انا عندي ٣٠ سنه وعندي مشكله مش بعرف اتكلم مع بنت وجها لوجه لكن لو مثلا بنتكلم شات انا ممكن افضل ارغي للصبح معنديش مشكله بس بشرط تكون هي حابه ومتقبله ده .. ملحوظه انا اتولدت بظروف خاصه (تشوه في عيني اليمين وصوابعي مش كامله ولكن مش ماثرين عليا في حياتي اليوميه خالص وعايش زيي زي اي حد سليم بس الموضوع ده بيخلي البنات اصلا تتجنب التعامل معايا وعلاقاتي بالبنات او كلامي معاهم علي النت بس ومن غير ما يشوفو صورتي ولو اصرت بنت تشوف صورتي انا ببعت صورتي وببقي عارف ان هيتعمل لي بلوك وهتجرح بكلام ملهوش اي لزمه.. وحتي لما اشتغلت في شغل وكان فيه بنات حاولت اقرب من بنت واعجبت بيها وقولت لها وللاسف كان ردها بالرفض وللامانه رفضت بدون اي تجريح وبمنتهي الذوق والاحترام وانا تقبلت ده وعارف سبب الرفض بس مشغلنيش لانها رفضت بذوق واحترام ونفسي اتخطي الموضوع ده واقدر اتكلم مع اي حد عادي لان الموضوع مش بس بالنسبه للبنات لا ده بنات او اولاد .. مش باخد علي حد بسرعه ولا هو بياخد عليا بسرعه نظرا للظروف القولتها والانا مليش ذنب فيها ..

3

7