أصحابي اختفوا من حياتي ومش عارف أتكلم مع حد

Question

انا مش عايز اخلي الموضوع درامي
لكن بختصار اصحابي من ساعة ما اشتغلت و يمكن من قبلها بشوية اختفو من حياتي فعلياً 
بالمعني الحرفي ببعت رسائل و بتصل و محدش بيرد غير واحد او اتنين 
عادي ساعات الدنيا بتاخدنا بس عشرة السنين بتهون عليا و بزعل عشان محدش بيرد رغم ان مفيش بينا مشاكل خالص بس بتحصل الدنيا مشاغل برضو
ملحوظة بس الموضوع مالوش علاقة بالشغل و الله اعلم بحياتهم و ظروفهم 
انا مضايق اني مش لاقي كد افضفض معاه او اتكلم معاه و احس اني مبسوط زي زمان

Orange_69336 🇪🇬 · Answer

لسه مشتكي من نفس مشكلتك دي اول ما فتحت الابلكيشن، الموضوع طلع منتشر ولا ايه

Ice Cream_55489 🇪🇬 · Answer

الدنيا تلاهي وكل واحد ليه عذره ... يمكن مش لدرجه اننا نقاطع بغض بس للاسف كل العلاقات حاليا مبنيه على المنفعه والمصلحة كلام العشره والصداقه ده معادش موجود... انا مش مع ده ابدا بس حرفيا انا بقيت بالشهور ممكن مكلمش حد نهائي حتى لما بخرج مع نفسي ..  انا فاهمه احساسك احساس بغيض مقيت ... مش عايزه احبطك بس حتتعود على عدن وجود اي حد حتى وانت محتاجهم

Popcorn_69454 🇪🇬 · Answer

من الغلط انه الواحد يعتمد علي صاحب او شلة كان متعود عليهم من زمن فات و بقي بيحن ليهم و مش بيلقيهم، و دا عشان هو في الحقيقة بيحن للفترة او الزمن دا اكتر من الافراد اللي خلوها حلوة. نصيحتي ليك حاول تكمل حياتك زي مأنت بس بعيدًا عن اي حاجة بتربطك بشخص او افراد عشان عمر ما الحياة وقفت علي حد او حتي وقت.

Strawberry_69449 🇪🇬 · Answer

انا فاهمه انك متدايق علشان هما صحابك بقالك كتير، بس اكيد ربنا بعدهم عن طريقك لمصاحتك، انا كنت مع صحابي لاكتر من 10 سنين و في الاخر بعدت عنهم، و بعد ما بعدت اكتشفت انهم كانوا بيكلموا ولاد و بيخرجوا و في الاخر حمدت ربنا اني بعدت عنهم رغم اني كنت متدايقه في الاول