بحب واحد وأهلي رفضوه.. أعمل إيه؟

Question

مساء الخير
انا حبيت واحد وهو حبني جدا اتقدملي وأهلي رفضوا عشان كان متجوزة مرة وطلق قبل كدا والولد شرحلي سبب الطلاق بكل أمانة... واترفض بردو عشان كنت هعيش في محافظة تانية القاهرة ... اتهان واتمسح بكرامته الأرض ومكنوش عايزين يكلموه عشان يتقدم
الولد كويس وكل حاجة بس هما رافضين عنده شغله ومنصبه وخريج كلية محترمة
هو بعد نا اترفض اتجوز تاني وطلق بردو عشان مراته خانته واكتشف خيانتها بعد الجواز بشهرين ... دلوقتي رجعلي وبيتمنالي الرضا ارضى ... انا لسه بحبه وسامحته بس خايفة من ردة فعل اهلي ... اعمل ايه ؟؟

Potato_60962 🇪🇬 · Accepted Answer

ك رأي شخصي اهلك ولا دينًا ولا قانونيًا ليهم الحق في جوازك و انتي لوحدك المسئولة عن قرار زي دا و اختيار شريك حياتك ف حاولي تراجعي حساباتك تاني و ركزي في كل التفاصيل و افهمي وجهات نظر اهلك علشان ممكن يكونوا شايفين حاجة في الشخص دا انتي مش شيفاها و لو حسيتي انك فعلا راضيه عن الجوازه دي حاولي تقنعني اهلك بالحسنى و كلميهم و فهميهم وجة نظرك انتي كمان و بس و عموما ربنا يقدملك اللي فيه الخير و

Olive_59219 🇪🇬 · Answer

انا مش هتكلم في مدي صحة قرار اهلك
بس مش شايفة واحد فشل في جوازتين بحجج مختلفة الله اعلم بمدي صحتهم .. ده ينفع نتمسك بيه ؟؟؟
اختاري اللي تكملي معاه مش اللي يقضي  يومين ويطلع بأي حكاية و يسيبك زي اللي قبلك

Avocado_49873 🇪🇬 · Answer

وهو لو اخوكي مكانه كنت هتقولي نفس الكلام دا لما يتقدم لواحدة ويكون متجوز قبل كدا ايا كان السبب ... انا اعرفه كويس وعرض عليا انه يخليني اكلم طليقته بس انا رفضت ... الرك على الشخصية والمواقف الي بتحصل معاكي وهي الي تقولك ايه الصح وايه الغلط

Avocado_49873 🇪🇬 · Answer

حاولت والله بس الاهل متحكمين ف كل حاجة حتى الشغل ... جالي شغلي ف محافظة تانية غير محافظتي رفضوا ... وعرض شغل بره مصر رفضوا بردو ... عندهم حق يخافوا عليا بس بردو خوف بسيطة وتحكم يخنق ... وانا في الاخر الي هتجوز وهعيش وهشتغل مش هما ... انا مش هعيش عيشتهم ولا هما هيحددولي حياتي تمشي ازاي ... فاهماني

Olive_59219 🇪🇬 · Answer

كلامك صح
بس انا لو متقدم لاختي شخص زي ده اكيد هقلق عليها جدا
و مش هخليها تبدأ اول فرحة في حياتها مع واحد ما نجحش مرتين في نفس مشروع الجواز
دي مش مغامرة لان خسايرها هتبقي وحشة

Avocado_49873 🇪🇬 · Answer

طيب اعمل ايه انا بردو بحبه بس في نفس الوقت في شوية خوف طبيعي

Olive_59219 🇪🇬 · Answer

خوفك منطقي جدا
ويخليكي تفكري بدل المرة الف
الحب يتعوض بس خسارة نفسك بعد الشر ما تتعوضش
وبعدين ده اترفض عندكم راح اتجوز و لو ماكنش حصل الظروف ماكنش طلق ولا رجع لك
هو لاقي حد قاعد فاضي وهو فضي قال ما نرجع جرب
انا رأي كمان مرة اهو .. الشخص لا يصلح واكيد فيه غيره واحسن منه كتيييير بس انتي قرري تختاري صح لنفسك قبل اي حد

Avocado_49873 🇪🇬 · Answer

عندك حق بس كان بيحاول كتييير مع اهلي اكتر من سنة والله بس الحمدلله ع كل حال ... ادعيلي ربنا يلهمني الطريق الصح