ليه مفيش حب حقيقي في حياتي؟ وانا دوري أمتي!

Question

مساء الخير 
انا بس كان عندي سؤال بيدور ف ذهني و لحد دلوقتي مش فاهمه انا ليه مفيش مره قابلت حب حقيقي حاسس اني دورت كتير و عمال اروح و الف شمال و يمين ازاي مفيش بني ادمه واحده حتي تشوفني حاجه او اعتبرني سند او اي شئ من هذا القبيل زمان كنت بفتكر أن مثلا عشان شغل مكانش احسن حاجه؟
بس دلوقتي الحمدلله ربنا اكرمني و بشتغل بمرتب مكنتش احلم بيه زمان اصلا ف ليه بجد لحد دلوقتي كل الناس سواء الاعلي مني أو الأقل بيحبو و بيتحبو عادي طب مهو 
انا دوري أمتي بقي!

Strawberry_25620 🇪🇬 · Accepted Answer

قاعد مؤدب ومستني دورك😂؟ 
الاجابه في السؤال .. لأنك بتدور اصلاً 
محدش بيدور ع الحب الحقيقي هو لو حقيقي بجد هييجي لوحده ، من الآخر ماتدورش

Blueberry_68641 🇪🇬 · Answer

علشان مش لاقين اللي فاهمنا واللي قادر يحتوينا

French Fries_69511 🇪🇬 · Answer

انا شايفه انك محتاج تحب نفسك الاول و تفهم أن مش لازم حد يحبك عشان حاجه انت بتعملها أو عشان شغلك أو او خليك حاطط ف دماغك انك شخص جميل و بتحب لكونو انت فقط و حب نفسك وارضي بيها حتي وهيا ف اسوء حالاتها حب نفسك عشان الي قدامك يقدر يحبك و متسناش الحب من حد

Almond_67947 🇪🇬 · Answer

كان نفسي يكون عندي إجابه واضحه اعرف فيها المشكله خصوصاً اني والله حد مخلص و حنين بحكم اني حياتي الاسريه مكانتش الطف حاجه ف هكون حابب اعوض ده معاها اكيد و ساعات بقول يمكن عشان شكلك بس انا شكلي مش وحش نهائي بالعكس محدش بقي فاهم حاجه عمتا

Almond_67947 🇪🇬 · Answer

الحب غريزه إنسانيه يا بطاطس و احتياج زيه زي الأكل و الشرب ف مش منطقي نهائي اني ميكونش مستني احتياج منطقي زي باقي احتياجاتي,

Blueberry_68405 🇪🇬 · Answer

كلنا تقريباً عندنا نفس السؤال ومش لاقيين له إجابه مقنعه بس الأكيد إن كل حاجه بتيجي في وقتها أكيد هيجي اليوم إللي هنحب ونتحب فيه ويطلعوا أشخاص صح مش مجرد أشخاص لفتره صغيره وخلاص

Almond_67947 🇪🇬 · Answer

او يطلعون خازوق كبير يمرمطنا ف محاكم الاسره🥱

Ice Cream_69536 🇪🇬 · Answer

عندك كام سنه

Almond_67947 🇪🇬 · Answer

٢٠

French Fries_69511 🇪🇬 · Answer

ياحج لوز قصدي أن كلامو بيدل انو بيحاول يعمل حاجات عشان يخلي حد يحبه أنا قاصدي انو ميحاولش و يخلي الي يحبو يحبو عشان نفسو مش عشان الحاجه الي بيعملها

Blueberry_68405 🇪🇬 · Answer

عشان كدا لازم نصبر عشان نلاقي في الأخر أشخاص كويسين يستاهلونا ونستاهلهم

Blueberry_68641 🇪🇬 · Answer

انا بالنسبالي ملقتش ده 
لاني محبتش نفسي اصلا

Ice Cream_69536 🇪🇬 · Answer

طب انت لسه صغير اوي اوي ع اللي انت فيه ده
مفيش داعي اصلا للإحساس ده انه يكون عندك

Banana_64870 🇪🇬 · Answer

علشان مافيش حاجه اسمها حب حقيقي وحب مش حقيقي دي كلمة مطاطية ولها استخدمات كتيره

Almond_67947 🇪🇬 · Answer

منا خايف استني كتير اوي يا فراوله و العمر بيجري و أولي نعيش اي لحظه بتعدي مع حد بتحبه لأنها مش هترجع تاني ، و عمتا برضه انا كاعد مؤدب و مستني دوري اه

Pineapple_25373 🇪🇬 · Answer

في كتير اوي في نفس الحاله بجد 
بس كله في وقته مع كل تأخيره في خيره 
واكيد ربنا بداخرلنا الموضوع عشان نكون بيقنا احسن  وقتها

Mango_29955 🇪🇬 · Answer

متدورش هو بيجي لوحده

Strawberry_25620 🇪🇬 · Answer

طب خليك مؤدب بقا لحد ما دورك ييجي 😂😂
العمر ما بيجريش دي حاجه بتقررها انت عايزو يجري او لا ،تقدر تعيش اي لحظه في اي وقت، وقت ما تيجي بقا