
Broccoli_69076 🇪🇬
منذ 3 أيام
.
شعور متعب
لما امي ماتت .. عرفت إن مسكة الأكياس ال فيها طلبات البيت و الطلعه بيها ع السلم بتوجع الظهر جداً ، و إن الميه تقيله أوي ، و إن الغدا كل يوم مش بالساهل ، وعرفت إن الصحيان بدري لوحدك صعب ، وإنها أحسن م ١٠٠ منبه ، وإن الحاجات الضايعه مش هتلاقيها. عرفت إن دور البرد أشد ١٠٠ مره من دور البرد و أنت معاها ، و إن العلاج كان بيها مش بالمضاد الحيوي ، و إن ال هتعوزه مش هتلاقيه ف ساعتها. عرفت إن الزعل من غير وجودها أضعاف ، و إن الغلط من غير عتابها مابيتشافش ، و عرفت إن الأمان مش فى قفلة الباب بالمفتاح و الترباس ، وإن ترتيب البيت شيء مجهد جداً ، و عرفت ان الطلعه م البيت م غير دعوه ماتتحسبش ، و إن ف حاجات إسمها كهربا و غاز و مايه ، و إن محدش هيجري يشيل إزاز الكبايه المكسوره و يقولك ابعد لتتعور .. عرفت ان انا صغير من غيرها ، كبير من بعدها ، ميت من غيرها .. 😞💔 ربنا يرحم كل أمهاتنا يارب ويجعل تعبهم في ميزان حسناتهم ويبارك في الموجودين ويعطيهم الصحة يارب..
8
2