انا دلوقتي عندي مشكلة اني بتوتر من كل حاجة حواليا وعندي قلق دايم خايفة من حاجات كتير خايفة من الموت بدري وده يمكن اكتر حاجة انا خايفة منها في حياتي عشان انتشر اوي موت الشباب الفجأة فبقي عندي خوف مستمر لدرجة ان كان عيد ميلادي من يومين كنت حاسة ان يوم ميلادي هيكون يوم وفاتي وطول عيد ميلادي خايفة ومرعوبة وخايفة ان حد من اهلي يجراله حاجة بقيت بخاف عليهم وحاسة اني انا اللي مسؤولة عنهم مش العكس خايفة متخرجش بتقدير كويس خايفة مشتغلش الخ بجد مفيش حاجة مش بخاف منها انا الحمد لله بصلي وقريبة من ربنا و مؤمنة ان كل اللي بيحصلنا ده مكتوب من زمان وقدر بس غصب عني الخوف متملك مني ومش عارفة اخلص منه وزهقت اوي وخايفة افضل عايشة حياتي كلها في قلق وخوف

ركزى واحده واحده وعالجي مشاكلك كل واحده علي حده والاهم مش تفكرى في كل المشاكل مره واحده وطريقه حلولها مره واحده . اجهاد وضغط للعقل . خر قسط من الراحه . اعمل اكل بتحبو . اخلق ليك جو من السعاده حتي لو ساعه

بكره حاجه جدًا وخايفه منها.. أعمل إيه؟

Q: مش عايز اعترف بحبها رغم إنه باين عليا

فكرة انكار مشاعرك واني بحب واحدة ومش عايز اعترف بالكلام ده وبنكره رغم ان كتير شاكيين في الموضوع وبعضهم اتأكدوا لكن مش مني ويمكن تبقى هي كمان حست او عرفت بمشاعري وانا معرفش بس برضوا مش قادر اقولها لأني مش جاهز لفكرة اني ارتبط بيها وبحاول اقنع نفسي انه مجرد اعجاب لا اكثر ولا اقل رغم انه باين عليا وعلى تعاملي معاها و شكلي لما هي تبقى موجودة حواليا وتوتري وشكلي لما حد يكلمني عنها بيبقى باين اوي عليا

Q: مشكلتي مع الكلام والرهاب الاجتماعي.. أعمل إيه؟

بقولكوا يا جماعه انا حاسس ان عاوز اروح لدكتور نفسي او ثيرابست عشان اعرف اتكلم في وسط الناس مشكلتي ان كنت مفكر ان مش بحب اتكلم مع الناس غريبه او مش بعرف اتكلم معاهم عشان مش عارفهم اتاريني مش بتكلم اصلا مع حد و ان مش بتكلم عشان خايف من الكلام و كنت مفكر ان معنديش رهاب اجتماعي بس طلع عندي و كل دا اكتشفته مع الوقت و المواقف لدرجه ان محدش بيلاحظني في القاعده عشان مش بتكلم بس و انا مش قولت لاهلي ان عاوز اروح لدكتور نفسي لكن ميعرفوش المشكلة لان مش عاوزهم يعرفوا و انا مش معايا فلوس اروح لدكتور نفسي ف لو حد يقولي اعمل ايه بدل ما تنا تايه كدا و حاسس المشكلة بتزداد صعوبه معايا و دا مسببلي مشكلة عويصه الفكره ان لو حد جه اتكلم معايا بقفل كلام معاه بسرعه علشان خايف الغبط في الكلام او معرفش اتكلم بسلاسه او ان اعرف ارد عليه ف حد ينصحني اعمل ايه و لا اروح وين و كل سنه و انتوا طيبين و عيد سعيد عليكوا جميعا ♥️♥️