خطيبتى شكلها مش عاجبنى وقلقان أظلمها

Question

مشكلتى غريبه شويه انا خطبت وحده فيها كل اللميزات ال بضور عليها بس اتغاضيت عن حاجه فيها اللا وهى ان شكلها مش عاجبنى غير بنسبة ٥٠٪ 
مثلا المشكلة دى مخلياها تحبنى اكتر بكتير مانا بحبها وهى حست بكدا وبرغم كدا مكمله وراضيه وبتحاول تحببنى فيها باي شكل خايف ماعرفش احبها واظلمها معايه انا فرحى ف شهر 4 ال جاى

Tofu_73618 🇪🇬 · Accepted Answer

شايفه ان من حقك عادي تحب شكلها او لا دا شرعا يعني
بس ممكن تكون هي كويسة ومحترمة وهتصونك ولما تعاشروا بعض شويه وتحبها ل شخصيتها هتحب شكلها عادي 
لان احيانا الواحد بيحب الشكل عشان بيحب الشخص

Carrot_55533 🇪🇬 · Answer

طب ليه يا صديقي كدا ... لعلها تكون دي الخير ليك يمكن مفيش غيرها تصونك و تحفظ بيتك و تحبك فعلا من قلبها و فكر فيها بشكل أكبر و دور علي مميزاتها الكتييييير و صفتها و طبعها و هكذا كل ده ممكن متلاقيهوش في حد تاني

Banana_74322 🇪🇬 · Answer

والله كلامك موزون وهى بتعمل كل ال اقولها عليه علشان تحسن من شكلها

Mango_29955 🇪🇬 · Answer

الشكل مش كل حاجه وبعدين فيها كل المميزات اللي بتدور عليها وجيت عند الشكل  ومش عجبك يا صاحبي في حاجات تاني اهم من الشكل وطالما لقيتها خلاص ولو مش هتقدر تعدي موضوع الشكل دا يبقا خلاص انتوا على البر وكل واحد يروح لحاله

Nutella_56618 🇪🇬 · Answer

انا خطيبي سابني لنفس سببك و كانت علاقتنا جميله جدا بس السؤال ليه بتخطبوا و بتدخلوا حياه حد مش مالي عينكم ليه بتعملوا كده حرام عليكم ولا عشان المميزات مستخسر تروح منك دي اسمها انانيه دي بني ادمه و انك تحسسها مجرد احساس من بعيد أنها مش حلوه كفايه في نظرك ربنا هيجازيك اتقي الله و راعي ربنا رغم كلامي ده انا اللي بقولك سيبها لانك للاسف مش هينفع تكمل مع واحده انت شايف أنه فيه غيرها احسن

Nutella_56618 🇪🇬 · Answer

و فكر كويس ازاي هتنهي الخطوبه بعذر أو مشكله عندك من غير ما تجرحها و تقولها سوري اصل اكتشفت بعد ما خطيبتك انك حلوه 50٪ بس

Banana_74322 🇪🇬 · Answer

المشكلة كمان ان مش لاقي غيرها حاولت ادور حتى وانا خاطبها ومش لاقى

Banana_74322 🇪🇬 · Answer

اكيد لو قررت اسبها مش هقولها كدا يعنى

Strawberry_74125 🇪🇬 · Answer

يا موزه  ممكن لو شكلها ممكن تعدل فيه ممكن تساعدها مادم هي متقبله وعوز تسعدك.
ولو حاسس ان ده هيعمل لك ازمه انفصل قبل ما المشاكل تكبر  وكل مشكله هتكون عقلق هيرجعا لموضوع الشكل.
و استخير وربنا يكرمكم انتم الاثنين بالأصلح لكم.

Banana_74322 🇪🇬 · Answer

الله الله الله 
بحييكى على ردك جدا

Nutella_56618 🇪🇬 · Answer

تدور على واحده غيرها و هي معاك ؟ و اديني بقولك مفيش واحده هتعجبك و لو عجبتك واحده هتتجوزها و هتحس أنها مش عجباك برضو فاسيبها للي يقدرها و يشوفها اجمل انسانه هي متستهلش كده بلاش تبقى اناني

Nutella_56618 🇪🇬 · Answer

وكمان بصراحه كلمتين واقفين في زوري 
نصحتين 
اول حاجه انك تروح تتعالج 
تاني حاجه انك تشوف لك كورس يعلملك تفرق ما بين الضاد و الدال بدل ما انت قاعد تنتقد شكل البت كده و انت بتغلط فيهم في سنك ده

Banana_25478 🇪🇬 · Answer

لو هي كويسه فعلاا وفيها كل الصفات اللي انت عايزها ف الشكل م كل حاجه 
بس انت طالما واخد بالك من النقطه دي وانت بتقول خايف معرفش احبها ف اعتقد لازم تفهم انت عايز اي وتاخد قرار قبل الفرح

Sugar_74919 🇪🇬 · Answer

سيبها علشان أنت متستاهلهاش..

Strawberry_58144 🇪🇬 · Answer

على فكره 
الشكل مش شيء سطحى
ده شيء مهم جدا جدا
اياك تاخد واحده مش عاجباك
ايااك

Potato_76689 🇪🇬 · Answer

حقيقي وهو لو بيحبها فعلا هيشوفها احلي واحده بس في ناس عقولها مبتتقبلش فكرة انها مش زي الشكل اللي ف دماغه وبيفضل يحارب نفسه بقا