مش من جيلي.. تفكيري عملي ومختلف عن الكل

Question

انا حاسس اني مش من جيلي انا عندي ١٨ سنه لبسي كلو كلاسيك مبسمعش اغاني شعبي ااو ارقص علي اي اغنيه دماغي غيرهم صحابي كلهم ولاد عمري مخرجت مع بنات عشان غالبا مش هيكون في واحده نفس دماغي او تفكيري صاحبي قليلين جدا كلهم غيري في التفكير انا واحدكل تفكيري عملي لما باجي احسب حاجه بحسبها بالارقام ووالحسبات علي اني مش دحيح ومش عارف اتعامل مع الجيل ده كل صحابي اكبر مني بكتير

Hazelnut_52786 🇪🇬 · Accepted Answer

إنت مختلف وده مش عيب، ده بالعكس ميزة بس محتاج تتقبل نفسك زي ما إنت.
ماتحاولش تغير دماغك علشان تمشي مع الناس، دور على اللي زيك وهتلاقيهم حتى لو قليلين.
خليك واثق إن اللي سابقين سنهم في التفكير دايمًا بيلاقوا مكانهم مع الوقت، اصبر وماتستعجلش

Onion_56676 🇪🇬 · Answer

و الله يا صاحبي مش لوحدك أنا كمان كده والله بس الفكره اني مبكلمش بنات علشان حرام...... الموضوع عادي، و علي فكره انت كده احسن منهم، لأنهم ماشيين تبع التريند "إمعه"، و الرسول ﷺ نهي أن نكون إمعه، لأن هذا يبطل العقل، و يمنعه من التفكر، أنا مش شيخ بس عارف ديني كويس، و عارف إن إحنا كده صح، كل الي أقدر أقولهولك، بالتوفيق يا صاحبي.

Mango_56560 🇪🇬 · Answer

انا زيك بالظبط

Ice Cream_56279 🇪🇬 · Answer

انت راجل محترم و ابن ناس و اهلك عرفوا يربوك انت صح يا خويا والله نصيحه من حد عنده ٢٥ سنة اوعي تبقي شبه العيال اللي ف سنك دول ولا تبقي زيهم قرب من ربنا و ابعد عن اي حاجه حرام و لازن تلتزم ف الصلاة و صدقني ليك مستقبل عظيم

Hazelnut_52786 🇪🇬 · Answer

ابني نفسك على هدوء، وماتستناش الناس تفهمك علشان تحس بقيمتك.
خليك في طريقك اللي مريحك، حتى لو مش زيه حد حواليك.
الناس اللي شبهك هتظهر مع الوقت، بس لازم تكون جاهز ليهم وأنت واقف على رجلك

Marshmallow_56042 🇪🇬 · Answer

مش لازم نكون بتفكر زي بعض بالظبط وطريقه حياتنا واحده علشان نبقي صحاب الإنسان ربنا خلقه اجتماعي ميقدرش يعيش لوحده مينفعش ابعد عن الناس كلها وبعدين نقط اختلافك شايفها عاديه يعني مش لازم البس زي اصحابي أو اسمع اغاني شبهم و بالنسبة للبنت فا المفروض متكلمهومش بس للاسف احنا في عصر الغلط فيه بقي هو المنتشر واللي ميعملوش يبقي انسان مش طبيعي

Pear_56657 🇪🇬 · Answer

مش كلتك انك اصغر مني بس عموما انت عسل و مش معنى كدا انه فيك عيب لا عادي خليك كدا أصلا جيلي و جيلك ف العموم فاسد

Apple_55585 🇪🇬 · Answer

بالعكس دي ميزة بس انت اشتغل عليها

Avocado_54571 🇸🇦 · Answer

انت مثلي تماماً لكن انا اكبر منك بكتير بالعمر 
انا عندي 42 سنه يعني انت زي واحد من ولادي
انا كنت زيك ومازلت زيك . وكنت بلوم والدي على انه كان بيمنعني من حاجات كثيره . مثل الصحاب او اننا اخرج 
لكن بعد ماكبرت وجالي ولد عرفت انه عنده ADHD وعرفت من خلاله انه انا كمان عندي نفس الاضطراب . اسمه بالعربي
فرط الحركه وتشتت الانتباه . ودي ممكن حاجه مزعجه ليك وللي عايش حوليك . خصوصاً اذا ماتم اكتشاف الحاله مبكر

Avocado_54571 🇸🇦 · Answer

هو فرط الحركة وتشتت الانتباه بتكون مندفع في بعض الامور ودي حاجه قد تأذيك وكمان قد  تكون عاطفي وغير منطقي ولكن كمان بيزيد تركيزك على بعض الامور الي لو عرفت تحلها بسبب تركيزك بتكون حاجه جميله جداً . انا بلاقي نفسي في الحاجات الصعبه والارقام والاشغال الي فيها تعب عشان دي حاجه بتريح دماغي . لأننا ابقا محتاج افكر كثير ولو معملتش كدا ممكن ادخل في دوامه وحاله نفسيه مايعلم بيها الا ربنا . لذالك لازم تتأكد

Chilli_55904 🇪🇬 · Answer

ايوة عايز ايه يعني ؟ 
نديك جائزة ولا نقول ل امك ايه ؟

Ice Cream_56184 🇪🇬 · Answer

على فكرة أنا شبهك بالظبط ، لا بسمع الاغاني بتاعتهم دي ولا بصاحب شباب ولا عمري ارتبطت  ولبسي برضو كلاسيك وما عنديش صحاب كتير  ... بس انا عمري ما شفت الشئ دة عيب فيا 🙂

Grape_54704 🇪🇬 · Answer

خليك زي ما انت اوعي تبقي شبه حد ولا تحس نفسك مختلف انت عادي وزيك زيهم وده الصح ان كلنا نختلف عن بعض لكن لما تلاقي فئة كلها شبه بعض سواء في تصرفات او لبس او كلام او ذوق اعرف ان دول مش طبيعيين الطبيعي اختلافنا والطبيعي والصح اننا نتقبل اختلافات بعض 
وانت اول حد لازم تتقبل اختلاف نفسك وخليه مصدر قوتك ولو حاسس ان فيه حاجة محتاجك تغيير وتطوير ظبطها ❤️

Chocolate_50862 🇪🇬 · Answer

انا ١٨ سنة ونفس الموضوع بردو بس بقيت اشوف الناس اللي شبهي شوية في شخصيتي بيعرفوا يتفاهموا معايا مش سطحيين او متحكمين ومؤخراً بقيت مرتاحة مع صاحبتين ليا بس وهما دول الوحيدين اللي حساهم شبهي ف التفاهم مش بضطر اشرح كتير عشان يفهموني بيفهموني ع طول ومش سطحيين بردو واهتماماتهم مش زيي اوي بس عادي بقيت متقبلة الاختلاف... انت مش لوحدك ع فكرة ولو دورت كتير ف انستاجرام هتلاقي ناس كتير اوي شبهك او بنترست كمان

Mango_52462 🇪🇬 · Answer

دور علي حد شبهك خليك وسط ناس زيك بس متصاحبش ناس مش شبهك علشان هيأثروا عليك

Sugar_11554 🇪🇬 · Answer

بكل بساطه انت صح وهما غلط دور على اللى شبهك

Ice Cream_55483 🇪🇬 · Answer

نفس اللي انت قولته ده كان ينطبق عليا بالظبط ، بس اوعى تتغير علشان حد ولا علشان تنسجم معاهم .. دور على اللي شبهك و بس و لو مفيش مش مهم خليك ثابت على شخصيتك دي ..