الكلام اللي هقوله ممكن يكون شبه حد فيكم، او حد يعرفله حل انا من شهرين شفت لي صورة بالصدفة وانا اقلب بالجوال والغدا قدامي لسا هاكله، صورة جنب ناس من عمري، وكان شكلي جنبهم كأني امهم مش صاحبتهم اللي بعمرهم، كان ظهري عريض ومقوس وشكله يعر، من هاي اللحظة قررت ابدأ نظام دايت ظنا مني اني هيك رح تنحل مشكلتي، وفعلا قطعت جميع السكريات والنشويات وفي وقتها كان الاشي المفروض انه نظام صحي، كان يبين علي شوي شوي، بطني تصغر، رجلي ينحفوا، بس ولا مرة ظهري شكله تحسن، بدأ الموضوع ياخد منحنى الهوس، بدأت احسب كل غرام كارب بدخل جسمي، منعت حالي حتى من الجزر والحمص والذرة لان فيها كارب، ع الفاضي، قلت يمكن مشكلة صحية، عملت فحوصات غدة وهرمونات وكل شي بيخطر ببالكم، كانت تمام، الحرمان زاد، قلت التمارين اكيد هتنفع، وما كان يجيب نتيجة، صرت اسكب وجبات، ايام تمر علي آكل فيها وحبة وحدة، ايام تمر بس ب٤٠٠ كالوري، ولسا شكل ظهري مسبب لي عقدة، بطلت اتصور، صرت اكذب واقول اي اشي عشان ما اوقف وابين بالصورة، اكره آكل قدام حد، وشكل ظهري لسا زي ما هو، وكلما نحفت كلما زاد شكل جسمي غرابة لان كله بينحف الا ظهري، وبحاول احل مشكلتي مع الاكل بس ع الفاضي، لسا شافاه بعبع وبخاف آكل براحتي واصلا ما عندي الوقت والجهد اللي يسمح لي اطبخ اكل مناسب لنظامي وما في اكل في المحلات يناسبني

9

9