مش حاسه ان أهلي فخورين بيا رغم تعبي في تالته ثانوي

Question

عمري ما حسيت ان اهلى فخورين بيا او انهم واثقين فيا و في انى اقدر اعمل حاجه دايماً شايفينى انى مش هعرف و حتى لما بجيب درجات حلوه في الدراسه مش بحس بالفرحه بتاعتهم او انهم يعنى فخورين بيا او مبسوطين و بجد الموضوع ده خنيق اوي عشان انا دايماً بفكر فيهم و انى عايزه افرحهم و احسسهم ان تعبهم و فلوسهم مش بيروحوا على الفاضي و كمان انا السنادي هكون تالته ثانوي و عايزه افرحهم و اوصل لحلمى و ادخل طب و حساهم مش مهتمين اوي بيا ومش مركزين اوي معايا مع ان المفروض انى تالته و محتاجه يعنى حتى مش عايزه كلام بس نظره منهم بس تحسسنى انهم واثقين فيا او انهم مبسوطين بيا مهما عملت ، ممكن تدعولى ان ربنا يسهل تالته ثانوي عليا و ادخل طب و احقق احلامى كلها

Hazelnut_64540 🇪🇬 · Answer

بصي هيا مش كدا بس الحياه مرهقه جدا 
حتي مبقاش في وقت للمشاعر
مش بتحس انتا أن ساعات قاعد أو ماشي او في اي وضع مبقاش في احساس بي اي حاجه ولا بسعادا ولا فرح ولا حزن ولا غضب الحيا بقت برده جدا

Blueberry_52260 🇪🇬 · Answer

انا عارفه ان الحياه بقت صعبه علينا كلنا بس هما المفروض يقدروا و يفهموا ان انا محتاجه احس انهم معايا و مبسوطين بيا

Blueberry_64555 🇪🇬 · Answer

هما ممكن من جواهم مش بيعرفوا يعبروا عن فرحتهم بيكي و دي حاجة تزعل انا عارفة لكن اللي تقدري تعمليه هو انك تركزي على نفسك و رغبتك انتي ف تحقيق حاجة انتي اللي حاباها و حابة توصليلها عشان تكوني مبسوطة و ىاضية غن نفسك و عن حياتك بعيدا عن رضا اي حد تاني عنك ، انتي طبعا لازم ترضيهم لكن مش على حساب مستقبلك و راحتك النفسية ، و هما اكيد هيكونوا مبسوطين طول ما هما شايفينك ناجحة و بتعملي اللي بتحبيه بس

Blueberry_64555 🇪🇬 · Answer

انا اعرف ناس دخلوا طب عشان أهلهم بس يكونوا مبسوطين بيهم و دلوقتي ف حالة صعبة جدا نفسيا و جسديا لإن مش ده اللي عايزينه ، ف ركزي ف اللي انتي حاباه و اللي انتي عايزة توصليله و فرحتهم بيكي مش بتعبر عن نجاحك او فشلك ابدا ، احكيلهم عن انجازاتك و احلامك و احكيلهم عن طموحاتك و وضحيلهم قد ايه دعمهم هيفرق معاكي ، لكن متخليش حاجة تأثر على مستقبلك و راحتك النفسية فيه

Blueberry_52260 🇪🇬 · Answer

ما انا عايزه طب وان شاء الله هعمل اللي عليا و كل اللي اقدر عليه عشان اوصل بس بجد بحس انى محتاجه احس انهم واثقين فيا او مبسوطين بيا حتى لو هما كده من جواهم بس انا محتاجه اشوفه قدام عينى عشان بخس باحباط اوي لما بلاقي رد فعلهم عكس اللي انا كان نفسي فيه

Blueberry_64555 🇪🇬 · Answer

انا حاسة بيكي والله و عارفة قد ايه دعم الأهل بيفرق بس متخليش كلام حد او رد فعل حد يحدد قيمتك و قيمة أحلامك ، حاولي تكلميهم و تحكيلهم عن اللي هيبسطك و تخيلاتك مثلا لحياتك اللي عايزة تحققيها و شاركيهم ده

Hazelnut_64540 🇪🇬 · Answer

صعب تعلمي الإنسان ازاي يحس 
دي طباع صعب تتغير 
أن شاء الله تلاقي القلب الي ترتحي معا

Coffee_64469 🇪🇬 · Answer

نفس مشكلة والله ديما بيشتمو فيا كل ما يشوفوني يقولو انت جايبلنا الهم واول ما يشوفو اخويا يمدحوا فيه مع العلم ان احنا توأم ديما في دراسة امي تسأل اخويا ذاكرت اخبار مذاكرة وتسأله وتهتم وانا ولا هنا