مش عارفه أعمل ايه مع إدمان الفون وتأثيره على حياتي

Q: مش قادرة أذاكر ووقتي بيضيع.. ليه المرقعة عالي كدا؟

من أول الترم تقريبًا وأنا مذاكرتش غير محاضرتين كدا بالعافية، بيتعمل كويزات كتير أوي وبيبقى عندي وقت أذاكر بس مش بذاكر وبحل أي حاجة، بضيع وقتي كله تقريبًا على التليفون أو في أي حاجة تانية عمري ما كنت كدا ومش عارفة ليه ليفل المرقعة بقى عالي أوي كدا الموضوع بقى مضايقني أوي فلو حد عنده حل عملي كدا يساعدني أرجع أذاكر هكون ممتنة جدًا عشان أنا كدا بضيع

Q: مش عارف أنظم وقتي في رمضان والاجازات!

عايز اعرف بتقسموا وقتكم ازاي ي شهر رمضان وفي الاجازات مش عارف اذاكر واخلص دروسي و واجباتي خالص مفيش وقت او حاسس اني بضيع وقت كتير يعني قبل الفطار زي بعده زي قبل السحور زي الصبح كله بيضبع مفيش تنظيم

Question

أنا مش عارفه أعمل ايه أنا عندي ادمان للفون أنا حرفيا ممكن أفضل 20ساعه ف اليوم بس بعمل اسكرول من أبلكيشن لأبلكيشن من غير لما أحس بالوقت الموضوع ده بيأثر على دراستي جامد بقيت شخص أنا كنت عمري ما أتمنى أني أكونه أنا حرفيا مش بعمل حاجه ف حياتي إلا أني بسكرول مش عارفه أعمل اي

Coffee_27700 🇪🇬 · Accepted Answer

شوف التطبيقات اللي بتقضي عليها أغلب الوقت واعمل deactivate للحساب وامسح التطبيق لمدة شهر مثلاً.
اشغل وقت الفراغ الناتج من حذف التطبيقات بحاجة بتحبها زي رياضه أو قراءة أو كورس أو خروج مع الاصحاب

Apple_45081 🇪🇬 · Answer

انتي كام ينه

Biscuit_46065 🇪🇬 · Answer

في برنامج اسمة stopscroll بتحددي وقت معين في اليوم لكل البرامج يعني مثلا 15 دقيقه في اليوم لكل البرامج او ما بيخلصوا البرامج مش بتتفتح غير اليوم اللي بعده و مع الوقت هتتعودي على انك متمسكيش الموبيل كتير
و اكيد مش من اول مره هتسيب التليفون و مش هتمسكية تاني ، و مع الوقت مش هتمسكي التليفون كتير

Durian_46117 🇪🇬 · Answer

امسحها لمده اسبوع مثلا ف الاول وخلي يوم بس تستخدم التطبيقات دي فيها عشان هيكون صعب ف الاول انك تبعد عنها وبالتدريج زود المده وحاول تشغل نفسك بحاجات جديده وي الرياضه هتنفع اوي لأنها بتاخد طاقتك ف التمارين وكدا

Tofu_45139 🇪🇬 · Answer

20

Tofu_45139 🇪🇬 · Answer

أحس أني مقدرش حتى أني بقيت منعزله عن كل حاجه يعتبر بس بحاول

Tofu_45139 🇪🇬 · Answer

المشكله أني بحتاج الفون ف الدراسة عشان لو هشوف محاضره أو هترجم كلمه حرفيا بمسك الفون بلاقي ألف حاجه بتشتتني

Tofu_45139 🇪🇬 · Answer

معنديش امكانيه أعمل رياضه بقيت كسوله جدا

Mango_46174 🇪🇬 · Answer

من الحجات الي شتتني عن التلفون هي اني معايا تابلت المدرسة وبفتح عليه تطبيق واحد 
والتلفون بفتح عليه تطبيق واحد الباقي يا اما احذفهم او مبستخدمهمش والتابلت مش سهل اقعد عليه كتير فبلاقي نفسي لا شعوريا مش بقعد كتير عليه ونفس الحاجة التلفون لاني مشتتة في جهازين فدماغي مبقتش تروح للتلفون علطول

Mango_46174 🇪🇬 · Answer

الكلام الجد بقا انك تركزي عل نفسك وتجيبي نوت وتكتبي ضرورياتك و اولوياتك في الحياة وكل يوم اكتبي ٣ اهداف ضروري تخلصيهم انهاردة و٣ اهداف لو خلصتيهم هتكوني مرتاحة ،  لازم تغيري عقليتك انك معندكيش وقت تمسكي التلفون اصلا وحطي في بالك ان اولويتك تروحي مثلا تخلصي مذاكرة انهاردة بعدين باقي اليوم اعملي الي تحبيه 
ومتحسسيش نفسك ان التلفون هوا المتعة الوحيدة حاولي تلاقيلك متعة افيد واحسن منه تحطي فيها وقتك

Biscuit_46065 🇪🇬 · Answer

البرنامج ده بيساعدك على كده 
بيوقف البرامج اللي بتشغلك و تخليكي تمسكي الموبيل كتير
جربي البرنامج الاول

Tofu_45139 🇪🇬 · Answer

المشكله أني فعلا معنديش وقت أني أستخدم الفون وبعمل ده على حساب تقديري ومستقبلي ف الموضوع بقى مقرف بس بحاول أبعد تدريجي ف ادعيلي

Mango_46174 🇪🇬 · Answer

ربنا يعينك يوفقك توكلي على الله واستعيني بيه 💗