مخطوبه لحد كويس بس مش بحبه.. أعمل إيه؟

Question

انا مخطوبه لحد هو كويس جدا واي بنت تتمناه بس انا مش بحبه خالص اهله كويسين جدا بس انا مش عارفه اقتنع بيه عشان مش بحبه خالص واهلي رافضين تماما اني اسيبه عشان شايفين انه شخص كويس حاولت اتكلم معاه اقوله اني مش عاوزه اكمل ولما اهلي عرفوا حصلي مشاكل جامده جدا والدنيا مكنتش حلوه خالص معايا حد عنده نصيحه امشي بيها من العلاقه دي ؟

Avocado_27603 🇪🇬 · Accepted Answer

لو حاولتي تتقبليه ومعرفتيش خلاص سبيه اهلك هيزعلوا منك فتره وبعدين هينسوا أنا حصل معايا كده وقلبوا عليه وكلهم قاطعوني بس بعدين تقبلوا الموضوع وبقي عادي اعملي الي يريحك دي حياتك انتي مش حياتهم

Mango_27593 🇪🇬 · Answer

استخيري الصراحة، انتي اللي هتعيشي معاه مش اهلك.

ادعي لربنا و هو هيدبرلك امرك بإذنه

Mango_6858 🇪🇬 · Answer

في حد غيره عايزاه ؟

Strawberry_27581 🇪🇬 · Answer

استخرت كتير وبرضوا ببقى مش مرتاحه معاه للاسف واهلي مصممين جدا وانا تعبت نفسيا جدا بسبب الموضوع ده وقالولي ان ربنا لو مش عاوزه ليكي هو هيقفلها من عنده انتي متقفليهاش لدرجة حسسوني كتير ان ليه اهميه عندهم عني متخيل !!!!

Strawberry_27581 🇪🇬 · Answer

كان ف قبل ما اتخطب وبعد كده لا مفيش اي حاجه انا بس مش بحبه

Potato_27586 🇱🇾 · Answer

قصتي مشابهة لقصتك.. حاولي تواصلي مع خطيبك مرة ثانيه وفهميه ان مفش نصيب وان اهلك صعبين ولو عرفو حيسببولك مشاكل.. خليه يحل الموضوع من عنده لان اهم شي راحتك لان انتٍ لبتعيشي معاه مش اهلك .

Strawberry_27581 🇪🇬 · Answer

لو طلع مش كويس وقال لاهلي هتحصل مشاكل كبيره جدا جدا عندي

Mango_27593 🇪🇬 · Answer

مش عارف اعمل reply على طول بس المهم، متكبريش الاحساس اوي كد ، انتي خليكي باردة و حاولي تعيشي حياتك عشان القبول ده من عند ربنا و صلي الوتر كتييير.

و اهم حاجة اوعي تظلميه و اتقي ربنا فيه جامد عشان ربنا يستجيب و يرضيكي بزوج فوق توقعاتك و أحلامك

Strawberry_27581 🇪🇬 · Answer

هحاول جاهده لاني مش عارفه

Strawberry_21539 🇶🇦 · Answer

انتي بتقولي انه كويس واهله كويسين ف اكيد لما يشوفك رافضه هيمشي اي حد عنده كرامه هيمشي ف كلميه بكل ادب وبكل صراحه واكيد هيتفهم