تعبت من زوجي القاسي وعايزة حلول غير الطلاق

Question

انا مكتوب كتابي 
جوزي طول ما هو معايا بيقفل نت مبيرضاش يسيب التليفون قدامي نهائي و لو نسيه بيرجع ياخده من جمبي حتى لو داخل الحمام يرجع ياخده على أساس افتكر يكلم حد في الشغل 
عيد ميلادي جه و قاللي أنه طالب اوردر اونلاين عشان هدية عيد ميلادي و كدا و تقريبا الاوردر طلع نصباية و مفيش حاجة وصلتله ف اعتقد فكس و مفكرش يجيب حاجة تانية 
زميلته في الشغل مخطوبة بس على طول بينهم كلام و بينه و بين أهلها و انا شاكة أن في حاجة من ناحية العيلة دي بيتعامل معاهم كأنهم أهله بيتدخل في مشاكلهم و بيحل اي حاجة معاهم 
و هو عارف ان البنت دي عملتلي عقدة نفسية بسبب مواقف كتير منها معاه و هو كمان غلطان انا عارفة 
تعبت و ضغطي وطي و ضربات قلبي مكانتش منتظمة و نفسي مبهدلني و طالع بالعافية و عيني تقلت و كنت شبه داخلة على جلطة لولا كلمت دكتور صاحب والدي الله يرحمه و قاللي تعالي قاسلي الضغط و لقاني بترعش جامد اوي اخدت حقنتين و خدت علاجات تقيلة منهم الحقن اللي هنتظم عليها شهر كل يومين حقنة 
غير أنني متحسنتش لما كلمته عاتبته على كل دا قاللي متركزيش معايا و بعدين اتلكك إنه مع ناس و قفل 
من وقتها مكلمنيش ولا قاللي عاملة ايه دلوقتي ولا عبرني و روح نام من غير ما يكلمني ولا اعرف عنه حاجة ! 
عايزة حلول غير كدا في اي خناقة بينا بيبقى قاسي عليا بطريقة صعبة و انا شخصية عاطفية و حساسة اوي  
و انا مش وحشة شكلًا ولا اخلاق ولا اي حاجة و هو عارف دا و بيقولي أنا مضمنش اتجوز اي واحدة تانية غيرك انتي
عايزة حلول انا تعبت و كل ما بزعل و بشيل جوايا كدا بتعب و ببقى بموت من التعب و بصفر و ضغطي بيوطى و ببقى حالتي صعبة و هو مفيش مرة يكلمني بعدها يقولي عاملة ايه دلوقتي 
قولولي حلول غير الطلاق عشان بحبه و عايزاه و مش هقدر اشوفه مع حد غيري ولا اكون مع حد غيره ❤️‍🩹 
اسفة طولت عليكم❤️‍🩹🥹

Coffee_29532 🇪🇬 · Accepted Answer

الحل انك تلحقي نفسك فعلاً وانتي بنت و تنهي الموضوع مفيش حاجه اسمها بيحبني اللي بيحب مش هيعمل كده متوهميش نفسك و فوقي لنفسك و شوفي نفسك غاليه و فكري بعقلك شويه و الغي مشاعرك هتلاقي نفسك قرفتي منه و بعدتي فعلاً مش هقولك اكتر من كده شوفي نفسك غاليه

Ice Cream_72134 🇪🇬 · Answer

مفيش حلول غير انك تبعدى

Coffee_71746 🇪🇬 · Answer

لاحول ولا قوة إلا بالله بجد في حد كدا يكون معاه شخص بيصونه وببحبه وبيخاف عليه وميقدرش يكون عايش من غيرو وردن لكل حب دا ميحسسوش بل امان ولاا الحب الي بيحبو. لي  فعلان لو طبقن كلام رسول صلى الله عليه وسلم لان نتعسا ابدأ كما كان يفعل معا زوجته ما كان قت يبين حتا انهو يفضل زوجه عن اخره ولو بكلمه ربنا معاكي لو عوزه بجد يصونك ويحبك ويعزك وميشوف حد غيرك لو بعيد عن ربنا لازم يقرب من ربنا لنفسو وليكي

Coffee_71746 🇪🇬 · Answer

اصعب احساس حب من طرف واحد

Sugar_69780 🇪🇬 · Answer

هتتعبي مع انسان زي دا الافضل تتطلقي وانتي لسه علي البر بعد الزواج والاولاد هو هيكون اسوء وانفصالك اصعب افضل تطلقي الان وتكسبي نفسك وربنا يعوضك بانسان يستاهلك دا جابلك المرض من اولها منتظره ايه مفيش انسان يستهال انك تزعلي عليه كدا

Carrot_71963 🇪🇬 · Answer

تسيبيه وانتي بتحبيه أحسن ما تسيبيه بعد ما تكرهيه

Cookies_30760 🇪🇬 · Answer

بس انا بحبه مش قادرة اعمل كدا و مش هعرف دا حب خمس سنين

Cookies_30760 🇪🇬 · Answer

ربنا يهديه عليا و يحنن قلبه عليا و يطلع لسة بيحبني❤️‍🩹

Cookies_30760 🇪🇬 · Answer

بس هو بيقول أنه بيحبني اكيد مش بيكدب

Cookies_30760 🇪🇬 · Answer

والله بقول فداه اي تعب اتعبه بس يفضل معايا عشان بحبه و مش هقدر ابعد عنه متعلقة بيه و بحبه و عشرة عمري ف مش هستحمل فراقنا

Cookies_30760 🇪🇬 · Answer

عالاقل لو كرهته هسيبه و انا مرتاحة بس انا بحبه مش هقدر اعمل دا!

Sugar_69780 🇪🇬 · Answer

عموما ربنا يقدرلكً الخير ويشيل غشاوه الحب من علي عينك صحتك بالدنيا لا هو ولا غيره وقت ما تقعي هينفعك وافتكري كلامي
وربنا يسعد قلبك ويريح بالك

Cookies_30760 🇪🇬 · Answer

يارب يا حبيبتي بس ربنا يهديه لاني مش هقدر استحمل فراقنا والله ربنا يهديه و يحنن قلبه عليا

Coconut_73225 🇪🇬 · Answer

لو عندك مجرد شكوك اتأكدى ولو اتأكدتى ان فى حاجة وحشة متكمليش لأن دلوقتى انا جوايا رأيين أولهم انك ممكن تكونى شخصية شكاكة وده اللى تاعبك والتانى ان ممكن فعلاً تكونى عندك حق وهنا هقولك دع ما يريبك الى ما لا يريبك وتأكدى انك على البر دلوقتى هتنزلى بحر مش هتعرفى تعومى فيه هتغرقى وتهلكى اختارى الراجل الواضح الصريح النضيف من جوا وبرا اللى متتعبيش معاه نفسياً لأن فى شخصيات بتقتل اللى معاها نفسياً

Cookies_30760 🇪🇬 · Answer

و يقولي دا طبع فيا اعمل ايه؟
غير كل دا كنت بقول زمان و خلاص
اكتشفت ان البنت اللي جت عملت الاعلان دي اللي انا متكلمة عنها في البوست نفسه 
لقيتها راكبة جنبه في يوم في العربية و نايمة و هو مصورها الشكوك دخلت فيا من وقتها من ناحية البنت دي رغم أنها مخطوبة و وقتها كان على استعداد يكلمها هي و مامتها عشان يثبتلي أنهم كانو رايحين موقع شغل و مامتها كانت معاهم و هي اللي قالتله بص بص البت نامت ازاي صورها

Cookies_30760 🇪🇬 · Answer

و ابعتهالي

Cookies_30760 🇪🇬 · Answer

بصي انا عمري ما كنت شكاكة 
بس هو اصلا شغله مفيهوش بنات 
لحد ما فجأة جاب بنتين معاه واحدة عشان تعمل اعلان للشغل بتاعه و فجأة اشتغلت معاه و التانية كانت مهندسة اللي بتصمم المكان 3d و كدا البنات بقو يقعدو معاه و يحكو عن ماضيهم و حياتهم و ذكرياتهم و كل حاجة عادي و هو غلطان طبعا أنا عارفة 
غير كدا لو اي انثى دخلت كلمته اه بيرفضها بس بيفضل يجرجر فيها لحد ما يشوف آخرها و اتكلمت معاه كتير ف كل دا

Tomato_71168 🇪🇬 · Answer

حطيله منوم

Coconut_73225 🇪🇬 · Answer

بصى مدام الحال كدا اديله فرصة اخيرة واقعدى معاه متجيبيش له سيرة الانفصال لكن كلميه عن ربنا واننا لازم نعيش عيشة ترضيه وان العلاقة بين الجنسين زى اللى مش بيعرف يعوم وفى جسر ترعة طين لو قربت منه هتتزحلق وتقع فى الترعة وتغرق لأنك مش بتعرف تعوم واللى بيصر على القرب من الغرق هيغرق عاجلاً أم آجلا ولو لاقيتيه بيعاند ومصر استخيرى ربنا والحكماء من اهلك وانفصلى عنه وشوفى واحد ابن حلال عارف ربنا وحاطط حدود

Coconut_73225 🇪🇬 · Answer

واوعى تخلفى لو اضطريتى تكملى قبل ما تتأكدى من اخلاق ابو عيالك ممكن حتى تاخدى مانع حمل غير هرمونى فى البداية بدون علمه ولما تتأكدى من اخلاقه ابقى خلفى بس اللى بيحوم حوالين الزنا بيزنى عاجلاً أو آجلاً

Cookies_30760 🇪🇬 · Answer

لا هو استغفر الله مش بيحوم حوالين الزنا اكيد مش للدرجة بس بيتعامل مع الجنس الآخر عادي و اللي بيهزر معاه بيهزر هو كمان و هكذا و انا بتضايق و هو مبيريحنيش و مبيعملش اللي انا عايزاه و اتخانقت معاه كتير عشان البنت طلعت نكدية و بزهق بقيت بسكت كتير و بعدي لكن مبقتش قادرة بقا في تطورات بقا يرد عليا يزعقلي قدام اي حد انا مبسمعش منه كلمة حلوة غير يوم عيد ميلادي بعتلي مسدچين كدا و بس لكن غير كدا مفيش

Cookies_30760 🇪🇬 · Answer

انا مش عايشة معاه احنا لسة مكتوب كتابنا بس و بعدين هحط منوم اعمل بيه ايه😂😭

Pineapple_68397 🇪🇬 · Answer

اذا تأكدتي ان في حاجه مع الناس اللي قلتي عليها بلاش تظلمي نفسك لان الجاي هيتعبك فأنسحبي بهدوء لعل الله يحدث بعد ذلك أمرا 
اما لو دي ظنون وغيرة النساء غيري من نفسك معاة  واخيرآ تحري الدقه وبعدين حددي اتجاهك

Cookies_30760 🇪🇬 · Answer

انا عارفة أنه مش بيخوني بس عارفة أن لسة في كلام و هزار و بيتعاملو و  عادي و خايفة من فكرة أنه مستحيل يسيب التليفون قدامي و في مرة كنت معاه قام يتكلم في البلكونة لما روحت وراه قفل على طول ف خايفة و لما عاتبته قاللي متركزيش معايا 
ف انا مش فاهمة الكلمة لما انا مش هركز مع جوزي و شريك عمري كله 
هركز مع مين؟!

Coffee_71746 🇪🇬 · Answer

سعات مبيكونش حب بيبقا تعلق او تعود مش اكتر حاجه لازم تكون ف حياته من غير سبب  كلام الي قولتيه بيقول انو حتا مبيفكرش فيكي حب مش مجرد كلامه حب حياه حب سعاده وفقي الله

Cookies_30760 🇪🇬 · Answer

مش هعرف ابعد ولا اجي على مشاعري عشان بحبه و معتبراه كل حاجة في حياتي ف فكرة ابعد دي صعبة اوي عليا مش هقدر استحملها🥹

Coffee_29532 🇪🇬 · Answer

بلاش بالله عليكي تبقي ساذجه في تفكيرك و الحقي نفسك بقولك وانتي آنسة قبل ما الفاس تقع في الراس و تدخلوا مفيش حد بيحب حد هيتعامل معاه كده و هيعامل غيره بالاهتمام ده انتي بتقنعي نفسك بايه بجد يعني بالعقل لما بيعمل كده قبل الجواز بعد الجواز هيعمل ايه مفكرتيش في السؤال ده!

Sugar_69780 🇪🇬 · Answer

ربنا يقدرلك الخير

Pineapple_68397 🇪🇬 · Answer

بصي صرحيه ان اللي فات مش بتاعي بس اللي جي بتاعي يعني لو عندك اي علاقات انهيها قبل مندخل علشان انا مش هقول دة وانا معاك والأمر متروك ليك من الان فكر