انا بعتله من شوية و صارحته و عرفته أن انا مش عارفة مش عارفة اكمل و أن الموضوع صعب و قولت كل اللي كنت حساه تقريبا و أن فعلا بدأ يرجع لي شعور الخوف و التردد في موضوع العلاقة ده من تاني بس رده كان صعب عليا اوي كان بيقول انا اول مرة احس ان انا عاجز عن الرد و مش هعاتبك و لا حاجة لأن خلاص مش وقته بس كنتي فين من سنتين او علي الاقل كنتي فين من شهرين قبل ما يسافر هو و يتغرب عن أهله كان فين الكلام ده حاولت افهمه أن فعلا القرار كان صعب و أن انا متفهمة و مقدرة شعوره و كلامه بس رد و قال لا لا انا مش مقدرة و لا متفهمة و أن انا مش عارفة هو ضحي ب ايه علشاني انا بجد كان غصب عني و مش كنت قادرة اكمل و لا قادرة اعيش في ضغط الأعصاب اللي كنت فيه هو بجد حاول و حد طيب و محترم جدا بس مشاعرنا دي احنا مش مسؤولين عنها مش كدة ؟! انا بجد تعبت و مش عارفة اعمل ايه ؟! لا عارفة اركز في مذاكرة و لا امتحانات و بجد تعبانة و مش عارفة ايه الحل ؟! محتاجة نصيحة أو مساعدة ....

8

8