انا ناقصني ايه عشان اعمل ف نفسي كدا ؟ ليه بكره نفسي للدرجه دي؟ هو عندي أغلي من كرامتي؟ لا والله هو ميستاهلش دمعة واحدة من عيني ولا يستاهل اني افكر فيه.. طب ليه بذل نفسي بالشكل ده؟ ليه حبيته بالرغم من كل الفروق اللي بينا ؟ دراستي، جمالي، مستوايا، حياتي ، اهلي.. ليه مشوفتش انه دايس ع وجعي من غير اي انسانيه او رحمة؟ ليه رافضة اصدق الواقع ومكملة اهين ف نفسي ؟ ليه مش قادرة اتقبل فكرة انه باعني ومش راجع؟ ليه عمالة اهين كرامتي واذل نفسي واعيط واتحايل ؟طب هو لو رجع انا هحس معاه بالأمان من تاني ؟ اكيد هبقي خايفة كل دقيقة يسيبني.. طب ليه بعمل ف نفسي كدا ؟ ليه ببعتله وانا عارفة انه مش هيرد؟ انا محتاجة حد يضربني ع وشي يفوقني.. والله العظيم انا مش انا.. بدمر نفسي وحياتي بايدي.. الله لا يسامحه

2

8