عندي ضغط وقلق وترومات بقالي فترة ومش عارف أركز

Question

السلام عليكم ازيكو يا جماعة عاملين ايه 
انا بكتب البوست دا عشان لو حد ممكن يساعدني او حاجة

1. 
مبدايا انا واحد عمري ما اشتكيت ولا بحب ابين اني حزين او اي حاجة من دي بل بتضايق لما الاقي حد بيظهر حزنو عشان يلاقي الاتنشن

*.
انا بقالي فترة طويلة عايش ف ضغط وقلق وترومات بحاول اخرج منها دا غير الترومات اللي بتتكون في الوقت الحالي.

نتج عن دا قلق وتوتر غير مبرر اعصاب وشي بقت بتتشد في اوقات غير منتظمة دا غير اني عيني مش بتبطل ترف لدرجة اني بقيت بشوف بصعوبه

بالاضافة الي ان اعصاب دراعي بقيت هشه جدا وبقيت لو حاجة لمست اعصابي من عند الكوعزكدا ممكن افقد التحكم غي دراعي وساعات كتير بصحي من النوم الاقي دراعي مبيتحركش

كل دا عادي وعشت فيه شهور ان لم يكن سنين ولكن المعضلة دلوقتي اني ف 3 ثانوي وكل دا بياثر ع تركيزي وامتحاناتي والدنيا دي

#. 
ارجو بس لو حد جرب  دا قبل كدا يفيدني لان صحتي واهم سنه في حياتي بيضيعو مني.

صل ع النبي في سرك ❤️

Sugar_76392 🇪🇬 · Accepted Answer

أنا زيك كده و جالي يانيك أتاك كمان لكن الحاجات ديه ساعات بتبقي كمان نقص فيتامينات زي vitamin b and  and calcium vitamin D 
دول الأشهر تاني حاجه لازم تلتزم بالصلاه و صفحه من القرآن كل يوم و الاستغفار هو قاتل الover thinking 
بقوله تعالي (وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ) و العذاب يشمل عذاب الدنيا و التفكير الزائد
جرب كل ما تفكر قول استغفر الله الذي لا إله إلا هو الحي القيوم و اتوب اليه

Olive_18890 🇪🇬 · Answer

و عليكم السلام✨
هتحتاج تظبط كذا حاجه اذا كانت من عوامل نفسيه او عوامل جسديه.. 
اولًا نفسيًا هتحتاج انك تفضي دماغك من كل الحاجات اللي موتراك و لو حابب تروح ل ثيرابيست يساعدك ف ده ف مفيهاش اي مشكله ولا هي عيب ولا حرام..  و ممكن تكتب عشان تطلع كل الحاجات اللي مضيقاك ع ورق او حتى ف ماسدجات ف الشات بتاعك... او حتى رياضه تبعد دماغك عن انها تفكر ف حاجات تقلقك.
و كمان هتحتاج تظبط نظام نومك.

Olive_18890 🇪🇬 · Answer

و حاول انك تحكي لما حاجه تبقا مضيقاك لحد قريب منك. 
جسديًا بقا ف انت هتحتاج تشوف دكتور باطنة او اعصاب عشان الحاجات دي كلها بنسبة كبيره اوي نقص vitamins زي vitamin D, b12  و ماغنسيو و كالسيوم ف تابع مع دكتور عشان يبدأ يستبعد من ال vitamins دول اللي انت مش محتاجهم.
و بلاش كافيين بوجه عام عشان ميتعبكش بردو. 
و متضغطش نفسك جامد ف الدراسه اعمل اللي عليك و سيب الباقي ع ربنا.. بس متبقاش قاصي ع نفسك

Olive_18890 🇪🇬 · Answer

و كمان الجانب الديني لا غنى عنه. 
ابدأ يومك بالقيام و صلاة الفجر و اذكار الصباح كده باكيدج كده عشان يبقا اليوم فيه بركه و ربنا يبقا راضي عنك. 
حاول بردو يبقا معاك راديو صغير مثلًا تشغل فيه اذاعة القرآن الكريم..  بتريح الاعصاب جدًا و هتخليكي تبقا مبسوط اليوم كله✨🌠