مشاكل مع أبويا وفقدان الحنان والأمان

Question

مش عارفه ابدا بأيه مش عاوزه اطول بس انا عندي دائما مشاكل مع ابويا هو مبهدلنا بيشتمنا بيضربنا بيهنا قدام الناس عاوزنا نصرف عليه وع نفسنا وع البيت ومش بيسمحلنا نعرف حد او يبقا عندي حتي أصحاب حتي صاحبتي بيبعدني عنها انا مليش حد وسني كبير عندي ٢٤ سنه فاقده لحاجات كتير اوي انا معرفش يعني ايه حنان يعني ايه امان واي حد كنت بحكيله كان بيستغلني أو كان بيبعد بسبب ده وانا دايما بحس بالنقص وخلني من غير شخصيه دايما بسعي لرضا الناس عشان ميبعدوش عني

Coffee_68646 🇪🇬 · Accepted Answer

ارضي نفسك وبس وتقبلي نفسك بكل ظروفك

Coconut_64334 🇪🇬 · Answer

امم، اولا ربنا يجازيكي عنه خير و للاسف مضطرة تصبري لحد ما يجيلك نصيبك 
و الدك دا للاسف مش عاوز اقول حاجة غلط 
بس هو انسان ربنا هيعاقبه عليكم بإذن الله اشد العقاب 
اما انتي ف ليكي العوض عن كل دا متقلقيش

Coffee_52706 🇪🇬 · Answer

حاولي تتجنبي التعامل مع والدك واعملي اصحاب من غير مايعرف ومتحوليش تدوري علي اللي ناقصك عند اي حد لان مش كل الناس هتتعامل معاكي كويس وهيستغلوكي واستفادي من شغلك انك تنزلي وتخرجي مع اصحابك بحجة الشغل ومهمت كان الرقم اللي بتاخديه ادي لوالدك ربع منه لحد ما ربنا يكرمك وتتجوزي وتبعدي عنه

Coconut_64334 🇪🇬 · Answer

و بلاش موضوع الخوف وانك تحاولي ترضي الناس دا 
علشان كدا هتستنزفي نفسك و هتتعبي

Chilli_55831 🇪🇬 · Answer

أنا فاهمك جدا، وواضح قد إيه تعبتي من كتر ما كل حاجة حواليكي بقت ضاغطة ومفيش حد بيسند بجد.
مشاكل البيت، إحساسك إنك لوحدك، حتى الناس اللي المفروض أصحاب بيمشوا وقت الجد… ده وجع بيتراكم على القلب يوم ورا التاني.

Chilli_55831 🇪🇬 · Answer

وممكن تبقيي فاكرة إنك ملكيش حد، بس ساعات ربنا بيحط في طريقنا ناس جداد يكونوا أحن علينا من اللي عرفناهم سنين