هو احنا ليه بنكتئب بسبب ناس احنا مش فى دماغهم اصلا هما اذونا و عملوا دورهم فعلا و مشيو و احنا نتسحل سنين فى علاج نفسي و ترميم ذات و قرف كتير كدة و يا سلام بقا لو اللى حواليك عمال يلوم فيك انك ازاى ضعيف و ازاي مش عارف تتعالج كل ده و مش عارف تلملم جروحك من كل اللى اذوك كدة و انت مابقتش فاهم طيب الغلط فيا فعلا !! طيب لو انا ضعيف فعلا فده طبيعة شخصيتي زي ما الثرابي فهمتني و ان ده مش بمزاجي اكون شخصية حساسة زيادة عشان اتربيت على ان الغلط ممنوع و انتوا ك أهلى زودتوها و انتوا عمالين تكسروا فيا و تقولوا مس هتقدري مش هتعرفي انت صغيرة انتي مش قد حاجة من دي هابقا جامدة منين !! بلس هاعرف اختار ناس صح منين و ازاي و هما المثال اللى بدور على ناس زيهم عشان اعرف انجح فى علاقتي معاهم و مابنجحش برضو و بعدين بقا هافضل الف في نفس الدائرة قد ايه ؟ انا حاسة ان مافيش امل فيا حقيقي و اني فشلت فى كل محاولة للتعامل مع البشر صحاب أهل اخوات حتى الارتباط جربت مرة و بتعالج من اثره لحد النهاردة ف ايه بقا و بعدين ؟ هرتبط ب شات جي بي تي يعني ولا هموت لوحدي ولا ايه بالظبط ؟! 😄 ##هرتلةـفارغة

3

6