اختي الصغيرة وقحة ومش عارفة اتعامل معاها

Question

السلام عليكم

مشكلتي هي ان اختي الصغيرة هي تالتة اعدادي طريقة كلامها قليلة الادب ووقحة مع الكل وهي شايفة ان دي حاجة روشة وكدا يعني ولما حد بيتكلم بتقول اششش بس اخرس ولما حد بينصحها بتسيبو وتمشي قبل ما يبداء كلام اصلا وهي لسة محجبة السنادي ولما ماما قالتلها تتحجب قالت يأما تتحجب وتبين شعرها ورقبتها يأما متتحجبش وماما وبابا رافضين الموضوع بس هي اتحجبت وقدامنا بتداري شعرها ورقبتها اول ما بتنزل بتبينهم وغير كدا بتسمع الاغاني المهرجانت والشعبي وحاجات المقرفة دي هي وبنت خالي نفس الشخصية وبيحبو يحرجو الناس في الكلام ولو كلبت منها طلب تمد ايدها وتقولي بوسي وبتحب تزل الواحد وبتشتم كتير من غير سبب وبتاخد حاجات من السكن كير بتاعتي ومش بتقولي وبتبوظ لبسي كلو حبر بسببها ولما بمنعها من اللبس تقول لماما وماما تقولي خلاص سيبيها ومن ساعة ما بقت في اعدادي وبقت فاشلة في الدراسة ومبتحبهاش ومجاميعها وحشة واسلوبها اوحش وحتى اصحابها برضو مغروروين ومتعالين زيها وانا مش عارفة اتصرف معاهو ازاي والكلام مبيجبش معاها نتيجة كأني بقولها تزود في قلة ادبها مش تحترم نفسها و مشيتها لما بنبقى برا البيت كأن العالم بتاع ابوها وكأنها عايزة تتخانق مع اي حد رغم اني انا واختي الكبيرة مش كدا خالص بالعكس وماما وبابا متدينين لكن هي كدا ومحدش بيعرف يتكلم معاها لو حد عنده حل ياريت يقولي

Almond_75665 🇪🇬 · Answer

مبدأيا أسباب المشكله دي هي أصحابها 
هي واخده طباعهم لازم والدك يتدخل في الموضوع ده ويمنعها عنهم حتي لو هيقعدها في البيت 
لازم الفون يتسحب منها 
لازم تصلي وتقرب من ربنا وتخاف منه 
لأن لو متسيطرش عليها في السن ده هتوصل لمرحله مش كويسه يمكن لسه هي في بدايتها

Almond_75665 🇪🇬 · Answer

واضح كمان أن عندها مشكله في ميولها 
لازم حد يتكلم معاها في الفطره اللي البنت اتخلقت عليها 
يعني مش عاوز أحكم عليها من غير ما أعرفها بس من اللي شوفته قدامي دي مباديء للساديه عموما وفرض  السيطره 
هي شخصيتها Dominant
ولو متسيطرش عليها واتعدل سلوكها في الوقت ده مش هتعرف تستغل شخصيتها صح وهيدمر حياتها ربنا يحفظها و يقويكم عليها

Ice Cream_75677 🇪🇬 · Answer

تغير دايرة المعارف وانتي تقربي منها حاولي تتقبليها وان شاء الله ربنا يهديها ويبدل حالها للاحسن

Marshmallow_75106 🇪🇬 · Answer

تلفونها مسحوب وهي كمان ممنوعة من اصحابها بس برضو بالعكس الموضوع زاد اكتر

Marshmallow_75106 🇪🇬 · Answer

من كتر ما كلامها وحش بجد ساعات كتير اوي بتخليني اعيط من كتر ما هي وقحة وقليلة الادب

Marshmallow_75106 🇪🇬 · Answer

بعدناها عن اصحابها والتلفون ولا كأن في اي حاجة بلعكس دي بتزيد

Almond_75665 🇪🇬 · Answer

عشان هي فاكره ان ده عقاب فتره و هينتهي وهترجعلهم تاني 
لازم في خلال الفتره دي يتم التعامل معاها نفسيا بالكلام والاقناع أن الوضع اللي هي فيه غلط و هيبقي مؤذي لعيلتها كلها وأن أخواتها البنات في سن جواز مثلا وده هيأثر عليهم 
لازم تخرج من الفتره دي مقتنعه أنه كانت في وضع مش تمام وهي اللي عاوزه تغير الوضع ده

Ice Cream_75677 🇪🇬 · Answer

هنا دورك دي امانه والمشكله اللي عندها لو أهملتيها او حاولتي تحليها حتى بطريقه غلط انتو اللي هتشوفو السواد والضرر هيقع علي الي حواليها قبلها انتي لازم تفهميها حجات كتير اووي لكن بالطريقه الصح وإستحملي واصبري انا عارف انك جضيتي خلاص بس انا بقا شوفت نموذج زي ده بالزبط 25 سنه بس سيقاها على ابوها.وامها ومحدش قادر يفتح بؤه معاها شوفت بعيني الناس دي بجد صعبو عليا جدا والله اكتر منها مع ان هي كانت صديقتي

Marshmallow_75106 🇪🇬 · Answer

هي ممنوعة من كل دا من ساعا عيد الفطر ومش جايب نتيجة وماما كل فترة ببتكلم معاها وبابا بيزعق لها وهم مبيحبوش اسلوب الضرب لكن هي بتسوق فيها ولما بنقولها انو الحاجات دي غلط وهي السبب ان هي كدا بتقول دي حياتي وان حرة فيها

Almond_75665 🇪🇬 · Answer

لو الموضوع ساء اكتر مش عيب أنكم تشوفو حد مختص في تعديل سلوك المراهقين 
يمكن انا مش عارف اقول حاجه أو افسر بس انتي اكيد فاهمه ده ممكن يبقي نتيجه لايه بظبط 
و ممكن ده يأذيها فعلا

Marshmallow_75106 🇪🇬 · Answer

يعني ايه جضيتي؟

Marshmallow_75106 🇪🇬 · Answer

هي حتى مش بتقبل النصيحة وبتمشي وتتجاهل الناس كأن محدش بيكلمها

Marshmallow_75106 🇪🇬 · Answer

دكتور نفسي يعني؟

Almond_75665 🇪🇬 · Answer

بيبقي متخصص في تعديل سلوك مراهقين 
لأن في إدمان و في أطفال و في تخصصات كتير يعني 
ف شوفي حد تعديل سلوك مراهقين و اقعدم معاه الاول قبل ما تخدوها ليه وفهموه الوضع بظبط وشوفو رأيه ايه لأن ممكن بردو لو هي معاكم وسمعت كلامه تاخد دي حاجه وأنها تعبانه ومعرفش ايه والجو ده

بس أهم حاجه حد.يبقي كويس مش همه يعد جلسات بس

Ice Cream_75677 🇪🇬 · Answer

جضيتي يعني زهقتي و للاسف دي اللغه اللي لازم تكلمي بيها اختك عشان تقدر توصليلها المعلومه صح

Ice Cream_75677 🇪🇬 · Answer

ونت شكلك على الله حكايتك ختي نصيبك ونصيب اختك فى التربيه

Marshmallow_75106 🇪🇬 · Answer

اه اوكي

Marshmallow_75106 🇪🇬 · Answer

بالعكس ماما كانت بتهتم بيها اوي وبتربيتها ولكن هي اتغيرت من اول فترة اعدادي

Onion_73960 🇪🇬 · Answer

حاولي تقربي منها واتعاملي معها بهدوء هي في اخطر سن 
السن دا خطر علي الاولاد فمابالك بالبنات

Marshmallow_75106 🇪🇬 · Answer

حاولت بس هي بتجرحني في كلامها كتير اوي

Onion_73960 🇪🇬 · Answer

لا مره مع الثانيه هتلاقيها بتقرب منك وماتظهريش ليها انك اتضايقتي وردي بنفس اسلوبها معاكي هتلاقيها بتجيب ورا علي طول