زمان من حوالي ٦ سنين قابلني ولد كويس ف مجالي و كان شكله و هيئته بتقول ان ابن ناس من اول قاعدة بيني و بينه قالي عايز اقابل باباكي قولتله اوك كان عندي حوالي ٢٤ سنة و كلم والدي و اتفق معاه يجي يوم الجمعة الساعة ٦ و اختفى تماما اليوم دة و ظهر عالساعة ١١ م و قاله معلش اصل ابن عمي عمل حادثة كبيرة وكنت معاه و انا كنت بلغت بابا اني رفضته عشان في المجمل مش مصدقاه ومش مستريحاله و عشان يومها حسيت يا جماعة كل الاحاسيس الوحشة و اتكسرت اوي عشان كلنا كنا لابسين ومستنينه و منعرفش ان دة هيحصل حسيت وقتها اني قليلة اوي .. و تمر السنين و يجي لي دلوقتي شاب محترم ابن ناس اتكلمت معاه فترة و قابلته مرتين عشان اتأكد او حتى احس بارتياح و خليته يكلم بابا و بالفعل جيه و قعد مع والدي و اتفقوا ع كل حاجة و قعدنا بعدها انا و بابا نستقبل منه كلام انه اد اية مبهور بينا و اتفق مع بابا ان مامته و عمه هيجوا يوم الاربع الي هو بكرة و للاسف يا جماعة من اول اليوم تليفوناته كلها مش بتجمع وانا و اهلي متوترين جدا وانا حزينة اوي انه رجا يحصل معايا الموقف دة بعد م كنت نسيت 🥲💔 انا مكسورة و مدمرة اوي المرة دي عشان للاسف والدي اتعشم و صدقه و كلم اخواته الي هم عماتي و حكالهم ف شكلي زي الزقت قدام العيلة و مش عارفة اعمل اية صليت و دعيت و سمعت الرقية الشرعية و بردو عيني مش قادرة توقف دموع قولولي هو الي بيحصلي دة عادي ؟ ومع العلم مفيش اي باب تاني اقدر اوصله بيه غير تليفونه

7

8