هو ليه مينفعش نعمل زي الاجانب في موضوع الجواز؟ بجد ليه ده؟ و انا هنا مش بنتكلم اننا نقلدهم في نقطة العلاقات قبل الجواز او عدم موافقة الاهل على الجواز. انا بتكلم ليه بجد مينفعش الجواز يبقى سهل و ميسر؟ يعني اتنين عايزين يتجوزوا...فيه بينهم قبول او إعجاب...يروحوا بكل بساطة طالما ناس محترمة و قادرة على تلبية ضروريات الجواز...ياخدوا موافقة الاهل و يتجوزوا و خلاص...بجد ليه مينفعش؟ الشاب برة لو حب يتجوز كل اللي بيحتاجه دبلة او خاتم حسب قدرته...و استوديو متأجر و فرش قدر المستطاع و بس. البنت طالما موافقة مش محتاج اكتر من كده... ليه هنا بقى أنا ك شاب مطالب في بداية حياتي ببيت ملك و عفش بشيء و شويات و نيش و مصاريف جواز قد كده و شبكة لو قلت على ٥٠ او ١٠٠ او ١٥٠ الف (حسب كل بيت) ابقى انا وحش و بخيل او غير مقتدر مع ان ده مش صح نهائي. ده غير ان غالبا لازم الشاب كمان يكون معاه عربية عشان يعرف يتنقل بمراته و يريحها. كلللل ده مفيش ضروريات منه غير العفش و يمكن العربية...مش تقليل من قيمة البنت ولا حاجة بس بجد يا جماعة حرام اوي الواحد يشتغل مثلا من ٤ ل ٨ شهور عشان يجيب تمن الشبكة بس....و في الاخر الغلط هو اللي بقى سهل و كتير.....بدل ما نلم العك ده لا إزاي بقى....لازم نخش الحياة الزوجية محققين كل حاجة و جايبين كل حاجة. طب و انا لما ابقى وصلت المرحلة دي لوحدي و عديت بكل التعب و السهر و الجهد ده لوحدي...عشان في الاخر بنت ترضى بيا او أهلها يرضوا بيا دي حاجة كويسة؟ دي حاجة صح؟ المفروض الجواز يعين على الحياة و الشغل و الانتاج...مش العكس.

1

7