مشاكل نفسيه وانتحار وعمري 18 سنه

Question

عايد سنه في جامعه خاصه وفركشنا انا وخطيبتي ومعنديش صحاب وبقيت بشرب مخدرات وبحرق في اليوم سجاير ودخات كتير وعندي مشاكل نفسيه كتير جدا وكل دا وانا 18 سنه معتقدش ان فيه نصيحه تقدر تحل اللي انا فيه دا بس انا افكار الانتحار متملكه مني باخد برشام ومسكنات كتير جدا عشان محسش بحاجه واسكت الصوت اللي في دماغي شويه لانه لو مسكتش انا هموت نفسي وصلت لمرحلة اني بفكر وانا نايم اعتقد انه مفيش فايده من اني انا اعيش متعذب وفي الاخر كدا كدا ميت مفيش حل احسن من اني اخدها من بدري وارتاح .

Strawberry_80896 🇪🇬 · Answer

في حل وحيد و هو انك ترجع تصلي و ترجع لربنا

Marshmallow_81683 🇪🇬 · Answer

اول حاجة ادخل مصحة لمصلحتك لان المخدرات و الإدمان في السن ده هيأثر علي صحتك بشكل كبير جداً فيما بعد 
ثانياً اتعرف علي شباب علي خلق حسن يوجهوك للطريق الصحيح لما تخف إن شاء الله

Banana_81315 🇪🇬 · Answer

اول حاجة انك متأذيش نفسك ب دخان و مخدرات و كمان لازم شوية تكون عارف ان عادي دخلت امتحان و منجحتش و تذاكر و تدخل تاني و تنجح .. الحياة الدنيا شقاء و ربنا بيختبرنا ف لازم نقتنع اننا نعمل الي علينا و ملناش علاقه ب النتيجة .. النتيجة ف ايد ربنا

Strawberry_74901 🇪🇬 · Answer

كلنا هنموت بس ف فرق من انك تموت وانت تائب وانك تموت وانت عاصي صدقني الشيطان هو اللي بيخليك تفكر كدة انت محتاج تتعالج ضروري وتقرب من ربنا اوعي الشيطان يضحك عليك وبقولك انتحر متضعفش انت قوي اتكلم مع اهلك متبقاش لوحدك عشان تعدي المرحلة دي انت شاب وصغير لسه وف بداية حياتك لسه قدامك حياة طويلة وربنا هيكرمك بس انت قرب ومتضعفش