عندي مشكلة حب معقدة بين ولاد واهلي

Question

عندي مشكله انا اتعرفت علي ولد اكبر مني بسنه في رحله كنت طلعه المهم اتعرفنا علي بعض عشان كنت عاوزه الصور من صحبتو فا دخلت كلمتو علي ماسنجر قولتو عاوزه رقم صحبتو كده المهم اخدت الصور بعدين لقيت أنها بتقولي هو عاوز يتعرف عليكي اتعرفنا وارتبطنا الكلام ده شهر 2 الفات وبعدين اهلي عرفو الحوار اتعقبت والموضوع خلاص راجعنا اتكلمنا تاني فتره أهلي عرفو الحوار اتعقبت واضربت بإقلم وحوارات اخدت الفون روحت لدكتوره نفسيه وكده احنا لسه بنتكلم لحد انهارده هو اسيستنيت عند المدرس بتاعي هشوفو كل حصه المهم هو كان كل فتره يبعد وسيبني الفتره دي اتعرفت علي واحد حبني بجد بس هو كان كل شويه يقول عاوز اكلم صحبتك اساله عن حاجات فا صحيت لقتو عملي بلوك من واتساب طلع سال صحبتي قالتلو اني لسه بكلم الواد الاول ده بس احنا دلوقتي مش بنتكلم اوي دلوقتي الولد للي حبني بجد زعلان بقولي بكليني وخلاص وانا رافضه اعمل اي ؟؟؟

Avocado_71160 🇪🇬 · Answer

بلكيه

Cherry_71815 🇪🇬 · Answer

بس هو للي حبني بجد الاول كان مش مهتم بيا لحد دلوقتي انا تايهه

Avocado_71160 🇪🇬 · Answer

بصي فكره ان لسا في مدرسه في الغالب العلاقات دي بتكون مش هي الصح فحاولي تنسيهم هما الاتنين

Mango_67775 🇪🇬 · Answer

١- بصي انا هنصحك زي اختي والله و يمكن اطول و اخليها على كذا رساله
اولا كده انتي شايفه اهلك بيعملوا ايه كل ما يعرفوا
مش خايفه منهم طيب؟
عادي تضيعي ثقة اهلك فيكي كده عشان تروحي تعرفي كام عيل عايش دور الحبّيب؟
و بعدين شكلك كمان صغير عشان الدروس و كده
و عايز اقولك اهو و انا عديت من المرحله دي أن أغلب العيال أن مكانش كلهم بيلعبوا و يتسلوا عشان ده لعب عيال

Mango_67775 🇪🇬 · Answer

٢- و بعدين مستنيه قصه الحب دي تخلص على ايه
على جواز؟
لو الاجابه اه ف انا عايز اقولك ان للأسف انتي موهومه
انتي غصب عنك الافلام على الاغاني على العيال اللي حواليكي اللي هتلاقي كل واحده معاها كتكوتها و تلاقي عالسيوشيال و انتي بتقلبي كميه كابلز قد كده و تيك توك مع بعض و شوفوا نظرات الحب بينهم
كل ده للأسف بيأثر في عقلك بشكلك لا واعي مهما كنتي شايفه أنه مش بيأثر فيكي

Mango_67775 🇪🇬 · Answer

٣- و بعدين يعني هل الواد اللي بياخد مصروف من بابي هو ده اللي هيتجوزك يعني؟
و الاسيستانت حتى لو شغال ف هيفتح بيت يعني من الوظيفه دي؟
دي الوظايف احنا كشباب بناخدها اللي هو يدوب نصرف على نفسنا و بالعافيه كمان
و اخيرا الحاجه الأهم و لكني انا كنت عايز اقنعك بالمنطق اكتر
ألا و هو أن اي علاقه خارج الإطار الرسمي زي الخطوبه أو الجواز ف دي حرام شرعا و أن كنتي مش خايفه من أهلك ف خافي ربنا و حافظي على نفسك

Mango_67775 🇪🇬 · Answer

٤- عشان انتي والله مش بتعملي حاجه في حوار الارتباط ده غير انك بتدمري نفسك و مشاعر عماله تستنزف مع عيال في الاخر ولا هيتجوزك ولا نيله حاجه زي الجواز في سنكم ده محتاج له يجي ١٠ سنين ولا حاجه
ركزي في دراستك احسن والله و اتعلمي حاجات جديده و اتثقفي أو تسمعي بودكاست لموضوع معين
شوفي حاجات تفيدك مش حاجات تضيع وقتك و حسناتك
و اسف لو طولت بس انا نصحتك زي اختي والله