انا غلطت غلطة عمرى وحبيت واحد...مش هقول انه كان وحش لا هو بصراحة كان بيتمنالى الرضا أرضى وبيحبنى اكتر بكتير من حبي ليه وكل اللى بعوزه بيتعمل وكان بيسمعنى حتى لو هرغى بالساعات وبيحتوينى جداً ،كان لينا حوالى 6 سنين سوا. حاولت أسيبه كتير عشان عارفه ان دا حرام وللأسف كنت برجعله تانى وهو فى كل مرة كان بيرجع وحبه ليا عمره ماقل. المهم انا بعدت عنه من حوالى 3شهور لإنى انا والشخص دا أستحالة بأى شكل من الأشكال نتجوز واحنا عارفين كدا ودا مش بإيدينا ومع ذلك غصب عننا حبينا بعض وانا بعدت عشان حرام ووالله انا ندمت على كل دا وعاهدت ربنا انى مش هكلمه تانى وانى خلاص هستني ابن الحلال وانا هتغير للأحسن عشانه وعشان يلاقينى فى الصورة اللى هو يتمناها وعشان انا كمان ألاقيه زى م انا عايزه ،انا بعدت بس شيطانى بيغلبنى ونفسي ضعيفة ،نفسي اوى أمحيه من ذاكرتي بس ازاى! نفسي حد يطمنى كدا إن اللى انا بعمله دا هو الصح ويقوينى وينصحنى عشان نفسي متغلبنيش تانى وأرجعله خصوصاً انى حاسه بوحدة رهيبة من بعده حتى وانا بشتغل وبنزل.

0

14