ليه بزهق من البنات بعد ما بتكلمهم؟

Banana_51073 🇪🇬

منذ يومين

شعور غبي

أنا بقيت بزهق جامد من العلاقات مع البنات بس كل فتره بحس اني محتاج ده انا مش قصدي نوم يعني انا اقصد ارتباط أو حتي أصحاب أو كلام يعني بينا ، أنا بحس اني محتاج بنت في حياتي ولما الاقيها ونتكلم شويه ببقي مبسوط وتمام بعد كام يوم برميها أنا مش بلعب بيها ولا بتسلي ببقي عادي وطبيعي خالص بس بزهق من الكلام معاها واسيبها فتره وبعدين ارجع اكلمها تاني او انساها خالص وادور علي غيرها ونفس الموضوع بيتكرر أنا مش عارف اي السبب ومش عارف لي ده بيحصل !؟؟

مش عارف أبدأ إزاي.. بحس إني محتاج أفضفض

مش عارف أبدأ إزاي، بس حاسس إني محتاج أفضفض شوية. أنا شخص انطوائي، وبصراحة بحس إني عايش في عالم لوحدي بعيد عن الناس. الوقت بيعدي من غير ما أحس، الأيام بتجري وأنا مش واخد بالي. بتحصل مواقف مهمة في حياتي – سواء في الشغل، الدراسة، أو حتى لحظات مفروض تكون فارقة – وبحس إني بارد ومش قادر أديها حقها. العلاقات كمان عندي مشكلة، مش عشان مش بحب الناس، بس عشان مش بعرف أعبّر أو أظهر اهتمامي. حتى مع اللي قريبين مني، بحس إن في مسافة دايماً موجودة، رغم إني مش عايز كده. الموضوع بيوجعني أوقات كتير، بس مش عارف أغيره. حاسس إن فيه حاجة ناقصة جوايا، أو يمكن مش عارف أعيش بالطريقة الصح. لو حد حس بنفس الحاجات دي قبل كده أو عدى بحاجة شبهها، يا ريت يشاركني. يمكن ألاقي طريقة أخرج من الدايرة دي. شكراً لأي حد قرا الرسالة دي." ...عرض المزيد

11 الدعم

4 نصيحة

ليه مبعرفش اعمل صحاب حقيقيين واتخزوقت من العلاقات؟

جماعة انتوا ازاي بتعملوا صحاب حقيقيين؟ انا ناس كتير بتحب تقعد معايا و تحب هزاري جدا و الكلام معايا بس عمري ما حسيت انهم عايزين يبقوا صحابي بجد! يعني دايما بحس فيه حاجة كدا بيني و بينهم بتخليهم مش صحابي بجد!! أنا اتخزوقت فشخ من ساعة ما وعيت على الدونيا و جلدي بقا تخين اوي عندي تراست ايشوز من العلاقات و الصداقات تحديدا بقيت حاسة ان مفيش حد هيتقبلني كاملة زي ما أنا و هتبقا صاحبتي فعلاً ويتقال فيا كلام حلو عن الصحاب وكدا، بزعل أوي ان محدش ببنزلي حاجة خالص ولا بيقولي كلمة حلوة قدام الناس اه بيحبوني وكل حاجة بس مش بلاقي حد منزلي صور مع بعض أو كاتبلي كلام شكر او امتنان لوقفتي معاها في ظروف معينة! بحس دايما إني طرف ثالث او طارف خارج أصلا معرفش هل أنا مبعرفش أعمل صحاب كويس؟ ولا العيب فمين بالزبط!! بس أنا زعلانة اوي ان عدى من عمري سنين كتير ونا معنديش صاحبه واحده في الدنيا دي مكملة معايا للآخر وفعلا نستاهل بعض💔 ...عرض المزيد

6 الدعم

5 نصيحة