مش عندي صحاب ومش قادرة اذاكر بس بلعب موبايل

Cherry_56845 🇪🇬's منشور

Cherry_56845 🇪🇬

منذ 6 ساعات

.

شعور ضائع

انا بقالي كتير اوي بحس ان مفيش عندي صحاب و مش بعرف اتعرف علي ناس و كمان بتخيل اني لو بتجوز و مش عندي صحاب ده غير برد و اهلي اللي بيصروا عليا احط ميكاب لاننا كنا امبارح في كتب كتاب و هما كانوا عايزيني احط و انا مش ببقي عايزة للعلم انا في تانية كلية لسة و ده غير اني اصلا بردو في المذاكرة بقيت حاسة طول الوقت اني مش قادرة و مش عايزة اذاكر لدرجة اني ببقي الصبح و خلاص الامتحان كمان شوية و انا بردو مش قادرة ولا عارفة اذاكر و لسة بلعب علي الموبايل و سايبة حاجات لسة معرفش عنها حاجة انا كنت منزلة نفس الكلام ده قبل كده لكن حابة ازود حاجات انا عندي معارف كتير في الكلية و داخلة في انشطة كتيرة و فعلا نفسي اقدر اعرف ناس بس مش عارفة كل اللي اعرفهم مش صحاب لكن ممكن مثلا نتكلم لو في حاجة او كده بس و بحس دايما ان اي حد عنده ناس تانية صحابه و اهم مني و انا مش فارقة معاهم ده غير بردو موضوع المذاكرة انا متضايقة جدا من فكرة اني مش قادرة اذاكر انا فعلا مش عارفة او مش قادرة كمية استهتار مش طبيعية بيطون الامتحان كمان شوية و انا عارفة اني المفروض اذاكر لكن مش بذاكر و قاعدة ماسكة الموبايل مثلا

4

20

Olive_56779 🇪🇬

.

منذ 6 ساعات

بصي انك تعملي صحاب مفيش اسهل منه والله كل اللي عليكي تعمليه انك تتعاملي ع طبيعتك وتكوني خفيفه خليكي دايما مبتسمه واذكري الشخص اللي قدامك بصفاته الحلوه وخليكي عفويه بقدر بسيط يعني امحي حتة الخجل يعني هديكي مثال افترض مثلاً انك قاعده ف المدرج وفي حد جنبك وعاوزه تتكلمي معاه ابدأي مثلاً بأي سؤال عادي عن المحاضره أو المعاد واتكلمي بابتسامه خفيفه وخلي وشك بشوش هي تلقائياً هتتكلم معاكي وابدأي افتحي مواضيع

0

0

French Fries_56669 🇪🇬

.

منذ 6 ساعات

انتا قافل علي نفسك بزياده حتا انتا بتقول عندك معارف وكدا بس انتا عاوز تحس ان رقم واحد في حيات الشخص الي قدامك سواء صحاب أو حاجه تانيه وفي نفس الوقت مش عندك ثقه في نفسك انتا محتاج تراجع حسابات في حجات كتير وتبقا اقوي من كدا وطبعا في حجات تانيه كتير

0

0

Olive_56779 🇪🇬

.

منذ 6 ساعات

مواضيع خارجيه مثلاً يعني نتي واخده سكن ولا بتسافري وساكنه فين واصلك منين وكدا وتبدأي تجاوبي عن الاسئله دي لنفسك حتى لو مسألتكيش ، ابدأي احكيلها مثلاً عن السكن عندك نظامه اي واسأليها وع كدا بقا كلام هيجر كلام و ف الاخر اسأليها عن اسمها وخدي رقمها فل ، هتسجلو ارقام بعض هتلاقيها مثلاً منزله ستوري ادخلي بريأكت ع الستوري مثلاً وكدا . بعدها بقا اتقابلتو مره ف الكليه اتكلمتو قوليلها مثلاً تعالي نتصور أو كدا

0

0

Olive_56779 🇪🇬

.

منذ 6 ساعات

هيكون معاها صحابها مثلاً فهي هتبدأ تعرفك عليهم وواحده واحده هتعملي دايرة صحاب وهكذا ومتكتفيش بدايره واحده لا اعملي اتنين وتلاته وعشره هتتعرفي ف الكليه انك اجتماعيه والناس هم اللي هييجو يصاحبوكي وحاولي تكوني مساعده للناس حتى ولو بشئ بسيط بس كدا وان شاء الله تعملي صحاب ووحده وحده هتلاقي مزاجك اتحسن وهتتحمسي للمذاكره ان شاء الله

0

0

Pumpkin_56872 🇪🇬

.

منذ 5 ساعات

الصحاب مؤذيين اصلا الناس كلها مؤذيه انت كده احسن اصلا بلاش من الصحاب كله اغبيه

0

0

التجربة أفضل عبر التطبيق

حمّل تطبيق توهيل على هاتفك لتجربة أسرع