ماما زعلانة من صوري مع صحاب الجديدة في الجامعة

Question

انا عندي مشكله غريبه شويه..... انا دلوقتي اولي جامعه ودخلت جامعه وقولت بقا هكون صحاب جديده وكده وفعلا كونت صحاب واخذت معاهم صور وروحت البت متحمسه وفرحانه اني كونت صحاب وكده وبحكي لماما وبوريها الصور راحت زعئت فيا قالتلي مش اتصور مع اي بنت تاني يمكن عندها اخوها اوبن عمها او او يكون مش كويس ويعمل حاجه وحشه بصورتك..... وانا كان نفسي اني اكون زكريات زي بقيت الناس... المفروض اعمل ايه...... قولت اطنش كلمها بس مش عرف حسيت بتأنيب الضمير فانا المفروض اعمل ايه 😣😞

Coffee_77919 🇪🇬 · Accepted Answer

مامتك خايفه عليكي و مش عوزاكي تثقي ف ناس بسرعه و انتي ملهوفه لمشاعر الصحاب و الذكريات فحاولي تتأني شويه و خدي صور للي حاسه من مواقفهم انهم صحاب و ياريت صور تجمعات و ع خفيف و واحده واحده هتلاقي صحابك و هتعملوا ذكريات بدون متحسوا

Chilli_78629 🇪🇬 · Answer

معاها حق مش لدرجه متتصوريش خالص بس اعرفي الي بتتصوري معاها

Chocolate_78623 🇪🇬 · Answer

المشكله اني بتصور صور جماعيه يعني مع اتنين وتلاته وكده بس بردو مش موافقه وبتقولي مش تخليني افتش الصور بتاعتك ومش تتصوري مع حد.. حتي انا بكون محرجه لما يقولي تعالي نتصور مش بكون عارفه اقول ايه.. بقولهم مش بحب الصور و بكون زعلانه ومحرجه بجد

Kiwi_78579 🇪🇬 · Answer

مامتك معاها حق وخايفة عليكي. والعلاقات مش بتتكون بين يوم وليلة ومش بالصور،
العلاقات بالتجارب والمواقف والسنين، وبتقارب الفكر والشخصيات.
ماتسعيش للذكريات، شئتي أم أبيتي الذكريات هتتكون لوحدها، كل لحظة هي في حقيقتها ذكرى. اسعي ان اوقاتك الحالية تبقى ذكريات سعيدة فيما بعد.

Watermelon_69433 🇰🇼 · Answer

صورك احتفظى بيها لنفسك

Coffee_77919 🇪🇬 · Answer

لا حاولي مره بفونك و مره بفونهم و الصور اللي هتخديها عينيها ف فولدر خاص مش بقولك اعملي حاجه غلط بس قصدي متتصوريش كتير عشان مامتك و خوفها عليكي و لحد متتتكدي انهم صحاب كويسين و في نفس الوقت الصور العشوائية و ع فترات بتحتفظي بيها لوحدك و اول متلاقي ف جو تصوير قبل ميبدأو اعملي ان جالك فون او استأذني انك رايحه الحمام او مصدعه و مش فايقه و لحد مربنا يكرمك بصحابات جدعان  و حاولي لما تتاكدي بالمواقف

Coffee_77919 🇪🇬 · Answer

تخليهم يزروركي و يقعدوا مع مامتك جايز قلقها يروح و تطمن لصحبات بنتها

Banana_78091 🇪🇬 · Answer

متستعجليش ع الصحبه الوقت بيبين كتير ودا مش معناه انك تكشري في الناس لا تعامل عادي ومتندفعيش مع الناس لحد ما يبقي في ثقه ومعرفه كويس

Strawberry_78698 🇪🇬 · Answer

مش تتصوري على تلفون حد عاوزة تعملى ذكريات اتصورى على تلفونك انتى مش تلفونها ومامتك معاها حق ودا من خوفها عليكى

Apple_63307 🇪🇬 · Answer

ماما عندها حقك وأنتي بردو حقك تعملي اللي انتي عايزاه بس لما تتصوري اتصوري علي فونك انتي حتي لو صوره وحشه عادي ..ومتزعليش من ماما هيا بس الناس القديمه كدا 
ومتخافيش مفيش حاجه هتحصل ولا حد هياذيكي ..ربنا يحميكي يا حبيبه اخوكي