هحاول كل يوم احكي مشكله عندي أو اقول علي مواقف مأثره معايا علي امل أن في يوم من الايام بعد ما اطلع كل اللي جوايا ابقي كويس و مع كل مشكله طبعا لو حد يقدر يساعد أو عنده نصيحه ياريت ميبخلش عليا اليوم الاول : طبعا اي مشكله عموما في حياتي انا شايف اني نفسي السبب الأول فيها و لا احد اخر مش متأكد من الحوار ده بس مفيش عندي تفسير غير ده هتكلم عن وحدتي انا شخص اللي هو بحب الناس جدا جدا بحب قرايبي جدا جدا بس للاسف انا مبعرفش اتعامل مع الناس مبعرفش افتح كلام مع حد مبعرفش اتعامل مع الناس كتير مع اني بحب اتعامل مع الناس كتير اول حد صاحبته في حياتي كان ابن خالتي كان طبعا في ابتدائي و السن ده كنت مكتفي بيه طبعا مع اني كنت بشوفه من حين لآخر بس كنا بنحكي لبعض كل حاجه حرفيا لغايه ما في يوم حبيت واحده قريبتي و لما اعترفتله لاقيته بيقولي أنه كمان بيحبها و من ساعتها و حصل توتر للعلاقه اللي بينا كل واحد فينا بيحاول بيقرب منها و يبقي معاها لغايه ما حصل حوارات كبيره و انتهي الموضوع من الناحيتين الشخص اللي كان صاحبه و مليش غيرها و الشخص اللي حبيته و حتي اللحظه بحبه ( و طبعا هتيجي للموضوع ده في يوم تاني بالتفصيل ) نيجي بعد كده اعترفت علي صديق تاني كان معايا في تالته اعدادي و حبيته جدا جدا و خد مكانه كبيره عندي و كنت بردو بحكيله كل حاجه و عرف كل حاجه عني و مره واحده بعد عني بردو و هكذا بقي شخص كمان بعده و من ساعتها و انا خلص مبقتش اعرف اصاحب حد و لا احكي أحد اي حاجه خالص علشان متأكد أنه هيجي يوم و يتخلوا عني . ليه بقي بيحصل معايا كده معرفش لدرجه ان خلاص بقي عندي اقتناع أن العيب فيا انا حاولت محكيش بالتفاصيل الممله يعني علشان ميبقاش في كلام كتييير

3

0