هل بيقول "عايشين عيشه نضيفه" معناه مشكله اجتماعيه؟

Guava_28847 🇪🇬

منذ 11 شهرًا

شعور مرهق

دلوقتي فيه شخص منجذب ليا جداً وعايز يتقدملي وقالي انه قال لاخته عليا .. حتي صورلي الشات المشكله اني خدت بالي ف الشات انه بيقول لاخته علينا (عايشين عيشه نضيفه) هل ده معناه ان هيبقي فيه مشكله ف المستوي الاجتماعي والمادي ؟

خايفة من التغيرات اللي جاية بعد ما فهمت قيمتي الحقيقية

ساعات كتير اهالينا بيقعدو يحاولو يوعو فينا وغالبا مش بنفهم غير لما نتدعك في الحياه مره واثنين وتلاته..بصراحه حاسه وانا داخله عال٢٢ سنه بتغيرات كتير في وجهات نظري مش عارفه يمكن علشان بقيت بقرا في تفسير القرآن بتركيز ولا علشان في كتب رهيبه جدا قرأتها حسيتها شبه بضبط الي عيشته من وجع وكده بس كل حاجه بيحكيها الكاتب بيقول بعدها وجهة نظره فيها فالي هو بشوف حاجه أنا عشتها وبسمع وجهة نظر ده حتى دفعت كتير بس جبت الكتابين التانيين ولو أن فيهم شبه من الاول دلوقتي فين الفكره حاسه اني وجهة نظري اتغيرت فحاجات كتير يعني فالاول كنت بنقص من نفسي لما احب الي قدامي وميحبنيش واجري ورا بنت او ولد ولا لما اعمل خير ومحسش بتقدير ولا لما بفكر فموضوع العلاقات حاسه حاجات كتير اتغيرت تفكيري وده مسببلي اني خايفه ومش منطمنه عالدنيا الجايه بقيت بحس أنه العمر قصير فالاصل أنه نعامل ربنا فالناس ولو صعبين وأنه البنت عزيزه جداا وبغض النظر بقى عن الكلام الكلاسيكي فأنا بقيت وجهة نظري أن مش اي حد اقول عليه صديقه او ادخلوا حياتي مش كله يستاهل ومش كله سالك ولا كله بيصون ولا بيبقى قد الثقه أنا بس بقيت شايفه أن لازم الشب هو الي يحاول وحتى مش بطرق وعره لا لازم يبين جديته ويبينها جدا حتى مش اي حد من البنات يقول صحبتي مش تكبر بس اكتشفت ازاي الدنيا بتختلف لما الواحد يفوق على حاجه اسمها قيمته كل انسان قيم جدا وحاجات كتير تقلل من قيمتنا وحاجات كتير تعليها واحنا الي بنختار بس بقيت مقتنعه اني مش هبص لاي حد مش بيبادلني وأنه لازم دايما اخد وعطى علشان أنا لليوم كنت الكلبه المخلصه الوفيه وياما اتخذلت من اقرب الناس حتى صحابي لما بيقولو ياا هو حطني فبالو ولا ايه بقيت أنا لو حصل معايا موقف شبيه الي هو جدا عادي الي عايز مش هيلف الي عايز خلي يجي يبين وبقولهم أنه سبيكم من اي وهم لحد ما ربي يبعت النصيب غير كده مفيش غير التطوير اكتر واكتر ف في طائر العنقاء فقصته أنا مش فارق معايا غير بي ونجاحي اكتر واكتر بس ارجع واقول النضج المفاجئ ده مخوفني وعاملي قلق ...عرض المزيد

13 الدعم

0 نصيحة

اخوي بيتعامل معايا بقسوه ومش عارفه ليه!

عندي مشكله مش عارفه احكيها لحد عموما وحاسه الشباب هم الي هيفهموها اكتر فمحتاجه رد منهم أو بنات بيعرفو يحتو كويس جدا..احنا تمن اخوات بس كل واحد راح لحال سبيله ومتبقاش غيري أنا واخويه من زمان وهو أكبر مني بست سنين ففاهمين فرق السن ده كنت مثلا صغيره لسه مش واعيه ولا فاهمه فلساني كان بيفلت أوقات عن سبيل الهزار بغلط اوقات الي هو الغبي ده معرفش ايه بس مش كلام قبيح لا سمح الله المهم احنا كنا مع ذلك يعتبر كويسين أو خلينا نقول زي اي اخوات لكن حصلت نقله فحياتنا واضطريتا نقعد في بيت اوضتين فبقينا لازم نقسم ايام الاوضه وبتاع ويعني حصل تاتش كتير واتخانقنا لاسباب مختلفه كتير بس بسبب الحوار ده المهم هو بدأ يتغير ويتعامل بأسلوب سيء وبعد فتره أنا رحت وصالحته وقلتله أنا اسفه وجايز اوقات مكنتش بحترمك ومش هيتعاد والدنيا بقيت بيس بعدها بمده من لا سبب بقى يتعامل باسوء الطرق وكاني عدوته وبقى يعمل اي حاجه تكرهني فيه لو بموت قدامه ميعبرنيش ويتكبر فكل حاجه ويجيب لكل الي حواليه حاجات الا أنا وفمره والدتي طلبت منه يحطني فحته فطريقه قال بصريح العباره أنا مليش علاقه بيها وفمره مثلا صحابو جايبنلو اكل كتير وانا صايمه قال ولا هتلمسيه ولو شايفني ميته كده وشغاله طول اليوم في البيت يقولي اقعي من طولك مش هقعدك ترتاحي فالاوضه وانا تعبت بجد وفمره والدي بيقولو معلش سبيلها الاوضه علشان عندها فاينل وانا الاولى اصلا في الدفعه قال لو اي حد غيرها كان وافقت والنهار ده وفمرات كتير يدفع للكل الا أنا ولو حد قال ابعت حاجه ليه يبعتها مع اي حد تاني وهكذا مثلا ابسط مثال مرتحتش دقيقه علشان اريح ماما وفي عزومة لقرايبنا ونضفت وعملت كل حاجه ومش متسحره جيت عايزه اكمل اكل بقولو هقع من طولي معلش خليك بس سبني اكل ومفيش مكان تاني قال اقعي مش موافق وبصيتلو لاول مره فعينو قلتلو انا مستاهلش المعامله ديه قال لا تستاهلي قلتلو أنا لحد امبارح كنت بفوت من النهارده أنا مش هسامح ولا حتى فرق معاه ولا أننا فاوقات فضيله فأنا تعبت ونفسيتي تعبت ومش هقدر احكي المشكله ديه لاي حد فياريت تقولولي ليه بيعمل كده بقالو شهور وايه الحل أنا فاهمه أن ربنا هيحاسبه ولازم اكون انا قدام ربي كويسه بس الموضوع متعببب ...عرض المزيد

9 الدعم

6 نصيحة

حاسه بيأس وفاقد الشغف والامل في حياتي

الايام دي حاسه بيأس فظيع بقوم و اذاكر بس عشان المفروض اعمل كدا مش عشان انا عاوزة و عندي شغف ( دي مش طبيعتي ) بتبسط لما يجي وقت النوم و بتمنى الليل ميخلصش بنام كتير جدا و بحس اني مش عاوزة اقوم معنديش رغبه في اي حاجة لا اكل ولا كلام ولا اي حاجة بحبها بعدي ايامي و خلاص معنديش تطلع ولا تفاؤول ولا امل في المستقبل مش عاوزة بكرا يجي خايفه من الايام الجايه و عايشه في الماضي و اد ايه كان حلو مبقتش بقول اذكار ولا بدعي و بعمل خطوات تقربني من ربنا ( عكس عادتي من فتره ) و بستسلم للكسل و اي شويه تعب بنام في السرير و بنعزل عن الناس كلها اي حاجة تحصل في البيت بتأثر فيا و تنكد عليا مدة طويله حتى لو مليش علاقة بيها زي خناقة بين امي و ابويا او اي حاجة حاسه اني كارهه نفسي و كارهه الدنيا مفيش دافع للحياه انا عايشه بس عشان لسا مموتش و اه انا ثانويه عامة و دي فترة فارقه جدا في مستقبلي و كمان رمضان قرب المفروض اقرب من ربنا اكتر لكن حتى معنديش حماس و لا بفكر هعمل ايه في رمضان و كدا ( عكس عادتي برضو ) الخلاصة اني مبقتش فاهماني و مبقتش على طبيعتي و معنديش شغف لاي حاجة و مفيش تطلع للمستقبل ...عرض المزيد

7 الدعم

2 نصيحة