زوجتي عاوزة تطلقني وأنا مش عارف أعيش من غيرها

Apple_66209 🇪🇬

منذ شهر واحد

شعور مكسور القلب

عندي مشكلة وبجد مش عارف أحلها إزاي ودي مشكلة حقيقة مش من وحي خيالي انا عندي حاليا 30 سنة كنت عايش قصة حب 5 سنين وبعد كدة خطبتها سنة واتجوزنا وعيد جوازنا يوم 28/7 اللي جاي بعد كام يوم ده وركز معايا في التاريخ عشان هرجعله كمان شوية المهم لما اتجوزنا قررنا مش هنخلف أطفال إحنا عاوزين نعيش سوا بس وأمننا نفسنا عشان مش عاوزين خلفة دلوقتي عالأقل وربنا أراد إن هي تحمل وتعبت جدا في الحمل زي أي ست بس هي كانت دايما تلوم عليا إن أنا السبب وإني مش حاسس بتعبها وكدة والحمدلله حاليا عندنا بنوتة 5 سنين نرجع بالذاكرة من سنتين كدة تعبت فجأة وأخدت أدوية من غير ماترجع لدكتورة وبعد ما التعب زاد راحت لدكتورة تكشف عندها واكتشفت إنها حامل واثناء الحمل كان فيه نزيف بس في الشهر الخامس النزيف بقي كتير راحت لدكتورة وقالتلها الجنين متشوه بسبب العلاج اللي اخدته في الأول ولازم ينزل اتحجزت في مستشفي بدون مرافق أنا كنت ببات في الشارع أوقات عشان أفضل جنبها وماكانش فيه فلوس كنت مستلف علي مانطلع من ازمتنا وماكنتش بروح الشغل عشان ما اسيبهاش هي كانت عاوزة الجنين يموت عشان يسقطوها وتخلص لما إبننا مات وادوها الجنين عشان يتدفن حالها اتغير وبدل ماكانت عاوزاه يموت بقت هتموت عليه طلعنا من المستشفي مش عاوزة تقعد مع امها ولا مع أمي ولا مع إخواتي عشان حد يخدمها لحد ماتقوم علي رجلها وعاوزاني أنا أقعد جنبها وأسيب شغلي المهم ماكنتش برضي أقعد عشان عليا التزامات وديون مش هينفع لما قامت بالسلامة اتغيرت معايا وقالتلي انا مش عاوزة اكمل معاك وعاوزة اتطلق عشان انا احتاجتك تسندني عشان اقوم وانت ماوقفتش جنبي انا قومت لوحدي طبعا بقالنا سنتين بحاول معاها حياتنا ترجع زي الأول مفيش وفي السنتين دول عملت كل حاجة ممكن تتعمل ورد وكلام حلو وأفعال كتير لدرجة إني أرتب خروجة وأقولها يلا نخرج أنا وإنتي وبنتنا تقولي لأ المهم أنا بيتي دورين هي عايشة فوق وانا بقضي اليوم فوق وأنزل أنام تحت عشان مانصطدمش ببعض ونعمل مشاكل ومن حوالي شهر عرفت واحدة وبقت تجيلي البيت ومراتي شافتها وهي خارجة من البيت يوم 22/7 يعني فاضل اسبوع علي ذكري جوازنا وسألتني مين دي قولتلها صاحبتي واتناقشنا وطبعا فهمتها أنا ليه بعمل كدة وان هي أهملت فيا وسابتني وقالتلي عيش حياتك براحتك أهم حاجة عندنا بنت مش عاوزينها تتأثر ومش عاوزاها تشوف حاجة زي كدة أنا دلوقتي عاوز أرجعلها وارجع معاها زي الأول أنا لسة بحبها ومابعرفش أعيش من غيرها أنا ماليش غيرها في الدنيا أعمل ده إزاي أنا مش عارف حتي هي مش عاوزة تديني فرصة للنقاش أقولها أنا غلطان تقولي مفيش مشكلة أقولها إنتي غلطانة تقولي مش مهم وقبل ماتعرف الحوار ده أصلا وهي بتتعامل معايا بنفس الطريقة آسف عالأطالة ياريت مساعدة من حد ناضج وفاهم أو قابل نفس المشكلة شكرا 🌸

حياتي تدمرت بعد ما رهنت عليه وابني ضاع مني

انا بنت و عندي 25 سنه حياتي كانت بسيطه اوي بروح شغلي ومعنديش غير صاحبه واحده بس بطمن عليها كل يوم ومقدرش يوم يعدي من غيرها لما كان عندي 20 سنه كنت اعرف واحد من بعيد لبعيد كدا مش بنتكلم وله بنتقابل بس عارفهه شكل كدا روحت فرح صاحبتي ده لقيتو هناك و اكتشفت انو اخوها و اتفجئت جدا و هو كمان اتفاجئ وابدينا نتكلم ونتعرف و ابديت اتشد له كنت بدأت اشوفه امان او جزء مني لحد ما في يوم اتخنقناه خناقه عاديه جدا زي اي اتنين واتفجأت بعد الخناقه ان هو حطتني علي البلاك ليست عملت له بلوك من كل خته من كتر ما انا كنت مصدومه بعدها بي اربع ايام ابويا توفي فاجئه كنت بموت و قلبي بيتفرتك و تايهه و لوحدي مش فاهمه اي البيحصل بعدها باسبوع كلمني انهرت معاه و هزقته وقولتلو انت سبتني لوحدي وبعدنا عن بعض بعدها بي 6 شهور عرفت ان خطوبتو بكرا كنت بموت بس روحت لي صاحبتي واحتفلت معاها بخطوبت اخوها ال بكرا و روحت البيت صليت وقولتلو يا رب قلبي وجعني ربنا يسعده يارب كنت بحس ان هو ابني ابني المخلفتهوش قعدت سنه ونص خاطبها وصاحبتي جت قالتلي ان هو هيفشكل بسبب مشكله بينه و بين خاطبتو روحت صليت لربتا و قولتلو يا رب متعملهوش بي داين تدان متوجعهوش يا ب كنت خايفه علي قلبه من الزعل وبعدها قبلتو صدفه في عيد ميلاد بنت صاحبتي و قعتلي وقالي مبسوط اني شوفتك كنت بقالي ٣ سنين مشفتهوش قلبي كان هينط من مكانه اني شايفه كنت هموت من الخوف اتكلمنا تاني ورجع بينا كلام وحكينا و و و و لحد ما قالي اني بيحبني و هايجي يخطبني اخر السنه و فاجيه اختفي من حياتي كلها وًمش بيرد عليا لمده شهرين او اكتر طيب اي الحصل ؟! صاحبتي تقولي عادي بيرد عليها و بيكلمها و بيكلم بنات كمان عادي لحد ما رجع كلمني تاني فتحت ايدي قولتو انت كويس كويس بس شويه ضغط شغل وكدا و اتقبلنا وبعدين اختفاه تاني ؟! ورجع بعدها بس شهرين تاني وحشتيني وبعدين اتخفاه تالت لحد ما اتعودت ديما ان هو هيمشي لحد ما لقيت صاحبتي بتقولي في يوم ان هو كلم اهلو ان عاوز يخطبني وبعدها كلمني وقالي انو عاوز يجي يكلم اهلي وفعلا حصل و مامته كلمت مامتي و اتقدملي و جوم عندما البيت و ابدت المشاكل بينه و بين اخويا كتير اوي وانا في النص ماشيه اطبطب عليهم كلهم و جيه عمي و قرينا فاتحه والله مشيلتوش هم حاجه خالص كنت ديما بيهب فيا انا اطبطب عليه وكلهم كانو عليا و انا ارضيهم مقاليش نفسي في حاجه اله و تاني يوم كانت عنده اقسم بالله ختي لو اخر فلوس في جيبي مشاكل مشاكل مشاكل و جيبناه الدهب و المشاكل و الحوارات كترت بقا هو و اخويا وًمامته و مامتي واحنا في النص انا و صاحبتي وًمش عارفين نعمل حاجع عمري و حته مني بيضيع مني مشيلتهوش هم اي حاجه وله فلوس وله فستان وله اي حاجه حتي الدهب مشيلتهوش همه كنت مضغوطه جدا في وسط مل ده ومكنتش عارفه حتي اتنفس وله اعمل اي حاجه لحد ما في وسط كل ده حصل موقف واحد زميلي قريب مني و مسيحي انا محكتلوش عليه في وقت القرف ده كله مجتش فرصه علشان الغلطه ده اصلا ال هو مش غلطه اصلا ده سوء تصرف باعني و بالرخيص اوي كمان و بعد نا حجزت كل حاجه للخطوبه و قبل خطوبتي بي اسبوع سابني ومشي كنت بموت كل يوم كل دقيقه و فكرت في الانتحار تالت مرات و هو عارف وله اتهز وروحتلو لحد عنده و اتهندت و اتذلت و بعتله مليون رساله وله حتس اتسمعت حتي اني هونت اوي وقلبي وجعني جدا و زعلانه علي نفسي اوي و قلبي وجعني و مش عاوفه انسي وله اعيش و حاسه ان قلبي البيعيط من القهره و الوجع حتي نفسي بيطلع بالعافيه وًمش عارفه اعمل اي انا رهنت عليه ووقفت قدام اهلي علشان و قدام اهله هو كمان كلهم قالولي لا وانا اقولهم ده ابني ابني ووقفت معاه هو شخصيا وعمري ما سبته و سامحتو بدل المره الف و استناتو ده خطب غيري و كنت بدعيلو وفي الاخر يحصل معايا كل ده وحياتي تدمر بالشكل ده و هو عايش عادي وانا مايته كدا انا استاهل كل ده؟؟؟ ...عرض المزيد

11 الدعم

8 نصيحة

صاحبتي اللي حبيتها قطعتني ومش عارفة ليه

اخويه كان عايز يعرفتي على اخت صاحبه وصاحبه برضو كان عايز يعرف تخته عليا لانهم لاحظوا هم الاتنين اننا قافلين على نفسنا ومعندناش صحاب اول وكده .. وبالفعل رجعت من الامتحان في يوم لقيته بيقلي يلا خارجين ، قلتله مش قادره وبتاع بس اصر ، فخرجنا واتعرفت عليها واتصاحبنا وانا حبيتها جدا وهي كمان حسب ما كانت بتقول دايما اني عاقله والقاعده معايا حلوه وان شخصيتي حلوه وكده .. المهم كنا مبسوطين وبنخرج وكنت كل لمى اجيب لنفسي حاجه اجبلها معايا او كل لمى اعمل حاجه اعملها معايا وفتحتلها قلبي وحكتلها عن كل حاجه عني تقريبا واسرار وبتاع .. بس استوعبت بعد فتره انها مبقتش تتكلم عن نفسها خالص ولا بتحكي حاجه عنها ابدا وبقت تتهرب مني ومن الخروج معايا ومن اتصالاتي فبدأت كل شويه اسألها اذا زعلانه مني في حاجه واننا ممكن نتناقش في اي حاجه زعلانه منها وانها متراكمش جواها واننا ممكن نحل اي حاجه لمى نتكلم مع بعض ولاكن كانت دايما بتقول ان مفيش حاجه ... وبعدين حصل موقف بيننا احنا الاتنين غلطنا فيه وبطلنا نتكلم .. بس بصراحه انا اللي قطعت عشان كنت متضايقه جدا ... المهم اني رجعت اكلمها بعد كام شهر انفجرت فيا واتخانقت معايا ومرضيتش تسمعني ولا تتكلم معايا وحاولت كذا مره اكلمها لاني بجد كنت بحبها جدا ومفتقداها ومازلت بس هي مردتش عليا حتى الان .. ...عرض المزيد

7 الدعم

2 نصيحة

مرتبطة ٧ سنين وطلع خاين.. حزينة أوي

قعدت مرتبطة ٧ سنين كاملين ، ٣ خطوبة ، ٤ جواز ، كنت فاكرة اني اقرب حد ليه في الدنيا ، طلع خاين خانني في بيتي وفي اوضة نومي ، انفصلت وبعدين اكتشفت بعد الانفصال انه كمان طلع مدمن المشكلة انه بقاله سنة طلاق اهو ومش راضي يطلع من قلبي ، وبفتكر كل الذكريات بينا ، أنا حبيته حقيقي ، حزينة اوي بجد ...عرض المزيد

2 الدعم

11 نصيحة