موضوع:

ازاي بعدت عن شخص انت بتحبه عشان نفسك ؟

لما حاولت كتير و عطيت فرص اكتر و ما شفت نتيجة، و لما كنت بشرح اللي بيضايقني بالتفصيل الممل و اشرح كيف لازم يعاملني و بلاقي تطنيش، لما كنت مرة ببكي لأنه كان مطنشني اسبوعين و حكالي (انتي بتجمعي دمعتين من اهلك و تجي تطلعيهم عندي) ادركت اني فضفضت لشخص غلط، و لما مرة بكيت و انا بحاول اشرحله اديش بحبه و قعد يضحك و يحكيلي اني دراما و ياليت يقدر يحكيلي نفس الكلام بس هو صريح و ما بيحب يكذب، ادركت اني ولا شي بالنسبة له، جرحني و اهان كرامتي بحبي ليه، بس لأنه ضمن وجودي صار يتعالى علي، و هلأ لما انا مشيت صار بده يبوس الارض اللي بمشي عليها لحتى ارجع، احياناً قلبي بيغلب عقلي و بحن و بفكر انه ممكن يكون تغير فعلاً، بس برجع بتذكر الوجع و البكا اللي بكيته ليالي بسببه، ما تحسبت عليه بعمري ولا بتمناله الشر، بالعكس! بتمناله الخير بس بعيد عني، لأنه انا تعبت و مش مستعدة اتعب نفسي اكتر من هيك.

11

3