فقدت شغفي بعد علاقة حب دامت ٤ سنين

Coffee_61291 🇪🇬

منذ 13 ساعة

شعور مرهق

هو انا عندي مشكله ومحتاج ليها اجابه وهيا اني من ونا عندي ١٨ سنه كونت شخص كويس جدا بشتغل وبدرس واتخرجت لحد مدخلت ف علاقه حب كانت مدتها ٤ سنين زي متقولو كده بدون الدخول لاي تفصيل تفطني خالص لدرجه اني مبقاش عندي شغف لاي حاجه ومش حبب اطول لحد كده ،

9 سنين ومش عارف أتخطى.. حياتي واقفة

9 سنين فاتو علي انتهاء علاقة حقيقي هي انتهت لاكن منتهتش جوايا 9 سنين مكانتش كفايه اني اقدر اتخطي 9 سنين بشغل بالي بمليون حاجه والف علاقه بدخل فيها عشان اتخطي وكل مره بكتشف اني لسه مش عارف اتخطي مش عارف انسي تفاصيل علاقتنا رغم ان عدي وقت كبير جداا نسيت حاجات كتير جداا في حياتي الا اني منستش اي تفصيله حتي لو صغيره من العلاقة بتاعتنا مبتروحش عن بالي لحظة حتي وانا مرتبط معرفش احب حد معرفتش ادي مشاعري لحد رغم ان اغلب العلاقات اللي دخلتها كنت الطرف الاقل حماس واقل حب والطرف التاني بيبقي هيعمل اي حاجه علشاني وبرضو مقدرش ادي مشاعري لحد 9 سنين عدو خلصت فيها مراحل عمريه كتير منها مرحله المدرسه والكلية اديني بدأت مرحلة تكوين نفسي الا اني مش عارف هكون نفسي ليه ولمين طول ال9 سنين بحاول مفكرش فيها لاكن مبعرفش الزعل والاكتئاب والتعب مع مرور الوقت دا كله كان بدأ يهدي بقيت عارف اتعايش مع يومي لاكن مش عارف اعدي يومي من غير ما تيجي في بالي قعدت اخر سنتين بحاول مدورش علي اي حاجه تفكرني بيها الا اني اليومين اللي فاتو دول كنت لسه ناهي علاقه كنت متفق فيها علي جواز ونهيتها لأني معرفش اتخيل واتصور نفسي فيها ف مجرد ما نهيت العلاقه وهي سببها الاول والاخير اني لسه بفكر في البنت الي علاقتنا خلصت من وانا لسه صغير طفل يعتبر ف ملقتش نفسي غير اني بدور علي الاكونت بتاعها وبما اننا كنا في مدرسه واحدة ولينا زمايل من ايام المدرسه ف مكنش صعب خالص ان الاكونت بتاعها يظهرلي لمجرد اني اكتب اسمها لاكن لقيت صورة البروفايل مختلفه مكانتش لوحدها وحد معاها اتصدمت وببص علي باقي صورها اكتشفت انها اتخطبت من شهر رجعلي نفس الاحساس اللي حسيت بيه يوم ما سبنا بعض من ساعتها وانا مش كويس مش قادر اتعايش مع يومي عادي من ساعتها كل يوم بفتح الاكونت وبتفرج علي صورها كل يوم بشوف صورهم سوا وبفكر ان لو كان انا حقيقي انا مش كويس حقيقي انا مش عارف اتخطاها معرفش يمكن عشان كنا صغيرين مشاعري نحيتها كانت صادقه معرفش اشمعني هي اللي مش عارف في ال9 سنين دول ارتبط كتير جدا مش فاكر تفاصيل اي علاقه فيهم ويمكن مش فاكر اغلب اسامي اللي ارتبط بيهم مش عارف ايه حل مشكلتي يمكن لأن ملهاش حل لأن كان زمانه نفع لأني جربت كل حاجه طول ال9 سنين دول بحبها ولسه بحبه وهفضل احبها واوقات بحب حبي ليها ومش عايزه ينتهي رغم انه مؤذي نفسيا عارف ومتأكد ان دي حياة وبتتعاش وزي ما اتخطبت وهتتجوز هخطب وهتجوز لاكن حقيقي هبقي بظلم اللي بتجوزهاا وبقول كدا من دلوقتي لأني هتجوزها وانا بتخيلها البنت اللي عيشت معاها طفولتي ومشاعري وحبي اغلب الوقت مش بيطلع من بالي اني لما هخلف ان شاء الله لو خلفت بنت هسميها علي اسمها بعدين افكر وايه ذنب اللي هتجوزها وانا مسمي بنتها علي اسم البنت اللي لسه بحبها مش عارف اعمل ايه الكلام دا مش بقوله مترتب شوية كلام حبيت اكتبه واقوله انا بحبها وبحبها جدا حتي وهي مخطوبه حتي وانا خلاص بقيت علي اقتناع انها هتتجوز ودي سنة الحياة هفضل احبها من بعيد من غير ما تعرف زي ما هي مش عارفه لحد دلوقتي بتمنالها حياة سعيده مع اللي معاه بتمني اكون معاها لما ربنا يفتكرنا ونروح عنده مش عارف ازي بس اهي امنيه حياتي من غيرها واقفه من 9 سنين ...عرض المزيد

1 الدعم

1 نصيحة

أنا متعود على همومي ومش خايف منها. ده طبيعي؟

انا شخص معنديش مشاكل او هموم ذي باقية الناس هنا ممكن عندي لكن اشوفها ملهاش اهمية رغم لما حد يعرفها اللي قدامي يتفاجأ من حجم الأمور مش عارف هل ده تبلد ولا ايه لكن بقيت متعود وخايف هل ممكن ده يأثر عليا قدام ؟ ...عرض المزيد

0 الدعم

2 نصيحة

الكلمة الطيبة عملة نادرة في زمن السرعة

في ناس مش بيقدموا هدايا، ولا بيعملوا مجهود مبالغ فيه… بس بيعرفوا يقولوا الكلمة الصح في الوقت الصح. كلمة واحدة منهم كفيلة تغير يومك، تواسي تعبك،تصبرك، وتخلي الدنيا اهون. الكلمة الطيبة مش محتاجة مناسبة، ومش بتكلف حاجة بالعكس دي صدقة ممكن تحيي ناس وتدفن ناس بالحياة… بس مش أي حد بيعرف يختارها، ومش كل حد صادق وهو بيقولها. في زمن السرعة واللامبالاة، بقت الكلمة اللي طالعة من القلب عملة نادرة… ووجود حد بيعرف يقولها، نعمة مش بتتعوض ربنا يديم علينا المراعيين والصادقين. ...عرض المزيد

1 الدعم

0 نصيحة