مش عارفة ابدأ ازاى بس هقول الكلام زى ما بييجى فى دماغى و خلاص . انا عندى مبدأ فى حياتى و متربية عليه أن الكلام بين الشباب و البنات لو مكنش ليه سبب قوى يبقى حرام و الحمد لله بحاهد دائما رغم الجامعة اللى كنت فيها اللى كان المجال فيها مفتوح للكلام عادى ، بس بحس أن قليل اوى اللى بيفكر كده دلوقتى ، بحس أن الناس عادى بالنسبة لهم يتعرفوا و يتكلموا من ورا اهلهم و يا يكملوا سوا يا لا ، كتير كنت بحس أنه فيا حاجة غلط ، بس لما دخلت نشاط طلابي تبع الجامعة و لقيت التعاملات اكتر من اللى حطاه لنفسى حسيت بالذنب و انى مش قد ثقة اهلى فيا . و كمان كنت عايزة اعرف هل الموضوع ده بالنسبة لكم له علاقة بالزواج ،يعنى انا فيه ناس من دفعتى كانوا صحاب و دلوقتى اتخطبوا . بحس أن الحاجة من الاول مبنية على غلط و لا ايه رأيكم . انا و اصحابى مش بنكلم شباب زملاء الا فى حدود الدراسة و الشغل ف هل ده بيعمل نظرة أننا ناس مقفلين و لا محترمين عادى يعنى ؟ حابة اعرف بس وجهات النظر فى الموضوع ده

10

9