ليه الناس بتحب الغلط وبتستغبي بقصد؟

Mango_34671 🇪🇬

منذ يومين

شعور محبط

انا ساعات بحس ان الناس بتقصد انها تبقي غبيه مش تكبر والله او حاجه بس ساعات بحس ان الناس غبيه او بتستغبي بقصدها يعني هما عارفين الصح و الغلط و الاحترام و قلة الادب و رغم كدا تلاقيه بيروح للغلط او لقلة الادب بجد بقيت احس ان في جزء كبير اوي من الناس بقول زباله وبقو بيحبو جو البلطجه و الصياعه و الخناقات و الكلام دا رغم ان ممكن يكون هو شكلو محترم و اهلو محترمين ، و عمتا يا جدعان الكلام دا طالع من واحد اتولد.و اتربي في منطقه اغلبها تجار مخدرات و مسجلين و رغم كدا انا مطلعتش زيهم لان اهلي ربوني و الظروف هي الي رمنتا في مكان زي دا بفكر ساعات لما انا عيشت عمري كلو في منطقه زي دي و رغم كدا لما بتعامل مع اي حد بيشهد ب احترامي سواء للكبير او للصغير ف بجد بحس ان الناس مبسوطه ب الغلط و عاوزاه رغم أن الصح واضح و قدامهم

أنا عيل ضعت مع صحاب السوء وعلاقتي بيا بابا انتهت

انا ولد عيد ميلادي لسه مش عدى عليه شهر انا تميت ال ١٣ سنه في شهر ٨ ٢٠٢٥ و كنت مريت من سنتين با اوسخ حجات حد في سني ممكن يعدي بيها ده با النسبه ليا يعني عرفت صحاب سوء و شربوني سجاير و علموني قله الادب و كل ده و انا عندي ١١ سنه اصلا يعني على الاقل كان يحصل لما اكبر حيه حلوين و ابويا مسك فوني ساعتها و عرف انهم شربوني سجاير و بقول اوسخ الكلام و عمل زي اي اب ممكن ممكن يعرف ان ابنه عمل كده طبعا علقه موت و كان عاوز يشغلني صبي ميكانيكي بس قرر انه يديني كمان فرصه و الفون اتسحب مني سنه مثلا و قطعت علاقتي با العيال الي كنت مصاحبهم دول و ابويا فضل السنه دي كلها مش طايق حته يبص في عيني و هو طبعا من حقه يديني العلقه الموت الي اجدتها و كل الي عمله ده بس انا كان نفسي يسالني انت عملت كده ليه مش اكتر و انا ساعتها كنت مجرد عيل صغير عايز يستكشف يعني ايه سجاير و عايز يشتم زي صحابه عشان لو مكنش عمل كده مكنتش هيبقى عندي صحاب و انا ساعتها مكنش عندي صحاب فا اول ما جت ليا فرثه اني يبقى عندي صحاب بس با شرط اني اعمل زيهم وافقت على طول و بعد سنه من الموضوع ده الفون رجع ليا و ابويا بدء يرضى عني و يسامحني بس هو مكنش يعرف اني طول السنه دي كنت برضو بشتم و بقل ادبي و بعمل كل ده بس في الشارع و هو عمل حاجز بيني و بينه اني مش اعرف احكيله تي حاجه بتحصل في يومي او مصاحب مين و مش اعرف اعمل اي حاجه بيعملها اي اب و ابنه طبعين و بعد ما اخدت التليفون بدات بقى في حاجه جديده الكلام ده و انا عندي ١٢ سنه بدات اني اكلم بنات على التيك توك و ارتبط و كل الحجات دي و ابقى قليل الادب برضو و لتاني مره ابويا يكون عايز يمسك تليفوني بس المره دي هو الي قالي هات تليفونك و انا اول ما سمعت الكلمه دي كان نفسي الارض تتشق و تبلعني جبت له التليفون هو كان خايف يفتحه لا يشوف حاجه يتصدم مني بيها و فعلا مش فتحه و انا قولتله اني ليه بشتم بس مش قولتله اني بكلم بنات و الحمد الله المره دي مكنش فيها ضرب و اخد التليفون تاني و قالي روح صلي الظهر فا سمعت كلامه و روحت صليت في اوضتي و انا قاعد بدعي انه مش يعملي حاجه و يسامحني و ان كل الي حصل من دقيقتين ده يعدي كانه مش حصل و انا بصلي دخل عليا الاوضه و هو متعصب و صوت نفسه كان عالي و جه وقف ورايه و انا حاسس با كل ده و انا راكع و قاعد بعيط و خايف لا يعملي حاجه و انا ساعتها مكنش فا حمل لاي حاجه ممكن تحصلي و خرج برا الاوضه من غير ما يعملي حاجه و نزلت عشان كان عندي درس و انا دايخ و مش مستوعب ايه الي بيحصل حواليه و عايز اليوم ده يعدي با اي طريقه ممكنه و علاقتي انا و ابويا بقت بارده اوي و هو بيقى بيسافر كل اسبوع شغله و يرجع و كام بوم و يسافر تاني و بقيت اتمنى ان مده سفره دي تطول و لما يجي بتمنى ان مدته تقل مش عشان مش بحبه ولا مش عاوزه يقعد انا كده كده بحبه مهما حصل بس انا مبقتش عايز وجع دماغ و محدش هيفهمني خالص في الكلمه دي و بعد كام شهر اخدت التليفون تاني و كلمت بنات تاني برضو زي الحمار مش بتعمل من غلطتي و في يوم كنت نايم لقيت امي حايه تصحيني با زعيق و بتوريني حساب بنت من الي بكلمهم و بتقولي تعرفها طبعا انا قولت لا و امي وريتني اسكرينات من شاتي انا و البنت دي با اوسخ الكلام برضو و انا برضو بقول اني مش اعرفها و للي بيسال امي عرفت منين البنت هي الي دخلت كلمتها و المره دي التليفون مش اتاخد و مسحت التيك توك و يقيت استعمل انستا و لما ابويا رجع امي قالتله و ابويا اتعامل معايا المره دي بكل هدوء و قالي نضف تليفونك و شيل من عليه الباسورد عشان انا همسكه كمان كام يوم و هنزلك عليه حاجه اعرف منها انت بتعمل ايه على التليفون و مش هاخدو منك فا انا قولتله لا جدو انا عايز اتخلص من اللعنه دي قالي ماشي هاخدو كمان كام يوم برضو و نضفه عشان كده كده همسكه قولتله ماشي و جه اليوم الي المفروض ياخد فيه الفون كان يوم جمعه فا نزلنا نصلي و سبت الفون في البيت و انا عامل كل الحجات الي قالي عليها نضفت الفون و شيلت الباسورد و الخطبه كانت عن الاطفال و استعمالهم للفون و كده يعني الشيخ لو قاصد مكنش عمل كده و بعد الصلاة انا و ابويا مروحين مع بعض فا و احنا ماشين قالي انه مش هياخد الفون و انه مش هينزل عليه الرنامج و قالي خلي في بالك ان ربنا شايفك و انت بتعمل ايه و طلعنا البيت و التليفون فضل معايا فعلا و انا برضو فضلت اعمل نفس الحجات و زياده كمان و بقيت اعمل العاده السريه من قريب و انا مش عارف اعمل ايه في حياتي و علاقتي با ربنا ضعيفه جدا ولا بصلي ولا بعمل اي حاجه و ضعيف جدا في الدراسه انا مش عايز حل انا بس كان هيحصلي حاجه لو مش حكيت . ...عرض المزيد

0 الدعم

6 نصيحة

قرفان من ولاد فاكرين قلة الأدب حاجة حلوة

انا قرفان من الولاد بصراحة مع اني ولد بس انا مختلف عنهم ملاحظ أن الولاد ببتعمدو يعملو حاجات غبية ويخلو شكلهم وحش ويكونو مش محترمين لمجرد أنهم عايزين يبانو كدا وفاكرين أن دا منظر كويس وملاحظ بردو أن هما مهاويس جنس بشكل مبالغ فيه وفاكرين أن دي حاجة حلوة ومن الاخر هما مش فاهمين بيعملو ايه بس مجرد قطيع كدا فاكرين أن قلة الأدب حاجة حلوة ...عرض المزيد

3 الدعم

4 نصيحة

خلاص راحت عليا ولا لسه فيه أمل في التلاتينات؟

هو ممكن الأنسان حياته الملغبطة في العشرينات تتحسن في التلاتينات ولا كدا خلاص راحت عليه .. انا اول م بدأت ادخل في التلاتينات كان بالنسبالى عادى لحد م تعليقات الى حوليا بدأت وحسسوني ان كدا غلط ولازم اتنازل عن حااجات كتير عشان اعيش بشكل قدام المجتمع يقبله بغض النظر انا راضية ولالا بس عشان ميتقالش وصلت للتلاتين ولوحدها رغم ان دا قراري وكل انشغالى كان انى احسن من نفسي بس حاسة انى بدات اصدقهم وانه خلاص كدا ودا نصيبي من الدنيا لكن مش ندمانة ع اى حاجة فاتت مفيش اى حاجة فاتت كان ينفع اكمل فيها بس ليه الناس متسكتش ليه كل واحد ميكونش في حاله كلمه واحدة ممكن تغير تفكير كامل لشخص للابد.. ليه التنظير ع بعض ليه استشعر انه خلاص راحت عليا دا شعورى من جوايا لكن الحقيقة ان العشرينات والتلاتينات ميختلفوش حاجة عن بعض بالعكس وبعدين هو مش فيه حاجة اسمها اقدار ليه الناس مش بتحطها في حساباتها كلامى ملغبط ومش بدور ع نصيحة بس حبيت اكتبه زي م هو كدا ...عرض المزيد

1 الدعم

8 نصيحة