مكسوف من نفسي رغم نجاحي.. وأنا الكبير ف العيلة

Question

انا اكبر واحد ف العيله عندي ك ولاد يعني 
اخويا دخل هندسه ابن خالتي الكبير دخل كمبيوتر ساينس و ابن خالتي الصغير دخل هندسه 
وانا ف معهد رغم ان الموضوع عدى عليه فتره طويله انا داخل سنه تالته اصلا بس مكسوف من نفسي و مكسوف اقابلهم او اتعلمب مع حد فيهم خصوصا اني الكبير و زمان كنا علطول مع بعض وكنت انا اللي بمشيهم و كانو ماشيين ورايا و بيسمعوا كلامي علطول فجأ بقيت اقل واحد بقيت مستعر من نفسي و حاسس ان ابويا و امي بيتكسفو مني رغم ان محصلش حاجه تدل ع ده 
و رغم اني شغال و ناجح ف شغلي جدا بس احساس النقص عندي علطول

Banana_62794 🇪🇬 · Answer

بص يا اخويا متقرنش نفسك بحد اشتغل ع نفسك انت وبس . كون احسن واحد في مجالك .اعمل فلوس وكسر الدنيا .بص لنفسك وبس

Apple_57874 🇪🇬 · Answer

مش بقارن بس انا غصب عني بقيت شايف نفسي قليل وسطهم كلهم هيبقوا مهندسين وانا اقل واحد فيهم بقيت اتكسف اقعد معاهم و يهرب من اى قاعده متجمعين فيها حتى ف البيت عندي بقيت اغلب الوقت قاعد لوحدي لاني حاسس ان كله باصصلي اني الشايب اللي ف العيله لللي كاسفهم

Strawberry_66803 🇪🇬 · Answer

معهد !! ما كده كده درجة البكالوريوس هتاخدها هوه التعامل بقي بالكليات ولا اي 
انت بتهزر اصلا 
اخواتي دخلوا كليات عادية وانا دخلت معهد لما كان حد بيكلمني من صحابي كنت بقولهم دخلت بفلوسي انتوا داخلين ببلاش وناو كلهم بيلجوا ليا علشان محتاجيني بسبب دراستي

المهم تعرف قيمة نفسك مش مهم الناس

Watermelon_62093 🇪🇬 · Answer

لازم تبدا تعالج نفسك داخليا الاول لان ثقتك فنفسك مهزوزه خليك عارف ان فالاول والاخر ده نصيبك وده نصيبهم ولازم تتقبل نفسك انت فمعهد عادي مستقل بيه ليه حب نفسك مش مستاهله تجلد فذاتك ولا تسمع كلام حد واشتغل ع نفسك اكتر وابني نفسك واقعد وسطيهم وانت واثق فنفسك وفخوى مهما كانت انجازاتك بسيطه