نخمام بزاف بعد ما شفت حبيبتي السابقة مع واحد

Question

عندي بروبلام قلقني ليمات ادي ورجعني نخمام بزاف كونت مع وحدة حبيتها بزاف كبرنا كيف كيف خطبتها في فترة اديك كانت اموري مادية تعبانة بصح جهدت بش خطبتها والانسانة لي كونت معها كان راسها خشين بزاف نا نبغي سترة مانحبش تخلي تجيب العين لروحها وهي لا دائما كانو لي بروبلام بيانتنا حتنا وصل وقت صاي تفرقنا عندنا عام قدقد فترة لول فوتها عادي عام كامل ماكانش توصل بيانتنا ماتلقيانش خلاه عندها الايام لي فاتت شفتها في طريق مع واحد من لتم دخلت في دوامة نتع تخمام الانسان لي شفتها معها فيها صفات كامل لي قتلي نكرهم في رجل لقيتها لبسة على جالو حجاب وتمشي وراسها في الارض وحسيتها سعيدة معها ملقري هو يتكيف في وجها مش مديها فيها من لتم ونا نخمام غضتني روحي ضحية ببزاف امور في علاقة ادي كونت نبغيها نخاف عليها بزاف ونا انسان سريع الغضب كي نتلقق نولي مانعرفش نحكي راني ليمات ادي نشوف في دنيا ظلمة قولت وش عندو ادى الانسان بش وصلت تبدل روحها عليها نا بفضل ربي سبحانو شحال من وحدة تحب تكون معاياا بصح صاااي ماني قادر نكون مع حتى وحدة هي كي عمبلها بلي مشني نتعها وعلاش عقبت بيا وقت ادى كامل ادعولي ربي يفرج عليا

Chocolate_78933 🇩🇿 · Accepted Answer

ملول كانت باينة ماتبغيكش كعاد حنا لبنات كي نحبو واحد نوصلو لدرجة العمي أنو أي حاجة يطلبها تتنفذ يالوكان تكون معجزة بصح البنت كي تحب تقدر تتخلى على كلش علجالك هيا بلاك صح فيه مواصفات تكرهم بصح بلاك كان حنين معاه عطاها الاهتمام وإذا مش هك بلاك سيفوها عليه دارهم كعاد حنا لبنات الاهتمام هوا لي يطيحني ونتا نصيحة مني تقرب من ربي وادعيه يعوضك وتصالح مع ذاتك بلي ماكتبش المكتوب وشافلك ربي فيها خير

Mango_29955 🇪🇬 · Answer

والله ما فهمت غبر ادعولي ربي يفرج عليا😅

Banana_81369 🇩🇿 · Answer

اولا ربي يفرج عليك صاحبي 
ثانيا والله فيها خير هي كانت تفوت فالوقت برك معاك و ايا و عينها على وحداخر 
النصيحة لي نقولهالك أخي غير نحيها من بالك و دير في بالك والله غير خير ليك نتا هي تعيا و تتجرجر 
عاود حياتك فالحلال و ماتزيدش تبع خبارها صاي لي راح برضليتو خلاصت حكايتو

Broccoli_81374 🇩🇿 · Answer

ما تقدرش تحكم عليها انها لعبت بيك بلاك هي ما كنتش تخمم بهذي طريقة أصلا مينداك تصرالنا كامل نكونو مترددين في بعض المسائل لكن الطرف الاخر ما يساعدناس اننا نتاخذو القرار

Marshmallow_78812 🇩🇿 · Answer

ان شاء الله ربي يفتح عليك من اوسع ابوابو و يجي نهار تجوز عليها باودي و مرتك في يد و بنتك في يد لوخرة ، هاذي الدنيا كبيرة و فيها ڨاع انواع العقليات الزين و الشين مشي معناها كي حنى تربينا ملاح معنتها ڨاع ناس هكاك كاين ناس فيهم الشر بلاسبب ، منيش نقلك اكرها بيسك غير منا لي راح تنظر بكرهها ، هيا خيرت لي راهي تشوف فيه يساعدها بغض النظر ايلا نتا خير منو ولا هو خير منك (بيسك ميهمش)

Marshmallow_78812 🇩🇿 · Answer

روح بلعقل معا روحك و متجلدش نفسك و متخليش هاذي التجربة تعزلك على الناس و تقول -اا ڨاع الناس كيفكيف راح يوصل نهار وين يغدرو بيا- ربي يهديها ان شاء الله ونتا ربي يوفقك في حياتك

Strawberry_81410 🇩🇿 · Answer

ممكن معاك مكانتش كاينة قدرة الإقناع اللازم باه نبدلها ... مي هذا عرف يقنعها ..... الدنيا هادي متستاهلش نحبسو فيها عند انسان... حاول تركز مع روحك و حياتك و تنوض من الدوامة لي انت حطيتي روحك فيها

Biscuit_81428 🇩🇿 · Answer

الألم لي راك تحس بيه فقط بسبب فهمك القليل للنساء، هوما دايما هكذا متقلبات، اليوم تحب حاجة غدوة تحب عكسها، اليوم متبرجة غدوة تحب تكون محجبة و تجيك بشخصية ثانية و تفكير أخر، نهار لي بعده لا هاذي لا هاذيك عقلية اخرى قاع، كاين لي عايشة على ترند لي كان تمشي عليه، و كاين لي فيها النفاق، و كاين لي عايشة الأدوار باش ترضي الطرف الثاني
 
و فالأخير نقولك ماشي قاع النسا هاك، و عاشر غير لي ثابة في نفسها.

Banana_80818 🇩🇿 · Answer

علاه تدو انسان بصفة و تحوسو تبدلوه لصفة اخرى حتى لو كانت لمصلحته مبعدا تقعدو تلومو فيه راك باغي وحدة مستورة روح أدي وحدة مستورة !!!

Orange_81360 🇩🇿 · Answer

راني رضي بقضاء وقدر ربي لكانك على الاهتمام كونت مهتم بياها مديرها كي طفلة صغيرة ولا نهار جاء في بالي بلي نغدرها بصح بشر لي كونت معها كانت حاطتني عجلة احتياط هي دورك مانيش نخمام ترجعلي لا قلقني كمية التضحيات لي درتهم على عجالها في اللخر قاتلي ماكاش راجل ونتا تغير بزاف ولي تزيد توجع اكثر بعد عام نلقها بدلت من روحها تسعين درجة هذا لبنادم كون حتى جاء حا يتزوجها يوقت بياها ويخليها