عندي مشكلة مع الفيب وضميري بيوجعني.. مش عارف أعمل إيه

Q: ليه الخيال أحلى من الواقع وأنا عايش في سجن الأفكار؟

هوا انا ليه حاسس دايمًا إن الخيال أحلى من الواقع ؟ عندى تأنيب ضمير من حتة إنى ببقى عايز اهرب من الدنيا بأى طريقة حتى لو هلعب ماتش كورة أو اسمع أغانى قديمة أو اشغل نفسى بحاجة المفروض مشغلش نفسى بيها لإنها حرام.... المهم إن كل ده سببه هروب من واقع عندى نكران كبير لكل حاجة بتحصل وكإنى واقع على دماغى فى فخ المثالية وإن ليه ميكنش بيحصل الصح لما الغلط بنشوفه قدام عينينا ليه بنسكت ؟ ليه مش بيكون عندنا رد فعل ؟ ساعات بكتشف إن برودى بيزيد فى كل موقف المفروض كنت أتكلم فيه بس متكلمتش، لإن خيالى هو اللى بيسكتنى انا مبقتش عارف اعيش حياتى طول ما بتخيل بالمنظر ده حاسس إنى جوا سجن أفكار مسمومة نظرتى للحياة والدنيا محتاجة تتغير بس الناس كمان لازم تتغير! انا مبقتش عارف العيب فيا ولا فالناس ولا فالفون اللى ماسكه فإيدى ده هوا انا كلامى ملخبط صح ؟

Q: ضغط رهيب من صاحب الشغل.. أكمل ولا أسيب؟

دي حاجه ترجعلك بناء على عدة أسئلة تسألها لنفسك؟ هل زيادة الشغل يقابلها زيادة في المرتب انت راضي عنها. هل لقيت فرصة تانية في مكان أفضل ولا لسة. هل الضغط ده مؤقت ام مستمر.

Q: وجع ضمير من حب صاحبة أخو خطيبي

مع احترامي ليك …….انا شايف ان تأنيب الضمير دا والوجع المفروض علشان بتعملي حاجة حرام اصلاً وبضيعي ثقة اهلك فيك غير كدا شكليات

Question

مساء الخير .. 
انا ٣ث ومحتاج افضفض بحاجة وعارف انها غلط بس بجد مش عارف اعمل ايه 
صحابي المفروض معظمهم بيشربو فيب وسجاير وكلام من ده 
(انا مبحبش الدخان ولا بطيقه بسبب ان المفروض عندي حساسية على الصدر) 
المهم اني كنت في فترة فاتت كنت مش عارف اركز وكده فقولت هتجه للفيب والنيكوتين على امل انه يظبط الدماغ لكن طبعًا لما جبتها حسيت بتأنيب ضمير كبير جدًا و تاني يوم بيعتها 
رجعت من يومين برضو بسبب دماغي اللي بتلعب عليا على طول اشتريت واحدة (مستعملة) بس مجيتش شربت منها غير النهاردة عشان طبعا كارتدج بتاعها كان بايظ و مفيش ليكويد 
اعتقد تقلت في الشرب على انها اول مرة ومكلتش حاجة من الصبح غير كيس تايجر ف رجعت البيت رجعت وحاسس اعصابي مش على بعضها و حاجة غلط خالص و طبعًا تأنيب الضمير 
فأنا مش عارف اعمل ايه .. عايز ابيعها بس برضو مش عارف اعمل ايه ولا اعمل ايه في دماغي و كده 
عارف انه غلط بس .. انتو فاهمين عايز اقول ايه ؟

Blueberry_52260 🇪🇬 · Accepted Answer

بص الصح صح حتى لو انت الوحيد اللي بتعمله و الغلط غلط حتى لو الكل بيعمله فمش معنى ان صحابك بيعملوا كده تقوم انت كمان تعمل كده عشان عايز تركز و بعدين ضررها وحش اوي عليك فعشان كده حرام فمتجيش عشان تصلح حاجه تقوم مبهدل الدنيا فحاجه تانيه حاول تتخلص منها باي طريقه و اشرب قهوه او نسكافيه و حاول تظبط مواعيد نومك وان شاء الله هتبقى مركز اكتر و ادعى اكتر و قبل ما تبدأ قول دعاء المذاكره

Popcorn_35495 🇴🇲 · Answer

بص ياصاحبي ربنا معاك اولا و يوفقك ثانيا مش معني ان صحابك بيشبرو فيب او غيره يبقي دي شطاره و مش بتفوق خالص دي دي بتبوظ جسمك انت تبيعها او ترميها و يبقي اشرب قهوه او اشرب شاي او اي حاجه مفيده بس الفيب دي كانك بتشرب زيت والله و مش حلوه و حرام  ف لو عايز ربنا يوفقك ابعد عن اي حاجه حرااام

Blueberry_52260 🇪🇬 · Answer

اللي هو " اللهم اني اسألك فهم النبيين و حفظ المرسلين و الملائكة المقربين بسم الله اللهم لا سهل الا ما جعلته سهل وانت تجعل الصعب و الحز اذا شئت سهلاً "
 و ادعيى قول " يا حي يا قيوم برحمتك أستغيث اصلح لى شأنى كله ولا تكلني إلى نفسى طرفة عين "  الدعاء ده حرفياً سحر بجد 
و ادعى كمان " اللهم اخرجني من حولي وقوتي الي حولك وقوتك واعني على نفسي "

Durian_52455 🇪🇬 · Answer

انا مستغرب السبب اللى اشتريت عشانه الفيب إنك قلت "على امل انه يظبط الدماغ"
اللى اقنعك بكدة اقنعك ازاى ؟

Blueberry_52260 🇪🇬 · Answer

سعات الواحد بيعمل حاجه لو فكر فيها الف مره عمره ما هيعملها ومع ذالك بيعملها ، بتبقى لحظه كده الواحد مش بيبقى مدرك اوي اللي بيعمله بس بيبقى حاسس ان الحاجه دي ممكن تنجيه

Durian_52455 🇪🇬 · Answer

صح  جدا عجبنى تفكيرك، أو بيكون فاكر إنها بتنجيه بس فى الحقيقة هى بتكون مُسكن للآلام
ولو بصينا فى حياة كل واحد فينا هنلاقي ان احنا فنفس الدايرة بس بأشكال وصور مختلفة

Blueberry_52260 🇪🇬 · Answer

ايوه دي حقيقه ، الشاطر بقى هو اللي يحاول انه يطلع بأقل الخساير من اي حاجه و انه يفكر كويس قبل ما يعمل اي حاجه و يكون مدرك ايه الميزات و الحاجات الوحشه اللي ممكن يقع فيها، بس سعات الحياه بتجبرنا نعمل حاجات احنا مش عايزينها

Durian_52455 🇪🇬 · Answer

صح كلامك فعلًا.. وهى دى الحياة.. مش دايمًا العقل هو اللى بيغلب.. الشهوة احيانًا بتغلب… والا مكنش فيه جنة ونار وكنا كلنا دخلنا الجنة بعقلنا

Apple_18785 🇪🇬 · Answer

متقلقش أنا كنت مكانك وبطلت
انت اللعب علي دماغك قصدك بيه وسوسة ولا قصدك بيه احتياج نيكوتين

Apple_12537 🇪🇬 · Answer

حاضر

Apple_12537 🇪🇬 · Answer

محدش اقنعني بيها وهو الحقيقة ان انا اللي عامل ومدور على مميزات وعيوب النيكوتين فكان من المميزات بتاعته - على ما اتذكر - ان بيخليك تركز و بيكون اقوى من الكافيين سنة فعشان كده كنت عايزه

وطبعًا اكيد الشيطان والوسوسة فكبر في عيني الموضوع ده متجنبًا كل العيوب والمشاكل اللي ممكن تنتج منه

Apple_12537 🇪🇬 · Answer

وسوسة

Tofu_29384 🇪🇬 · Answer

كنت سمعت حد بيقول قبل كدا أن لو انت عايز تعمل حاجه غلط ربنا ممكن يسهلك الطريق دا جدا ومش هيمنعك وانت هتمشى فالطريق دا عادى زي اللى حصل مع صحابك مثلا

بس فى حد تانى ربنا بيمنعه وبيقفله كل الطرق عشان عارف أنه شخص كويس ودا مجرد وسوسه نفس زي اللى حصل معاك وان انت حاسس بتأنيب ضمير وانك مش عايز تكمل ف دا

ف متبقاش من الناس اللى ربنا بيسهلهم الطريق الغلط وبيكملو فيه

Apple_12537 🇪🇬 · Answer

اكيد ان شاء الله

Apple_18785 🇪🇬 · Answer

انت في مرحلة حلوة
فضي دماغك في حاجة تديك دوبامين دا الي جسمك بيدور عليه متستسلمش للكلام دا زيي عشان عانيت معاناه محترمة عشان ابقي مكانك دلوقتي 
وانا مش زيك 100% عشان انت دماغك لسا بصحتها أنا بوظت دماغي بالنيكوتين ويادوب بلحقها 
وشوف حاجة تبقي مضادة لل stress غير النيكوتين

Coffee_47526 🇪🇬 · Answer

يا تلحق نفسك وتبعد يا تتسحب ومش هتعرف ترجع تاني