاقة صداقة مع الله فكان الداعم الامثل و الاوحد في اني اتشجع 🪄

Hazelnut_52786 🇪🇬 · Answer

قصة حياتك دي درس كبير لكل واحد حاسس إنه مش باين وسط الزحمة.
تحوّلك من التهميش للتميز مش صدفة، ده شغل قلب تعب واتربى على الصبر، وعلاقة صادقة مع ربنا.
اللي جاي منك كمدرّس هيكون أحن بكتير، لأنك مش بس هتشرح منهج، انت هتكون أمل للي شبهك زمان

Hazelnut_52786 🇪🇬 · Answer

اللي مرّ بالتهميش وعرف طعم الإهمال، بيكون أكتر واحد يقدّر الطالب اللي ساكت ومستخبي في آخر الفصل.
ربنا ماكانش بيسيبك، ده كان بيجهزك تكون النور اللي انت مفتقده زمان.
استمر بصداقة ربنا، وخلي كل طالب يقابلك يحس إنه مسموع ومهم، زي ما انت كنت بتتمنى تحس