مش قادرة أقبل عريس متقدملي بسبب شكله - نصايحة

Question

انا في عريس متقدملي مناسب من كل الاتجاهات معادا اني مش متقبله شكله خالص خالص وكلمت اهلي ف كدا بس قالولى انتي كدا مش هتتجوزي ولا حد راضي يسمعلي خالص ومصممين عليه لأنهم ناس محترمه بس انا بجد مش قادره اقبل نهائي 
هل لو اتكلمت معاه مباشر هيكون دا صح ؟
ولا هيعملي مشكله وممكن يحكي لحد 
هما جايين بيتنا يوم الجمعه وانا بفكر أكلمه قبل مايجوا اصلا واقوله اني مش مرتاحه ولا لما يجي واقعد معاه احسن؟
انا عاوزه اللي يرد
 يرد عليا بعقل ويحط نفسه مكاني لأني والله الموضوع بالنسبالى صعب جدا

Coffee_52706 🇪🇬 · Accepted Answer

عادي جداً لما يجي ويقعد معاكي اتكلمي معاه بمنتهي الصراحه وفهميه انه معندوش مشكلة في حاجة لكن مش هو الراجل اللي هتكوني مرتاحه معاه وبلغيه انك فكرتي في الموضوع كويس ومش مرتاحه وعرفيه ان المشكلة في شكله اللي هو مالوش ذنب فيه اكيد وان دي خلقة ربنا طبعاً بس من حق كل حد يختار الشخص اللي هيكمل معاه حياته في النهايه متعمليش حاجة مش هتكوني مرتاحه فيها

Mushroom_59487 🇪🇬 · Answer

مينفعش تكملي وانتي مش مستقبله واي حد هيقولك مش بالشكل ف دا حقيقي بس بالقبول لو كملتي هتفركشو ف الخطوبه اوف الجواز ف بلاش ارجوكي فهميهم أن الحكايه نصيب وصلي استخاره وقوللهم انك مش مرتاحه وقوليلو انا صليت استخاره بس مش مرتاحه واهلي مش متفاهمين دا ف ارجوك تفهمني

Mango_58587 🇪🇬 · Answer

الاولى الرفض فى الشكل لاي شئ تحديدا وبالنسبه متكلمهوش باي شكل الا لو انتوا سوا فى بيتكم غير كده لا

Pistachio_54176 🇪🇬 · Answer

اتكلمي معاه او خلي حد يكلمه يقوله انك مش مرتاحة وكدة وكل شئ قسمة ونصيب

Mango_59584 🇪🇬 · Answer

طب لو جه بيتنا ومعرفتش اتكلم عشان محدش يسمع اعمل ايه وقتها؟

Mango_58587 🇪🇬 · Answer

قبل ما اقولك ترفضي لازم توضحي سبب الرفض عشان يكون عندك حاجه تواجهي بيها الناس دى بعد كدا ومحدش يشيلك الليله

Marshmallow_58142 🇺🇸 · Answer

اوعى تقبلى بوضع مش مريحك خالص ومافيش حاجه اسمها محدش هيتجوزك عننا ما اتجوزنا ياستى وانا لو مكانك والله هقلبها مناحه وماهقعد معاه لو ع جثتى .فانتى لو هم هيقدروا عليكى يبقى ابعتيله قبلها قوليله انا اسفه انا مش حاسه انى مستعده لاى ارتباط دلوقت الموضوع مش شخصى بس بجد انا مش مرتاحه للفكره وربنا يرزقك بالاحسن منى .اعملى كده واللى يحصل يحصل متخافيش من حد ولا من حاجه كلها مواقف وبتعدى لكن الجواز مش هيعدى

Coffee_52706 🇪🇬 · Answer

معلش بلغي أهلك أن الجواز مش تارجت لازم يتحقق ولو هو كده فعلاً يبقي يتحقق صح وبالطريقه اللي تناسبك كفايه بقي نفضل نمشي ورا اهلنا في حاجات محدش بيتعب ويضيع غيرنا احنا ووقت ماتحصل مشكلة كل بيجري ويقول احنا كنا عايزين مصلحتك بلاش تعب قلب ع الفاضي مش هيموتوكي لو رفضتي لو مش متقبله نهائي متكمليش الموضوع لو علي رقبتك بجد علشان لا تظلمي نفسك ولا تظلمي الشخص التاني اتكلم بمنتهي الجدية من فير ماتجرحي فيه

Olive_59219 🇪🇬 · Answer

طبيعي ما تقبليش طالما مش مرتاحة
زينا كرجالة .. لو انا مش مرتاح لشكل بنت و كل ما فيها زي الفل 
مش هكمل معاها يومين
يبقي الراحة اساسي في الاختيار و القرار
بكل ذوق بعد القعدة اتكلمي معاه قوليله انك شخص محترم جدا ومثالي بس مش حاسة بالراحة بدون تجريح في اي سبب تاني
و اهم حاجة في العلاقات هي الراحة

Mango_59584 🇪🇬 · Answer

يعنى تفتكر أنه مش هيروح مثلا يبلغ اهله بكدا وساعتها اهله اكيد هيوصلوا للناس اللي جايبينه اصلا اللي هما قرايبنا 
انا خايفه كلامي معاه دا يعمل مشاكل وانا عاوزاه هو اللي يرفض ويبعد مش انا عشان اهلي بجد تعبوني نفسيا ف الحته دي

Mango_59584 🇪🇬 · Answer

ادعيلي كتير عشان الموضوع يعدي بسلام🥹

Marshmallow_58142 🇺🇸 · Answer

ربنا يصلح حالك ويرزقك باللى يريح بالك ويبعد عنك اى شر ويحنن قلوبهم عليكى يارب والموضوع يعدى ع خير من غير مشاكل ويطلع راجل محترم ويتفهم ويحل هو الموضوع بعيد عنك .. انتى بس خليكى قويه وماتستسلميش للضغط لان للاسف دى ثقافة مجتمع معفن

Mango_59584 🇪🇬 · Answer

يارب ياحبيبتى يارب🥹❤️

Olive_59219 🇪🇬 · Answer

ما تخافيش من الناس
لان لاقدر الله لو حصل عدم راحة او مشكلة مش هيجوا يحلوا معاكي .. هيقولولك اقبلي الامر الواقع وعيشي حياتك
طيب هل ده هيعجبك وقتها ؟؟ ما اعتقدش
علشان كده خليكي واضحة من الاول
دي حياتك مش حياة الناس
ولو عاجبهم يا ستي يجوزوه لبنتهم

Mango_59584 🇪🇬 · Answer

انا خايفه من اهلي مش الناس 
اهلي مفكرين عشان مش موافقه يبقى ف حياتي حد طبعا حلفت كتير أن مافيش وان الموضوع كله أنه مش عاجبنى بس هما مش شايفين أن دا سبب🥹

Olive_59219 🇪🇬 · Answer

مفيش اهل هيكرهوا الخير لبنتهم
هتاخدي شوية تنقعيهم .. بس في الاخر انتي مش غلط
بس التمسك بالرأي حاليا لو حتي فيه شوية مشاكل .. احسن ما اعيش حياة مش مرتاحة و توصلي لمرحلة ترجعي لهم منفصلة مثلا

Mango_59584 🇪🇬 · Answer

انا فعلا مش حاسه بقبول من ناحيته ولا لفت نظري بل بالعكس مش عاجبنى اصلا وعلى فكره هو مش وحش انا بس اللي مش مرتاحه نهائي

Mango_59584 🇪🇬 · Answer

خير بإذن الله أقوله كدا❤️

Mango_59584 🇪🇬 · Answer

اتكلم معاه قبل ولا بعد مايجي؟

Pistachio_54176 🇪🇬 · Answer

قبل عشان ميكونش الدنيا اتطورت او اتفقتو علي حاجة

Mango_59584 🇪🇬 · Answer

خلاص بإذن الله تتحل واقول ورزقي على الله

Olive_59219 🇪🇬 · Answer

ربنا يرزقك بكل الخير و يسعدك في حياتك

Coffee_52706 🇪🇬 · Answer

بس من غير ماتجرحيه بكلمه يعني ركزي انك توصلي المعلومة بشكل صح

Mango_59584 🇪🇬 · Answer

امين يارب

Olive_59219 🇪🇬 · Answer

ما تنسيش تبقي ترجعي تطمنينا ان اهلك كانو سند وفي ظهرك
ومصلحتك عندهم اهم من اي حد

Mango_59584 🇪🇬 · Answer

بإذن الله دعواتكوا🥹❤️