مش عارفه أتكلم ولا أفكس بعد الفرح؟

Q: ازاي أفاتح أخو حبيبتي منغير مايقتلني؟

ليه ياعم يقتلك انت هتطلب انك تتجوز اخته مش هتصاحبها .. يعني الموضوع كله عادي وطبيعي جدا وانت داخل البيت من بابه زي ما بيقولوا .. توكل علي الله واوعي تخاف ابداً طالما بتعمل حاجه حلال وعاوز تعف نفسك وربنا يكرمك ويوفقك

Q: ليه بفكر فيها لسه؟ الحب دا حاجه خرا!

لما تحط الحاجات فى مكانها الصح (بدون مبالغة)، هتعرف إن الحب عبارة عن شعور مؤقت مش دائم ونتيجة ل ده هتلاقى إن مستحيل تلاقى بيت فيه إتنين متجوزين يكون قائم على الحب وبس.

Q: انا بحبه قد ايه ومش بعرف أوصف.. بس هو رقم واحد عندي ☝️

لإن لغة الحب عندك الأفعال مش الكلام. ولإن كل الناس مش هتفهم لغة حبك ليهم. فإنت محتاج تبدأ فى ان لسانك يقول كلام حلو فالأول هتحس بإحساس غريب…. لإنك مش متعود على كدة ابدًا بس تدريجيًا الموضوع هيكون عادى بالنسبالك، ومش عادى بالنسبة للى حواليك (لإنهم محتاجين الكلام الحلو)

Question

انا كنت حضرت فرح لواحدة صحبتي الاسبوع الفات

المهم مرات خالها وانا ف الفرح شافتني وقعدت تتكلم معايا عايزة عروسة لإبنها وفضلت تستفسر عني المهم انا روحت والفرح خلص والبنت الحضرت فرحها مكلمتنيش بخصوص حاجه

فانا مش عارفه هل هي مش فاضيه ولا محدش اتكلم ف الموضوع

فبقول ادخل اكلمها اباركلها واقولها اي

ولا افكس وخلاص بدل هي متكلمتش

Apple_18785 🇪🇬 · Accepted Answer

البنت الكل يروحلها هي متروحش لحد

Apple_13812 🇪🇬 · Answer

لا طنشي خلاص ولا كأن حصل حاجه لحد ما هي تكلمك و لو مكلمتكيش متعمليش حاجه خلاص

Coffee_46314 🇪🇬 · Answer

اتفق مع تفاحة وادعي انه لو خير ليكي ربنا يقربه 
ولو نصيبك اكيد هييجي 
لو مكلمتيش البنت من فترة ممكن تبعتي عاساس بتطمني عليها لكن متجيبيش سيرة الموضوع خالص ولا تلمحي حتى

Banana_29246 🇪🇬 · Answer

انا من رأيى انك لسه بدرى اوى على الجواز 🙂
استنى 5 سنين كدا او 10 تكونى كبرتى و عقلتى و بعدين ابعتيلها

Pineapple_52412 🇪🇬 · Answer

ابعت اقولها اي

Coffee_46314 🇪🇬 · Answer

يعني لو انتي اساسا بينك وبينها كلام اتكلمي معاها زي العادي واتطمني فلو كانت ناسية هتفتكر بس

Coffee_46314 🇪🇬 · Answer

اتطمني عليها يعني ابعتيلها ريلز مثلا اي حاجة عادية

Durian_52455 🇪🇬 · Answer

متستعجليش
اكيد ربنا شايلك الخير والأفضل ليكى
وعريسك هيجيلك لحد عندك يخبط لباب بيتك
اصبرى

Durian_52455 🇪🇬 · Answer

حاجة كمان.. متتعشميش لما سيرة الجواز تتفتح قدامك
انا عارف إنك لما حضرتى فرح صاحبتك وفى نفس الوقت مرات خالها كلمتك.. فـ ده كان حلم بالنسبالك لإن أغلب صحابك كمان إن مكنش كلهم.. فيه منهم اللى اتقرا فاتحتها واللى خطبت واللى اتجوزت..
فـ حسيتى من كلام مرات خالها، دى إشارة من ربنا إن ميعاد فرحك قرب خلاص!

الجواز رزق، ورزقك هيجيلك بدون ماتتعشمى
ربنا يرزقك بإبن الحلال اللى يصونك ويسترك ❤️

Pineapple_52412 🇪🇬 · Answer

فعلا انا اتعشمت بس الحمدلله

Pineapple_52412 🇪🇬 · Answer

هو انا مفيش كلام بيني وبينها اوي بصراحه

Coffee_46314 🇪🇬 · Answer

لو كدة فخلاص مش حلوة فحقك انك انتي الي تسعي فنوضوع كدة ربنا يكتبلك الخير كله ويرضيكي🤎🤍