مش عارفه أروح لعيد ميلادي مع صاحبتي السابقه ولا لا؟

Question

عندي سؤال اتمني تقولولي اعمل ايه انا عيد ميلادي اخر الاسبوع ده وكان عندي صاحبه انا وهي كنت بيست فريند جامد جدا وبعدنا وبطلنا نتكلم وجت امبارح بعتتلي أن كل سنه وانا طيبه واني وحشتها وبتاع وانا رديت عليها عادي بس هي عاوزاني اروحلها ونحتفل بعيد ميلادي وانا حاسه ان هي عاوزه تعمل كده علشان ردا للهديه اللي جبتها ف عيد ميلادها بس مش اكتر من كده لأنها مش بتحب حد يبقا ليه جميل عندها أو أنه يبقا زياده عنها ف حاجه وانا والله كنت بعمل ده بحب ومش عاوزه منها حاجه وحاسه اني لو روحت مش هبقا مبسوطه والا هبقا حابه اني اخد هديه من حد وبالذات منها هي اعمل ايه

Nutella_39839 🇪🇬 · Accepted Answer

حبيبتي انتي اللي عيد ميلادك و المفروض اللي عاوز يحتفل بيكي يجيلك او يعرف انتي فين و يفاجئك .. خصوصا لان انتو مش بتتكلمو زي الاول و في زعل جزئي بينكو .. مفيش حاجة انتي زي اختي🤍✨🤍 ربنا يديم المحبة و يصلح حالك يارب

Avocado_49351 🇪🇬 · Answer

انتي هتحتفلي بيه مع مين تاني؟

Coffee_47120 🇪🇬 · Answer

انا اصلا مكنتش ناويه احتفل بيه ولو كنت هحتفل كنت يبقا الحوار ف دايرة اهلي وبس

Nutella_39839 🇪🇬 · Answer

متروحيش احسن لان مرواحك هيقلب عليكي حاجات كتير تخطيتيها و زي ما بتقولي اسلوبها ف انها عايزة ترد اللي اتعمل بس مش اكتر ده هيوجعك انتي و هيضايقك .. و ده عيد ميلادك و بيتك مفتوح لو هي بتحبك هتيجي لحد عندك دي الاصول و الصح خصوصا لو هي اللي مزعلاكي و خليكي عامليها عادي عشان العشرة اللي بينكو و عامليها بالمعروف بس متروحيش مشوار انتي عارفة انه فيه تعبك متجيش علي نفسك تاني

Avocado_49351 🇪🇬 · Answer

اعتزري منها وعرفيها انك هتحتفلي مع اهلك بس .

Coffee_47120 🇪🇬 · Answer

انا مش عارفه ايه العذر اللي ممكن أقوله ليها وهي عمرها ما هتيجيلي البيت معاملتهاش خلال 4 سنين كنا فيهم اقرب من كده بكتير متوقعش تعملها دلوقتي حاسه اني محطوطه حاطه وحشه اوي مش عارفه اتصرف ازاي انا مبحبش أحرج حد مين ما كان وف نفس الوقت حاسه اني موقفي وحش

Nutella_39839 🇪🇬 · Answer

انا فاهمة شعورك كويس لاني انا كده .. بس نصيحة مني بلاش تيجي علي نفسك اوي كده .. افتكري انها كانت غلطانه و مجاتش تيجي انتي عشان متحرجيهاش تيجي علي نفسك .. مفيش حاجة تستاهل نوجع نفسنا اوي كده عشان حد مش هيشوف اللي بنعمله بعين الاعتبار و يحس انه حقيقي عشان احنا مش عاوزين حاجة .. نفسك هتتحاسبي عليها و ربنا يريح قلبك و يهديكي يارب🤍🫂حقك عليا انا متزعليش

Coffee_47120 🇪🇬 · Answer

والله من ضمن الأفكار اللي جت ف بالي علشان متزعلش اني اروح بس مش هاخد هدايه من حد وهقولها اني جيت علشان خاطر هي طلبت ده لكن انا مش عاوزه حاجه بس بردو دي هتبقا احراج ليها مش عارفه ليه كدا 
بس بجد تسلمي ع كلامك ده لانه لمسني اوي الصراحه

Coffee_47120 🇪🇬 · Answer

انتي عندك حق هحاول اقولها اني مش هعرف اجي واعتذر عن الحوار 
يارب ولكي بالمثل وزياده

Biscuit_49230 🇩🇿 · Answer

احيانا ناخذ افكار خاطئة عن هذاك الشخص بمجرد انو ماصرنا نحكي معو فترة طويلة وكلما طولت الفترة كلما دماغنا اخذنا لافكار بعيدة جدا فهي عزمتك روحي وشوفي الوضع  واكيد رح تحكي معها وكل شي فرح يتغير الوضع وبلكي ترجعو رفقة مثل زمان لانو وفي كل الأحوال مارح تخسري شي

Coffee_47120 🇪🇬 · Answer

مش هخسر حاجه فعلا بس مش عاوزه اتحط ف موقف وحش بردو فاهمه