مشاكل مع أبويا وعلاقات فاشلة.. ليه العيب فيا؟

Banana_68879 🇪🇬

منذ أسبوعين

شعور محبط

في الحقيقه، عندي مشاكل كتير مع ابويا للاسف معرفش يعني أيه اب اصلا. انا بشتغل من ٤ ابتدائي عشان اساعد مامتي ،ولحد انهارده انا ٢٤ سنه احنا لسه بنصرف علينا وعليه. بس الفلوس عمرها ما كانت الازمه. الازمه الحقيقه في المعامله السيئه، ده خلاني للاسف دخلت علاقات فاشله وكلها استغلال انا ارتبطت وانا ١٦ سنه براجل عنده ٣٥ سنه طبعا اول ما عرف مشاكلي بدأ يستغلني وحاول ياخد الكلام في سكه مش كويسه وأما رفضت اختفي من حياتي وقتها حسيت اني خسرت رغم اني عارفه أنه بيستغلني والموضوع اتكرر ٣ مرات بنفس النهايه انا والله معملتش حاجه غلط ومش فاهمه انا ليه اتحطيت في الزون دي وليه بتساب هو العيب فيا !!!

مشاعر مكبوتة وعلاقات فاشلة بعد ما حبوني للفلوس

مش بعيط لان عديت المرحله ديه بس انا حبيت واحده 8 شنين وحرفيا ربتها ع ايدي وكنت سبب من الاسباب ان هي عشتغل وظيفه محترمه مش محتاج اقولكم ايه اللي تم بعدها ... تاني واحده معرفش كانت مريضه نفسيا ولا ايه بس كنت قافل حرفيا من العالم كله وكانت الثيرابي للاسف 😂😂 المهم يعني بعد حبه جلسات قعدنا فتره عادي منتكلمش وبعدها جت تكلمني محتاجه فلوس سلف ماشي سلفه ورا سلفه وبعدها الكلام بدأ يزيد اخر م لاقيت الموضوع مريب يبنت الناس انا صعب ادخل فعلاقه واعنل واسوي عملتني فارس وخلتني بطل الابطال وان هي بتحبني وبتاع وهكذا وانا كنت مسيطر ع مشاعري مش بالقطاره بس مش مدلوق وهكذا لحد م جه اليوم بردو اللي خرجنا واول م رجعنا قالتلي انا شوفت فعينك الحب مكنتش اعرف انك بتحبني كده الخ الخ المهم بردو لحستني التراب وسالفه مني فلوس ياما حبه ايشي علاج ايشي امي وانا كنت زي الحمار وخدته مغري المهم ببجد يعني المفروض معبرش عن مشاعري المفروض ابقي حجر حتي مع الشخص الوحيد اللي المفروض هو هيبقي حياتي كلها المفروض محبش ولا اعمل ايه بجد لازم اشتم واهين عشان ابقي راجل وجامد ؟ ...عرض المزيد

2 الدعم

1 نصيحة

خسرت كل صحابي بسبب بنت.. هسيبكم تحكموا

انا خسرت صحابي كلهم بسبب واحدة مش هوصفها هسيب ليكم انتم الحكم. انا كان عندي شلة صحاب من اكتر من ٨ سنين، كنت بحب واحدة مش من ديني و الموضوع مبدأش اصلا كا قصة حب و كدا. بس كنا مع بعض تقريبا كل يوم لفترة معينة بنخرج و نروح و نيجي و مكنش فيه اي ليمتس ما بينا لدرجة اني مع خبرتي القليلة مع النوع الاستغلالي دا من البنات كنت تقريبا متبناها من ناحية المصاريف و كل حاجة و انا كنت بتبسط اوي لما اشوفها مبسوطة يمكن اكتر من انبساطي بالخروجة او وقتنا مع بعض فحبيتها زي ما قولت بس هي مكانتش بتبادلنى الشعور و مع كدا مش رفضاني و انا كنت دايما بقول في دماغى انه علشان حوار الدين و مش مهم كدا كدا علشان احنا تقريبا كنا مرتبطين كا افعال فا مش مهم الكلمة يعنى. المهم فضلنا كدا لحد ما بعد سنتين هي صاحبت حد بس دا لم يؤثر على علاقتنا كنا برضو بنخرج و نروح و نيجي لحد ما بطلنا نتكلم خالص فترات بس كنا بنرجع كل فترة. الموضوع كان داخل على ٥-٦ سنين في القصة دي و كانت theاخر سنة او سنتين قررت اني مش هرد عليها ولا هكلمها لحد ما هي فجاة بعتتلي رسالة في وقت انا كنت فيه ضعيف و قولت احنا كبرنا خلاص و عدينا ب حاجات كتير ف خلاص بقى نرجع نتكلم كل فترة كدا و نشوف بعض حتى لو مرة في الشهر. في نفس الوقت دا اقرب شخص ليا فسخ خطوبته بعد ٨ سنين خطوبة و قبل فرحه ب شهرين بالظبط فكان متدمر نفسيا و احنا فعلا الفترة دي كنا خايفين عليه لدرجة اننا كنا بنعد عنده في بيته كل يوم علشان هو كان فعلا حاله يصعب عل كافر و شوية شوية بقينا نيجى بصحابنا البنات معانا. انا على حظى انى كنت بكلم البنت دي فكنت بقولها تعالى معانا و كدا على اساس انها كانت شافت صحابي لما كنا قريبين و هما كانوا بيحضروا خناقتنا و ساعات يخوشوا يصالحو بينا و سافرت معانا مرة افتكر لما صاحبي دا كان مرتبط. المهم بدا يحصل حاجات منها غريبة متتوصفش غير بكلمة واحدة بس يلا، المهم هو مكنش بياخد اى رد فعل لما هي بتتدلع و انا كنت بستغرب بس واثق فيه زي الاهبل. قعدنا كدا بتاع شهر بعد كدا اكتشفت انهم بيتكلموا اصلا و تيجي مرة واحدة علينا كا شباب و تقولى كنت عملالك مفاجاة و شغل ميخشش على عيل صغير بس قولت عادي اكيد انا بتخيل لدرجة انهم هم الاتنين كانوا بيقنعوني اني بغير على صحابي و كلام اهبل كدا. المشكلة انى اتكلمت مع صاحبي دا و كنت بقوله خلي بالك هي حطاك في دماغها علشان انا عارفها كويس و هو يقولي احنا صحاب و انت متوهم و مواقف تانية كتير من النوع دا لدرجة انها بقت بتبقى عنده في البيت قبل ما احنا نوصل و ساعات مش بينزل اصلا و يتحجج باي حاجة. اخدت القرار و قولت يولعو مش عايز اشوفهم تاني دا طبعا بعد كلام كتير و مواقف اكتر و بعد ٣ شهور كانوا قاريين فاتحة و تبريره لاصحابنا كان، هو ليه بيكرهلي الخير؟ هي اصلا قالتلي انه كانت واخداه مصلحة و هم اصلا مش على نفس الدين. الصراحة الموقف دا قفلنى من كل البنى ادميين و بقيت شايف الناس كلها وسخة و الحياة مصالح متبادلة بس و مفيش حاجة اسمها صداقة. حاسس ان الموقف دا كسر حاجة جوايا مش هتتصلح بخصوص اني بشوف الناس ازاي. انا عارف انها دايرة و هييجي اليوم و حقي هييجى لوحدو بس دا مش هيصلح حاجة جوايا اتكسرت. ...عرض المزيد

5 الدعم

4 نصيحة