جاري طلب ايدي و بابا رفض! مش عارفه انساه

Question

نا متعلقه براجل جدا و مش قادره ابعد عنه ملحوظه هو جاري فالعماره اللي قدامي مش قادره ابطل تفكير و انساه
انا بحب راجل منفصل و معاه ابنه عايش معاه
هو اتقدملي و بابا قالي الموضوع مش هينفع و و المهم بعد زن كتير بابا اقتنع و قالي هوافق بشروط .. الشروط دي كانت قايمه و مؤخر و يكتبلي نص شقه .. المهم الشخص ده قالي باباكي رافضني و طلباته صعبه انا راجل و مش معيوب و انا بصراحه شايفه أنه فعلا بابا صعب جدا ف طلباته ف المهم طلبت من بابا يمشي الدنيا عشاني قالي ماشي بلاش نص شقه و باقي الشروط موجوده .. مؤخر كبير(مبلغ كبير) و قايمه 
الشخص اللي مرتبطه بي قالي باباكي بيصعب الدنيا ليه شروط و ليه يعمل كده و قالي سعر مبالغ فيه و قولتلو مش هقدر اعمل حاجه تاني مع بابا عشان ميقفلش م الموضوع .. ف انا زعلت جدا أنه رافض أنه يعمل حاجه عشاني و قفلت تليفوني و مكلمناش من وقتها بقالنا يومين 
اعمل ايه محتاجه رأيكو

Strawberry_75460 🇪🇬 · Accepted Answer

باباكى صح وهيجي يوم وتندمي لو مشيتي لدماغك ومسمعتيش كلمة باباكى ،انا شوفت أسوأ من كدا لكن الراجل الى عاوزك فعلا هيعمل المستحيل ،والى والدك طالبه دا ولا حاجه جنب المستحيل إلى الراجل يقدر يعمله علشان واحدة بيحبها ،وخلي بالك ربنا نجدك الى يقدر يقعد يوم من غير ما يكلمك يقدر يعيش عمره كله من غيرك عادى ، حافظى على نفسك انتى غالية واستنى الراجل إلى يتعب علشانك مش الى عاوزك تتوسطيله عند باباكى دا كلام بين

Strawberry_54642 🇪🇬 · Answer

هو صح

Strawberry_54642 🇪🇬 · Answer

مفيش راجل بيقبل بشروط قبل الجواز ع نفسه 
انتوا بتشتروا راجل يصونك

Coffee_75514 🇪🇬 · Answer

لو كان فعلا مهتم بيكي ومش هيسييبك زي اللي قبلك

مكنش هيهمه المبلغ اصلا 
اخلعي منه احسنلك

Strawberry_75460 🇪🇬 · Answer

دا كلام بين الرجال المفروض متدخليش فى الحوار اصلا ولا تتعبي نفسك ، الراجل لما بيعوز واحدة بيعرف يعمل المستحيل ولما مش بيعوزها لو هى ملاك من الجنة هيطلع فيها مليار عيب ، وافتكرى وعسى أن تكرهوا شيئا وهو خير لكم 💕

Almond_68662 🇪🇬 · Answer

بصي الموضوع ليه كذا زاويه 
اولا فرق السن بينكم اد اي و انتي عندك اصلا كام سنه و هل فاهمه و عندك وعي كافي هتتصرفي ازاي معاه أو مع ابنه لما يحصل أي مشكله . 
أنا بفكر بعيد بقي عن الماديات لأن دي حاجه مينفعش هو مفروض طالما راجل واصلا مخلف يبقي فاهم كويس حقوقك .
القصه انتي بقي بتحبيه ليه و هل بينكم التفاهم اللي يخليكي توافقي . 
علي فكره انا راجل و نفس وضعو وكنت لسه في نفس القصه

Banana_71635 🇪🇬 · Answer

مشيها بشرع ربنا مهر ويجهز هو شقته ماتجيبيش حاجه انتى

فلوس المهر وفلوس جهازك تجيبى بيهم حاجه للزمن عقار او دهب سبايك

Marshmallow_75406 🇪🇬 · Answer

انا ٢٤ سنه و هو ٣٥ 
اصلا انا كنت مدرسه لابنه و بعرف كويس اتعامل مع ابنه و بحبه جدا ..
بحبه جدا و بيني و بينه كل التفاهم فحياتي كلها محسيتش براحه مع حد بشكل ده 
ممكن حضرتك تحكيلي حصل ايه ف موضوعك لان عاوزه اعرف وجهه نظر الأهل

Marshmallow_75406 🇪🇬 · Answer

هو قال كده بس بابا رفض

Almond_68662 🇪🇬 · Answer

أنا الوضع مختلف هو كان نفس فرق السن بردو بس هي كمان كانت مطلقه وكنا دنيا تمام بس هي اللي رفضت اخر لحظه و قالتلي خلينا اصحاب احسن .
وقتها فهمت أنها كانت جوازه عرض  بالنسبة ليها مش كانت عايزني لأن كانت هي اللي بتحاول تطول المده 
أنا فهمت أن هي كانت  م.بصي مش قادر احدد بس هي كانت شخصية محترمه و انا احترمت رغبتها وانسحبت 
بس الأهل كانو موافقين دنيا تمام بس في فرق أنني اكيد فاهمه 
بصي المهم التفاهم بس

Marshmallow_75406 🇪🇬 · Answer

هي منفصله انا فهمت ده 
ممكن هي خايفه تعيد تجربه الجواز تاني دلوقت أو محتاجه تعرفك اكتر و اكتر ف قالت بالشكل ده 
عامة لو بتحبها فعلا فهمها صدق مشاعرك بعد فتره و ساعتها هتفهم منها فعلا خايفه تعيد التجربه ولا ايه بظبط مشاعرها