ابن عمي العصبي بيقول ألفاظ سيئة ومش عارفة أتصرف

Question

انا وهو بنحب بعض جدا  وهو يبقي ابن عمي بس هو عصبي جدا جدا ولما بيتعصب بيقول الفاظ مش كويسه وانا بسكت وبيتعصب من أقل حاجه واي حاجه فضلت كتير اسكت واسكت وجيت ف مره رديت علي الفاظو دي ببرود يعني مشتمتش قلتلو انت اتجننت قلي انتي بتشتميني انتي خلاص بقيتي تتعالي عليا ومش عارفه اعمل اي

Potato_27813 🇪🇬 · Accepted Answer

الراجل اللي ميقدرش يتحكم في نفسه مش راجل بالتالي سيبي الانسان ده و ابعدي عنه لأنك حتي لو بتحبيه مش هتعرفي تكملي معه كدا متخسريش وقتك و عمرك عشان مشاعر الحب اللي ممكن تتكرار تاني مع حد بيحترمك اكتر من كدا لان الحب بيتكرار لكن الوقت و العمر مره واحده بس

Orange_57094 🇪🇬 · Answer

باختصار المفروض محدش يقبل على نفسه الاهانه تحت اي وضع أو ظرف 
والمفروض كل علاقه وكل حاجه يكون ليها حدود مهما كانت هيا ايه حفاظا على كرامه ومشاعر الناس في تعاملهم مع بعضهم البعض

Tomato_57130 🇪🇬 · Answer

نرجسي

Avocado_57113 🇺🇸 · Answer

بس هو مقتنع انو الراجل يهين ويشتم والمرأه تسكت

Avocado_57113 🇺🇸 · Answer

ازاي يعني

Cherry_57122 🇪🇬 · Answer

انتي قلتي بنحب بعض جدا طيب هو مفهوم الحب ايه غير احترام وتفاهم وموده ورحمه!
وانتي سكتي كتير احتراما للحب ده بس ممكن تكوني نسيتي نفسك وكرامتك "الغالين عندك قبل أي حد" زي ما صونتي الحب ده صونيهم واتكلمي انك مش عارفه تتعاملي بالاسلوب ده علشان مع الوقت يا عالم الموضوع ممكن يتطور ويوصل ل ايه ممكن متبقاش الفاظ واهانه وبس..

Orange_57094 🇪🇬 · Answer

محتاج يثقف نفسه وانتي تساعديه وقبل اي حاجه لازم يبقا عنده دين هيهذبه

Avocado_57113 🇺🇸 · Answer

اتكلمت كتير بس مفيش فايده وبيهددني بالبعد

Avocado_57113 🇺🇸 · Answer

ده لو كلمتو عن ربنا بيسب الدين

Cherry_57122 🇪🇬 · Answer

لوي دراع ولو هي كده ف انتي محتاجه تجمدي قلبك وتختاري نفسك
وده يرجعنا لنقطة انك انتي لوحدك اللي بتصوني الحب ده وعايزاه.. انتي لو قرأتي كلامك هتلاقي انك انت الطرف الوحيد اللي بيحاول يحل

Orange_57094 🇪🇬 · Answer

لا يبقا قدري الموقف بقا انتي وشوف ايه أقل الخسائر اللي تقدري تتحميلها 
وحطي في دماغك اللي ملوش دين ملوش امان 
الدين خط احمر 
حتى إن مش ملتزم ومقصر لاكن لازم اي إنسان يبقا عنده محبه للدين و إحترام له واعتزاز بيه 
من غير الدين مفيش عزه لحد .

Orange_57094 🇪🇬 · Answer

انا ملاحظتش في الاول إنك بتكلميه عن ربنا يقوم يسب الدين 
هنا الوضع اسوء بجد 
ربنا يتولانا جميعا برحمته 
شوفي تقدري تعملي ايه يغيره ويبقا عنده دين

مكنش فاعرفي إن حياتك فرصه واحده بس 
وهيا الوسيله لمستقبل أفضل 
في الاخره المستقبل الحقيقي 
فأحسني عقد ما تقدري في الوسيله وهيا حياتك
وربنا يهدينا جيمعا

Avocado_57113 🇺🇸 · Answer

وكل حاجه يعملها لو غلط ف اي حاجه يقلي خساره فيكي اللي بعملو وبيتحكم ف كل حاجه ف شكلي بحجه انو غيران عليا

Avocado_57113 🇺🇸 · Answer

انا مش عارفه اعمل اي انا بحبو بس هو ع طول يحسسني مقصره معاه ويحسسني بالذنب واي حوار يحصل بينا او نقاش كأنو هياكلني أكل ويقعد يزعق

Avocado_57113 🇺🇸 · Answer

مش هقدر اسيبو انا متعلقه بيه

Orange_57094 🇪🇬 · Answer

تاني الدين هو المعيار الأول والوحيد للتحكم في حياة الناس وتظبيط أمورهم 
حتى إن لم يكن هناك إلتزام تام 
لاكن يبقا هو الأصل في جميع التعاملات

من الاخر اللي ملوش دين ملوش أمان 
والحياه اصلا لوحدها صعبه 
فالحاجه للي عنده دين ويتقي رينا
سواء رجل أو امرأة في الاختيار للزواج 
هيا من زمان حاجه أساسيه .

Cherry_57122 🇪🇬 · Answer

واحده واحده كده
 ١)اهانه
٢)تحكمات (لو ركزتي فيها هتلاقي انه ثقته بنفسه معدومه ف بيشوف نفسه في الجزء ده)
٣)زي ما قرأت انه مش عامل حساب لربنا!! هيراعي ربنا فيكي ازاي بعد كده؟!
دول التلت نقط بس اللي انتي اتكلمتي فيهم، ده كله بقا مقابل ايه يعني ايه المميزات قصاد العيوب دي بتاخدي ايه من العلاقه دي

Orange_57094 🇪🇬 · Answer

الامام الشافعي قال وفي الناس أبدال وفي الترك راحة

Potato_27813 🇪🇬 · Answer

تقدري تسيب الشخص ده عادي و حياتك تستمر و تحبي تاني علميآ تقدري + أني شوفت ناس كانت زيك و عدت المرحله دي عادي ممكن تشوفي طبيب نفسي يساعدك أو لايف كوتش كويس و صدقيني هتقدري لان نفسك تستاهل احسن من كدا حاولي عشانها🤍

Orange_57094 🇪🇬 · Answer

اتفق

Avocado_57113 🇺🇸 · Answer

اعتقد ولا حاجه

Avocado_57113 🇺🇸 · Answer

ان شاءالله

Avocado_57113 🇺🇸 · Answer

فعلا

Sugar_51886 🇪🇬 · Answer

هتتجوزيه هيصبحك بعلقه ويمسيكي بعلقه يا عسل

Avocado_57113 🇺🇸 · Answer

متوقعش منو حاجه زي كده

Avocado_57113 🇺🇸 · Answer

بس هو قبل كده عملها مع اختو لما اتعصب منها وفتح ايدها بالسكينه

Sugar_51886 🇪🇬 · Answer

لا توقعي منه يا حبيبتي 
توقعي منه أي حاجه 
ده انتي كمان بتقولي عمل كده مع أخته 
يبقى معاكي هيبقى ملاك يعني ؟؟
لا يا بنتي مش شبهك 
مظنش أنك هتحبي تعيشي في تعاسه عمرك كله ميغركيش الكلام الحلو اللي بيسمعهولك اهم حاجه الفعل 
هو مش كويس 
اهربي