الصراحه انا مش عارفه ابدأ بايه بس انا طول عمري خلوقه وفحالي ولحد ما دخلت الجامعه فحالي ومليش تعامل مع شباب مع اني مجالي طبي بس مش بدي فرصه لحد انه يتكلم معايا مهما حصل في شاب اتعرف عليا فبرزنتيشن وكنت رافضه اتكلم معاه فالاول بس لقيته خلوق واتعلقت بيه غصب عني الكلام دا من تلت سنين هو بعد عني بدون اي سبب بحجج تافهه محصلش بينا اي حاجه وحشه ولا اتقابلنا وش لوش مع اننا فنفس الجامعه بس كان بيحترم رأئي هو بعد عني وحب بعدي بنتين او تلاته وانا لحد الان مش قادره انسي ومش عاوزه احب حد بعده نفسي انساه واكمل حياتي عادي بتجيلي فترات اكتئاب وزهق وعياط واوقات ببقي كويسه لكن اما بسمع ريلز او شوفت اي بوست ليه بنهار نفسي اعيش حياتي زيه وانسي كل اللي بينا نفسي اكمل حياتي طبيعي.كل أما حد بيتقدملي وبيبقي شخص كويس برفضه ومش قابله اي انسان غيره .نفسي ارجع لنفسي القديمه.نفسي ابقي انا.نفسي ابطل عياط

4

15