انا 19 سنه اتعرفت على واحد من سنه ونص هو قدي بردو عرفنا بعض ب طريقه مختلفه كنت بروح مكان وهو كان بيروح نفس المكان ومكنتش نعرف بعض بس كان بيبصلي كتير اويي اكنو كان واقع ونظراتو كلها حب بس يبان عليه انو بيكسف اوي وانا كنت واقعه فيه من اول مرا شوفتها فيها المهم جه ف يوم كلمني فعلا وكان باين عليه الكسوف اوي وقالي انو معجب بيا وطلب رقمي ووشو كان احمر اوي اكنو اول مرا يكلم بنت عرفنا بعض اتضح فعلا انو اول مرا يتعرف على بنت بالشكل دا وان كان بيفضل يكلم هو وصاحبو انو عايز يجيلي بس خايف المهم صحبو اقنعو كتير لحد ما جه قربنا مع الوقتبس مش اوي كنا بننزل كتير بس إحنا الاتنين بنتكسف وبنا حدود اوي غلطت غلطه وسلمت نفسي شويه كان بنا حضن او بوسه كدا يعني(عارفه انو غلط انا وقعت فالغلط من غير وعي) بس بعد اربع شهور اتغير اوي معايا فكرت بسبب اني سلمت نفسي وشافني سهله مع اني اقسم بالله حبيتو حب مش طبيعي كان بنا تلميحات كتير اوي بس عمرنا مااعترفنا لبعض وديما كانو صحابو يقولولي اني انا الي اعترف وانو عمرو ماعترف لبنت بس هو بيحبني ومستنيني اقولو انا طبعا رفضت فكره زي دي المهم كان بنا نظرات اقسم بالله عمري ما حسيت الحب إلا من نظراتو ليا كنا بنعد فوق الخمس دقايق باصين ف عيون بعض المهم بعد اول اربع شهور اتغير وبعد عني بدون هدف واكتشفت فالاخر انة رجع لحبيبتو القديمه كانت اول كسره ف حياتي اكتئبت ومع ذلك كنت مستنياه يرجع رجع فعلا بعدها ب شهرين معرفش رجع شفقه عليا ولا عشان ساب البنت تاني بس انا سامحتو وهو كدب عليا قالي انو بعد عني عشان الضغط انا رجعت عشان كانت روحي لسه فيه بجد رجعنا وكان اسلوبو معايا مش شبه زمان ابدااا كان اكنو بيتسلى بيا ونزلنا وفعلا عملنا نفس الي عملناه زمان كان بيبقا اكنو عارفني عشان بوسه او حضن المهم بعد عني تاني بعدها بشهر وانا سعتها اتدمرت تاني بس مكنش فارقلي اوي وقولت لو رجع تاني مش هيفرق اوي معايا رجع فعلا بعدها ب شهرين بردو سعتها كنت متعوده انو هيقرب شويه ويبعد شويه رجعتلو تاني وانا كلي لهفه عليه وسامحتو مع العلم انا شخصيتي بياعه اوي ومش بحب حد ولا برجع لحد أذاني ولا حد يجي على كرامتي المهم المرادي رجع مختلف اوي من سعتها لحد دلوقتي كملنا سنه مبعدناش ولا بنا مشاكل وقربنا اوي وظهرت الغيره عليه حصل حوار كان فيه ولد واتأكد انو بيغير فعلا وكنا هنخسر بعض سعتها عرفني علي امو وعرفتو علي امي وبيكلمها ديما وقريبين انا وهو اويييي كل يوم كول وبنكلم وكلامنا كلو هزار وبنقف جنب بعض وبيساندني وقت خنقتي وهاماه هو جاف اوي فالكلام مش بيقول كلام حلو آبدا وعمرو ما قال كلام عدل إلا فالمناسبات بس وف عيد ميلادي مش بيجبلي اي حاجه نهائي ولا هدايا ولا حلويات ولا اي حاجه مع العلم انا بجبلو ف عيد ميلادو المهم الفتره دي اهتمامو زايد احيانا بحس ب تلميح وأحيانا لا وديما خايفه يكون بيكلم غيري بس بيفضل يطمني انو مفيش غيري مش عارفه اتصرف ومش عارفه اعمل اي ف قلبي ومش قادره ابعد عنو بس نفسي يديني ضمان انو عايزني او عايز يتقدملي وفنفس الوقت مش عايزا اقلل من نفسي كا بنت

2

10