متضايقة من كلام الأوبر و مخنوقة! أنا مليش لازمه؟

Question

امبارح كنت راكبه أوبر هو عرف أني دكتوره سألني بشتغل فين قولت مش بشتغل قالي ليه و افتحي عياده و قولتله ان شاء الله  لما يكون في فلوس قالي انتي معقدها و بعدين ليه تاخدي شهاده طب اسنان و تروحي تقعدي في البيت تقوري كوسه و بتنجان و قالي هاتي رقمك اساعدك تفتحي عياده قولتله لا المهم إني حاسه إني متضايقه من كلامه و مخنوقه اوي ، انا سعيت و قدمت في كذا مكان و اشتغلت في أماكن مكنتش احسن حاجه و أنا عندي بنت و متزوجه هل انا كده مليش لازمه و الناس بتشوفني كده زيه

Apple_72790 🇪🇬 · Accepted Answer

كلامه ملوش قيمة ولا لازم تأثري بيه هو شافك من زاوية ضيقة جدًا وميفهمش ظروفك ولا تعبك
حضرتك رديتي بأدب واحترام وده كفاية جدًا 👌
متخليش كلام حد يكسرك ، كمّلي بطريقتك وان شاء الله توصلي اللي نفسك فيه ❤️

Mango_74700 🇪🇬 · Answer

انك تكوني ناجحة في بيتك و مهتمة بيه و تربي جيل تربية كويسة دا اكبر نجاح ممكن توصليله 
النجاح في الشغل دا شيء تافه بالنسبة انك تكوني اساس و عماد لبيت و مربية لجيل محترم و ناجح

Mango_74700 🇪🇬 · Answer

اوعي تضايقي من شخص مريض بالشكل دا 
الفلوس مش كل حاجة

Cherry_44067 🇪🇬 · Answer

الرجل دوره القوامة ، يعني هو مطالب و من واجبه أنه يشتغل و يصرف على بيته . أما المرأة دورها تربية الأطفال و كدا . و على فكرة دور المرأة كبير و مسؤولية كبيرة لأنها مسؤولة على تربية اجيال هي عماد الأسرة اساسا 
اقعدي ارتاحي ف بيتك و ربي بنتك انتى مش مطالبة تشتغلي و تتعبي برا . 
و ماشاءالله تبارك الله انتي ناجحة ف دراستك و ناجحة ف بيتك

Watermelon_69433 🇰🇼 · Answer

انتى عارفه ظروف نفسك وعلى أساسها تقررى أمورك

Pineapple_77757 🇪🇬 · Answer

يعني بذمتك حسه انك معملتيش حاجه فحياتك وبتخدي نصيحه واحد شغال اوبر فكك منه وكبري دماغك وبعدين هو هياخد رقمك هيقدملك معاه فاوبر فكك منه

Apple_70037 🇪🇬 · Answer

يعني حضرتك معاكي شهاده وست قدرك كافي من العلم بتاخدي بكلام شخص اكيد تعليمه علي قده ؟ كان نفع نفسه هو الاول

Apple_58349 🇪🇬 · Answer

جرى اى يدك والله عيبه ف حقك اصلا انك تاخدي بكلام حتة عواطلى زيه ده عبيط اصلا هو فين ونتي فين صلى عالنبي يشيخه الدنيا هتروق اصبري بس