بحس إني مش مرغوب في وجودي في البيت

Question

يمكن موقف صغير و ممكن كتير يشوفوا إني مكبرة الموضوع، لكن بابا دائما بيفتكر يجيب حاجات حلوة لأخواتي و بينساني...و مش بيهتم لو فكرته مع إني بنته الكبيرة لكن بحس إني مش مرغوب في وجودي.... وجودي بقى بس مرهون بالوقت لحد ما اتجوز محدش في البيت بيسأل عليا أو بيهتم لو تعبت أو عييت أو كنت زعلانة.....كلهم فجأة مخنوقين مني....حتى لو نبهتهم بيقولوا إني مجرد مكبرة الدنيا... و الموضوع مأثر فيا جداً لدرجة إن شعري بيقع و وزني زاد من الحزن اللي بطلعه في الأكل

Kiwi_68489 🇪🇬 · Accepted Answer

حاولي تديهم اهتمام و حنيه مهما كان دول اهلك ولو مفيش نتيجة واجهيهم بكل احترام و متقفليش الموضوع غير لما تطلعي منهم بأجابه بس اتناقشي معاهم بكل هدوء جايز يتفهموا غلطتهم و يصلحوا معملتهم معاكي و لما يجيلك النصيب اختاري الحنين ابو قلب ابيض الي يحبك و يعوضك بحبه و اهتمامه ...ان شاء الله خير ❤️

Onion_68412 🇪🇬 · Answer

جربي تبقي حنينه عليهم و اديهم اهتمام

Banana_68854 🇸🇦 · Answer

حاسس ان الموضوع له علاقه بحاجه تخصك سواء منك او من امك بموقف معين مؤثر بعلاقة والدك معك

Sugar_68848 🇪🇬 · Answer

قربى من اهلك ممكن مشكلة عندك وتعاملهم انعكاس لتعاملك معهم 
وما المانع للفت نظرهم بطريقة مهذبة ان ياخذوا بالهم

Cookies_68867 🇪🇬 · Answer

انا مش هقولك حاجه غير ادعي ربنا يعوضك بحد حنين عليكي فعلا

Watermelon_66850 🇪🇬 · Answer

هو مش موقف صغير علي فكرا والمواقف دي كلها تضايق فعلا خصوصا لما تطلع من حد مهم بنسبالنا زي الاب او الام بس دا مش معناه انك مش مرغوبة بالعكس انتي تستاهلي احسن معاملة لكن ساعات الاهل مش بيبقوا فاهمين تأثير أفعالهم او الطريقة الصح في التعامل بس انتي دلوقت واعية بدا ودورك انك تبريهم علشان ربنا وتصدقي انهم بشر وممكن يغلطوا عادي مش انتي الغلط ♥️

Watermelon_66850 🇪🇬 · Answer

ولو الموضوع مأثر فيكي جامد كدا مفيش مشكلة تروحي لثيرابيست يساعدك دي هتبقي احلي خطوة ليكي وعلشان أولادك في المستقبل تربيهم بطريقة سوية بإذن الله♥️

Marshmallow_68870 🇪🇬 · Answer

جزاك الله خيرا

Cherry_71021 🇪🇬 · Answer

لما كنت مطلقه اخواتي البنات خاصموني وقاطعوني بلا سبب ولما كان بيبقي فيه تجمع عائلي كانو يسلمو ع الناس كلها وانا لا وسط الناس عمري مانسيت دا منهم