انا مش قادرة اتخطى تجربة انفصال بعد زواج لمدة ١٠ سنين مفيش اولاد كنا زمايل ف الشغل ومع الاسف انفصلنا ولسه مع بعض ف الشغل ع قد ما اتأذيت نفسيا بس مش قادرة اتخطاه ولما بشوفه بتعب ومش قادرة اتقبل حياتى مع حد تانى غيره لا قادرة اسامحه ولا قادره انساه هو كل فترة يبعتلى رساله يسال عليا او يسال عليا حد من زمايلنا ف الشغل اتكلمنا فترة بعد الانفصال حسسنى قد ايه هو حس بقيمتى وقد ايه مش قادر يعيش من غيرى وانو هيعمل اى حاجه ممكن تتعمل عشان نرجع بس رجع بعد كدا يماطل ويحدف ف الموضوع اضريت اعمله بلوك من كل حته وقفلت كلام معاه بقى يغيب ويسال عليا زمايلنا وهما يقولولى موضوع الرجوع صعب جدا لانه مع الاسف شخصيه ضعيفة اوى قصاد مامته وهى كانت سبب ف الطلاق وهو مش هيقدر يقف قدامها وانا عارفه انو مش هيتغير ومش متقلبه اصلا فكرة انى ارجع لعيشتى ديه تانى بس مش عارفه اخرج نفسى من الحته الى انا فيها غصب عنى بيوحشنى وببقى عاوزة اكلمه وف نفس الوقت مش عاوزة ارجعله تعبانه ومش عارفة اكمل حياتى كدا لا عارفه اكمل من غيره ولا عاوزه اكمل معاه

2

11